Home /News /business /

હોમલોનની EMIની ચૂકવણીમાં વિલંબ ટાળવા ખાસ ધ્યાનમાં રાખો આ વાતો

હોમલોનની EMIની ચૂકવણીમાં વિલંબ ટાળવા ખાસ ધ્યાનમાં રાખો આ વાતો

હોમ લોન ઇએમઆઈની વિલંબિત ચુકવણી લોન લેનારને ઘણી રીતે અસર કરી શકે છે.

હોમ લોન લેવી એ પાર્કમાં ચાલવા જેવું લાગે છે, પરંતુ તેની સમયસર ચુકવણી માટે કાળજીપૂર્વકના નાણાકીય આયોજન (Financial Planning)ની જરૂર છે. હોમ લોન ઇએમઆઈની વિલંબિત ચુકવણી લોન લેનારને ઘણી રીતે અસર કરી શકે છે.

    નવું ઘર ખરીદવું (Buying House) એ આપણામાંના ઘણા લોકો માટે એક સ્વપ્ન સાકાર થવા જેવું છે. પરંતુ જો તમે તમારી હોમ લોનની ચુકવણીમાં વિલંબ (Home loan repayments) કરો છો તો આ સ્વપ્ન એક ખરાબ હકીકતમાં ફેરવાઈ શકે છે. હોમ લોન રહેણાંક મિલકત ખરીદવા માટેના ભંડોળની વ્યવસ્થા કરવાની સૌથી સસ્તી અને સહેલી રીતોમાંની એક છે. આજે બજારમાં અનેક પ્રકારની હોમ લોન પ્રોડક્ટ (Home loan Products) ઉપલબ્ધ છે, તમે તમારી જરૂરિયાતોને અનુરૂપ શ્રેષ્ઠ પસંદ કરી શકો છો.

    હોમ લોન લેવી એ પાર્કમાં ચાલવા જેવું લાગે છે, પરંતુ તેની સમયસર ચુકવણી માટે કાળજીપૂર્વકના નાણાકીય આયોજન (Financial Planning)ની જરૂર છે. હોમ લોન ઇએમઆઈની વિલંબિત ચુકવણી લોન લેનારને ઘણી રીતે અસર કરી શકે છે. તમારી હોમ લોનની ચુકવણીમાં વિલંબને કઇ રીતે ટાળવો (solutions to handle delay in repayments of home loan) તે આજે અમે તમને આ લેખમાં જણાવીશું.

    પેનલ્ટી અને એનપીએ એકાઉન્ટમાં વિલંબ


    જો તમે સતત ત્રણ મહિના સુધી તમારા ઇએમઆઇની ચુકવણી કરવામાં વિલંબ કરો છો, તો તે એક નાનો ડિફોલ્ટ માનવામાં આવે છે. આ કિસ્સામાં લોનદાતા તમને ચુકવણી માટે રિમાઇન્ડર્સ મોકલવાનું શરૂ કરી શકે છે. પરંતુ સમસ્યા ત્યારે શરૂ થાય છે જ્યારે આ વિલંબ લંબાય છે. 3 મહિનાથી વધુના વિલંબને મુખ્ય ડિફોલ્ટ તરીકે વર્ગીકૃત કરવામાં આવે છે. ધિરાણકર્તા સિક્યોરિટાઇઝેશન એન્ડ રિકન્સ્ટ્રક્શન ઓફ ફાઇનાન્સિયલ એસેટ્સ એન્ડ એન્ફોર્સમેન્ટ ઓફ સિક્યુરિટી ઇન્ટરેસ્ટ (SARFAESI) એક્ટ, 2002 હેઠળ બાકી નીકળતી રકમની વસૂલાત માટે તમારી મિલકતની હરાજીની પ્રક્રિયા શરૂ કરી શકે છે.

    ઈએમઆઈમાં વિલંબ થવા પર કોઈ પણ ધિરાણકર્તા સામાન્ય રીતે લેતો હોય તેવી પ્રથમ કાર્યવાહી એ છે કે બાકી રહેલા ઈએમઆઈ પર 1%થી 2%ની આસપાસનો દંડ લાદવો અને તે લઘુત્તમ નિર્ધારિત રકમને આધિન હોય. મોટો ડિફોલ્ટ કરવા પર બેંક તમારી લોનને એનપીએ તરીકે ચિહ્નિત કરી શકે છે અને પછીથી રિકવરી પ્રક્રિયા શરૂ કરી શકે છે. સામાન્ય રીતે બેંકો લોનને એનપીએ તરીકે ચિહ્નિત કરતા પહેલા નોટિસ મોકલે છે. કેટલીક વખત બેન્કો થર્ડ પાર્ટી એજન્ટોને એનપીએ ખાતાઓમાંથી તેમના નાણાંની વસૂલાત માટે સામેલ કરે છે, જેના કારણે ધિરાણ લેનારાઓને કેટલીક મૂંઝવણ પણ થઈ શકે છે. તેણે કહ્યું હતું કે, બાકી નીકળતી રકમ ચૂકવવાનો માર્ગ શોધવો તે ધિરાણકર્તા અને ઋણ લેનારા બંનેના હિતમાં છે.

    લોન લેનાર ભલે તે ડિફોલ્ટમાં હોય પણ આદરણીય વર્તનને હકદાર છે. શાહુકાર તેની સામે કોઈપણ જબરદસ્તી અથવા ધાકધમકી રાખી શકે નહીં. એનપીએની કાસ્કેડિંગ અસર ધિરાણકર્તા સાથેના લેનારાના સંબંધો પર પડશે. જો ઋણલેનાર વ્યક્તિએ તે જ ધિરાણકર્તા પાસેથી અન્ય કોઈ લોન લીધી હોય, તો તે લોન્સને પણ એનપીએ તરીકે ટેગ કરવામાં આવી શકે છે.'

    આ પણ વાંચો -પેટ્રોલ-ડીઝલના નવા ભાવ થયા જાહેર, જાણો તમારા શહેરમાં કેટલી છે કિંમત

    ક્રેડિટ સ્કોર પર અસર


    હોમ લોનના ઇએમઆઈની અનિયમિત ચુકવણી ક્રેડિટ સ્કોરને નકારાત્મક અસર કરે છે. જો લોન લેનાર વારંવાર ઇએમઆઈ ચૂકી જાય છે, તો તે ક્રેડિટ સ્કોરને ખૂબ જ નીચા સ્તરે લાવી શકે છે. આજકાલ મોટાભાગની બેંકો તેમના લોનના વ્યાજ દરને નિયમિત સમયાંતરે રીસેટ કરે છે, જેમાં તેઓ પ્રવર્તમાન આરઓબી દર અને લોન લેનારના ક્રેડિટ સ્કોરના આધારે ગણવામાં આવતા જોખમ પ્રીમિયમના આધારે લાગુ પડતા વ્યાજ દરને રીન્યૂ કરે છે. તેથી, નીચા ક્રેડિટ સ્કોરના પરિણામે અશિસ્તતા ધરાવતા લોન લેનારાઓ માટે લોનના વ્યાજ દરમાં વધારો થઈ શકે છે. મોટા ડિફોલ્ટ પર બેંક આવા ખાતાની જાણ ક્રેડિટ બ્યુરોને કરે છે અને એનપીએ ઋણલેનારના ક્રેડિટ રિપોર્ટમાં દર્શાવે છે. તે લેનારાઓની શાખાને નોંધપાત્ર રીતે નુકસાન પહોંચાડી શકે છે અને તેમની ભાવિ ઉધાર લેવાની ક્ષમતાને પણ ઘટાડી શકે છે.

    ટ્રાન્સફર અને નવી લોનનો અસ્વીકાર


    જો તમે તમારી હોમ લોનને અન્ય કોઈ બેંક અથવા નાણાકીય સંસ્થાઓમાં ટ્રાન્સફર કરવા માંગો છો તો નવા ધિરાણકર્તા નબળી પેમેન્ટ હિસ્ટ્રીને કારણે તમારી અરજી નામંજૂર કરી શકે છે. આવા ઋણધારકોને પર્સનલ લોન, કાર લોન વગેરે જેવી અન્ય કેટેગરીમાં પણ નવી લોન મેળવવામાં મુશ્કેલી પડી શકે છે.

    પેમેન્ટમાં થતો વિલંબ આ રીતે ટાળો


    જો તમે અસ્થાયી લિક્વિડિટીની સમસ્યાનો સામનો કરી રહ્યા છો. તો તમે તમારા મિત્રો અથવા સંબંધીઓ પાસેથી ઇએમઆઈ ચૂકવવા માટે પૈસા ઉધાર લઈ શકો છો. અન્ય વિકલ્પ એ છે કે લોનની ઇએમઆઇની ચુકવણી કરવા માટે તમારી એફડી અથવા જીવન વીમા પોલિસી સામે ઓડી (ઓવરડ્રાફ્ટ્સ) લો. જા કે, એકવાર સ્થિતિ સામાન્ય બની જાય તે પછી તમારે ઓડીમાં નાણાં પાછા જમા કરાવવા પડશે અથવા તમારા મિત્ર/સંબંધીને નાણાં પરત કરવા પડશે.

    પરંતુ જો તમે અનિશ્ચિત લિક્વિડિટી સેટબેકનો સામનો કરી રહ્યા હોવ તો તમે તમારા કેટલાક ઓછા વ્યાજના રોકાણો જેવા કે એફડી અથવા લિક્વિડ ફંડ્સને સમયસર ઇએમઆઇ ચૂકવવા માટે લિક્વિડેટ કરી શકો છો. હોમ લોન ડિફોલ્ટથી બચવા માટે ભંડોળની વ્યવસ્થા કરવા માટે તમે તમારા પીએફ યોગદાનમાંથી અથવા પબ્લિક પ્રોવિડન્ટ ફંડ (પીપીએફ) જેવા લાંબા ગાળાના રોકાણોમાંથી ઉપાડ પર પણ વિચાર કરી શકો છો.

    જો નાણાકીય રીકવરી અશક્ય લાગતી હોય તો તમે ગંભીર નાણાકીય પગલાં લેવાનું વિચારી શકો છો. જેમ કે તમારું ઘર વેચવું અને કેટલાક પૈસા બચાવવા માટે નાના ઘરે અથવા ભાડાની મિલકત પર સ્થળાંતર કરવું અથવા તમે લોન ડિફોલ્ટને ટાળવા માટે તમારી જંગમ સંપત્તિ જેમ કે સોનું, કાર વગેરે વેચવાનું વિચારી શકો છો. ઉપરાંત તમે ટૂંકા ગાળા માટે તમારા ઇએમઆઈને આવરી લેવા માટે લોન વીમા યોજના ખરીદી શકો છો. કેટલીક બેંકો અને નાણાકીય સંસ્થાઓ લોન વિતરણ સમયે આ લોન વીમા યોજનાઓ પ્રદાન કરે છે. જ્યારે તમે તમારા ઇએમઆઈ ચૂકવવામાં અસમર્થ હોવ ત્યારે નોકરી ગુમાવવા અથવા આવકની અસ્થાયી ખોટના કિસ્સામાં તે મદદરૂપ થઈ શકે છે.

    આ પણ વાંચો -આજે માર્કેટમાં મોટા ઘટાડાની શક્યતા, વૈશ્વિક બજારોની પરિસ્થિતી કરશે અસર

    પ્રતિકૂળ નાણાકીય પરિસ્થિતિઓમાં લોનના ઇએમઆઈની સમયસર ચુકવણી માટે પૂરતી લિક્વિડિટીની ખાતરી કરવા માટે પૂરતા પ્રમાણમાં કટોકટી ભંડોળ બનાવો. લોન લેતા પહેલા આયોજન કરવાથી તમને ઈએમઆઈ ચૂકવણીમાં વિલંબ ટાળી શકાય છે. તમે તમારી ચુકવણીની ક્ષમતા અનુસાર લોન લેવા જેવા પાસાઓ પર ધ્યાન કેન્દ્રિત કરી શકો છો, તમે ઇએમઆઈને નીચું રાખવા માટે લાંબા સમય સુધી લોન લઈ શકો છો અને તમે ઇએમઆઈ શરૂ થાય તે પહેલાં પોતાને નાણાકીય રીતે તૈયાર કરવા માટે ઇએમઆઈ ચુકવણી શરૂ કરતા પહેલા મોરેટોરિયમ અવધિનો લાભ લઈ શકો છો.

    તમારા લેન્ડર સાથે સંપર્કમાં રહેવાની અને કોઈ સમાધાન કાઢવાની સલાહ પણ આપવામાં આવે છે. તમારા કેસના આધારે ધિરાણકર્તા તમારા વિકલ્પો જેવા કે લોન રિસ્ટ્રક્ચરિંગ, ગ્રેસ અથવા મોરેટોરિયમ અવધિ અને લોન સેટલમેન્ટ ઓફર કરી શકે છે, જ્યાં તમારો ભાર ઓછો કરવા માટે નિયમો અનુસાર વ્યાજ દર ઘટાડવામાં આવે છે.
    First published:

    Tags: Home loan EMI

    विज्ञापन

    विज्ञापन

    આગામી સમાચાર

    विज्ञापन
    विज्ञापन