Home /News /business /

ખુશખબર : સોનાની કિંમતમાં છ દિવસમાં 5000નો કડાકો, ફટાફટ જાણી લો નવો ભાવ

ખુશખબર : સોનાની કિંમતમાં છ દિવસમાં 5000નો કડાકો, ફટાફટ જાણી લો નવો ભાવ

વળી જે લોકો ઓનલાઇન એપ્લાય કરશે તેમને સરકાર, આરબીઆઇની સલાહથી આ રોકાણો પર 50 રૂપિયા પ્રતિ ગ્રામ છૂટ આપવાનો નિર્ણય પણ કર્યો છે. તેવા નિવેશકો માટે લિ ઇશ્યૂ પ્રાઇઝ 4,802 રૂપિયા પ્રતિગ્રામ છે.

મંગળવારે દેશની રાજધાની નવી દિલ્હીની સરાફા બજારમાં 10 ગ્રામ સોનાની કિંમત 40 હજાર રૂપિયાથી નીચે રહી હતી. માંગ ઘટવાને કારણે ચાંદીની કિંમતમાં પણ સતત ઘટાડો નોંધાયો.

    નવી દિલ્હી : ભારતીય રૂપિયો ફરીથી મજબૂત થતા અને આંતરરાષ્ટ્રીય સ્તરે કિંમતમાં ઘટાડાને કારણે ઘરેલૂ બજારમાં સોનાની કિંમતો (Gold-Silver Prices Falls)માં ફરીથી ઘટાડો નોંધાયો છે. મંગળવારે રાષ્ટ્રીય રાજધાની નવી દિલ્હીના સરાફા બજાર (Gold Spot Price)માં 10 ગ્રામ સોનું 80 રૂપિયા સસ્તુ થયું હતું. જ્યારે માંગ ઘટવાને કારણે ચાંદીની કિંમતમાં પ્રતિકિલોગ્રામે 734 રૂપિયાનો ઘટાડો નોંધાયો હતો.

    સોનાનો નવો ભાવ (Gold Price 17th March 2020) :

    ઘરેલૂ બજારમાં 24 કેરેટ સોનાની કિંમત 40 હજાર રૂપિયા પ્રતિ 10 ગ્રામની નીચે આવી ગઈ છે. મંગળવારે 10 ગ્રામ સોનાની નવી કિંમત 39,759થી ઘટીને 39,719 રૂપિયા રહી હતી. આ દરમિયાન કિંમતમાં પ્રતિ 10 ગ્રામે 80 રૂપિયાનો ઘટાડો નોંધાયો હતો. આ પહેલા મંગળવારે દિલ્હીના સરાફા બજારમાં 10 ગ્રામ સોનાની કિંમતનો ભાવ 41,155થી વધીને 41,610 રૂપિયા થયો હતો. જ્યારે શુક્રવારે દિલ્હીના સરાફા બજારમાં સોનાના 10 ગ્રામના ભાવમાં 1,097 રૂપિયા ઘટાડો થયો હતો.

    આ પણ વાંચો : Coronaને લઈ રેલવેનો મોટો નિર્ણય : AC કોચમાંથી પડદા હટાવ્યા, બ્લેન્કેટ નહીં અપાય

    ચાંદીની નવી કિંમત (Silver Rate 17th March 2020) :

    સોનાની કિંમતની જેમ ચાંદીની કિંમતમાં પણ મોટો ઘટાડો નોંધાયો છે. મંગળવારે ચાંદીની કિંમત 36,682થી ઘટીને 35,948 રૂપિયા થઈ ગઈ છે. આ દરમિયાન ચાંદીમાં 734 રૂપિયાનો ઘટાડો નોંધાયો છે. નોંધનીય છે કે કોરોના વાયરસના ખતરાને કારણે ઇન્ડસ્ટ્રીઓની ગતિવિધિ મંદ પડતા માંગ ઘટી છે. જેના કારણે કિંમતમાં ઘટાડો થયો છે.



    આ પણ વાંચો : કોરોના પર RBIએ ઉઠાવ્યા આ બે મોટા પગલાં, આગામી બેઠકમાં વ્યાજ દર ઘટવાની સંભાવના

    સોના-ચાંદીની કિંમતમાં ઘટાડાનું કારણ શું?

    HDFC સિક્યોરિટીઝના સીનિયર એનાલિસ્ટ (કોમોડિટિઝ) તપન પટેલનું માનવું છે કે રોકાણકારો હવે સોના અને ચાંદીમાંથી નફો વસૂલીને શેરબજારમાં થયેલું નુકસાન સરભર કરી રહ્યા છે.

    છ દિવસમાં 5000 રૂપિયા સસ્તું થયું સોનું :

    ન્યૂઝ એજન્સીના જણાવ્યા પ્રમાણે ઘરેલૂ ફ્યૂચર માર્કેટમાં સોનાની કિંમતો સતત ઘટી રહી છે. ગત પાંચ કામકાજના દિવસ દરમિયાન સોનું 5000 રૂપિયા પ્રતિ 10 ગ્રામ સસ્તું થયું છે. કહેવામાં આવી રહ્યું છે કે આંતરરાષ્ટ્રીય બજારમાં આવેલા ઘટાડાને કારણે ઘરેલૂ સ્તર પર સોનાની કિંમત ઘટી રહી છે.
    Published by:Vinod Zankhaliya
    First published:

    Tags: MCX, New Delhi, ગોલ્ડ, ચાંદી

    આગામી સમાચાર

    विज्ञापन
    विज्ञापन
    विज्ञापन