નાણા મંત્રી નિર્મલા સીતારમણે જાહેર કરી LTA વાઉચર અને સ્પેશિયલ ફેસ્ટિવલ એડવાન્સ સ્કીમ

News18 Gujarati
Updated: October 12, 2020, 2:25 PM IST
નાણા મંત્રી નિર્મલા સીતારમણે જાહેર કરી LTA વાઉચર અને સ્પેશિયલ ફેસ્ટિવલ એડવાન્સ સ્કીમ
નિર્મલા સીતારમણ (ફાઇલ તસવીર)

Special Festival Advance Scheme: દશેરા અને દિવાળી પહેલા નાણા મંત્રી નિર્મલા સીતારમણે (Finance Minister of India) લાખો સરકારી કર્મચારીઓને ભેટ આપી છે. તેમના માટે સ્પેશિયલ ફેસ્ટિવલ એડવાન્સની સ્કીમ જાહેર કરી છે.

  • Share this:
નવી દિલ્હી: નાણા મંત્રી (Finance Minister Nirmala Sitharaman)એ દેશની અર્થવ્યવસ્થાને પાટા પર લાવવા માટે માંગ વધારવાનો પ્રસ્તાવ રજૂ કર્યો છે. સોમવારે નાણા મંત્રીએ પ્રેસ કૉન્ફરન્સમાં જણાવ્યું કે સરકારી કર્મચારીઓ માટે એક ખાસ સ્કીમ શરૂ કરવામાં આવી છે. જેનાથી સરકારી કર્મચારીઓને એડવાન્સમાં રૂપિયા 10 હજાર મળી શકશે. આનો ફાયદો કેન્દ્રીય કર્મચારી (Central Government Employee)ઓને મળશે. નોંધનીય છે કે કોવિડ 19 (Covid 19)ની અર્થતંત્ર પર અસરને જોતા નાણા મંત્રીએ સ્પેશિયલ LTC કેશ સ્કીમ પણ લોંચ કરી છે. આ સ્કીમમાં એલટીએના બદલે કર્મચારીઓને એક કેશ વાઉચર (LTC Cash Voucher Scheme) મળશે. જોકે, આનો ઉપયોગ 31મી માર્ચ 2021 પહેલા કરવાનો રહેશે. જોકે, આ સુવિધા લેવા માટે અમુક માર્ગદર્શિકાનું પાલન કરવું પડશે. કહેવામાં આવી રહ્યું છે કે તેનાથી પ્રવાસને પ્રોત્સાહન મળશે.

નાણા મંત્રીએ માંગ વધારવા માટે બે પ્રકારના પ્રસ્તાવ રજૂ કર્યાં:

1) LTA કેશ વાઉચર સ્કીમ (LTC Cash Voucher Scheme)

2) સ્પેશિયલ ફેસ્ટિવલ એડવાન્સ સ્કીમ (Special Festival Advance Scheme)

કોને લાભ મળશે?

નાણા મંત્રીએ જણાવ્યું કે કેન્દ્રીય કર્મચારીઓ આ સ્કીમને લાભ લઈ શકશે. તેમણે કહ્યું કે, રાજ્ય સરકાર આ પ્રસ્તાવ સ્વીકાર કરશે તો તેના કર્મચારીઓ પણ આ લાભ લઈ શકશે.પૈસા કેવી રીતે મળશે?

નાણા મંત્રીએ જણાવ્યું કે આ સ્કીમનો લાભ લેવા માટે કર્મચારીને પ્રી-પેડ કાર્ડ મળશે. એટલે કે તેમાં પહેલાથી જ રિચાર્જ હશે. જેમાં 10 હજાર રૂપિયા મળશે. આ સાથે જ તેના પર લાગતા તમામ ચાર્જ પણ સરકાર ભોગવશે.

પૈસા કેવી રીતે ચૂકવવાના રહેશે?

એડવાન્સમાં લીધેલી રકમ કર્મચારી 10 મહિનામાં ચૂકવી શકે છે. એટલે કે દર મહિને એક હજાર રૂપિયા ચૂકવવા પડશે.

સરકાર કેટલો ખર્ચ કરશે?

નાણા મંત્રીએ કહ્યું કે, આ યોજના અંતર્ગત કેન્દ્ર સરકાર કર્મચારીઓ પર 4,000 કરોડ રૂપિયા ખર્ચ કરશે. જો, રાજ્ય સરકાર પણ આને લાગૂ કરે છે તો આઠ હજાર કરોડ રૂપિયા ખર્ચ કરશે.

સરકારનું કહેવું છે કે આ યોજનાથી કુલ આઠ હજાર કરોડ રૂપિયાની ગ્રાહક માંગ વધવાની આશા છે. જેનો સીધો ફાયદો દેશની અર્થવ્યવસ્થાને થશે.
Published by: Vinod Zankhaliya
First published: October 12, 2020, 2:25 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading