Home /News /business /

ગ્રાહકોને લૂંટવા માટે કંપનીઓની નવી ચાલ! ભાવ વધારવાની જગ્યાએ પેકેટનું વજન ઘટાડવાનું શરૂ કર્યુ

ગ્રાહકોને લૂંટવા માટે કંપનીઓની નવી ચાલ! ભાવ વધારવાની જગ્યાએ પેકેટનું વજન ઘટાડવાનું શરૂ કર્યુ

એફએમસીજી કંપનીઓ કેટલીક પ્રોડક્ટ્સના સસ્તા પેક પણ લાવી રહી છે અને જાહેરાતોની કિંમતમાં પણ ઘટાડો કરી રહી છે. રશિયા-યુક્રેનના કારણે તમામ ચીજવસ્તુઓ લાંબા સમયથી મોંઘી છે. આ સાથે ઈન્ડોનેશિયાથી પામ ઓઈલની નિકાસ પર પ્રતિબંધથી કંપનીઓની ચિંતા વધી ગઈ છે.

એફએમસીજી કંપનીઓ કેટલીક પ્રોડક્ટ્સના સસ્તા પેક પણ લાવી રહી છે અને જાહેરાતોની કિંમતમાં પણ ઘટાડો કરી રહી છે. રશિયા-યુક્રેનના કારણે તમામ ચીજવસ્તુઓ લાંબા સમયથી મોંઘી છે. આ સાથે ઈન્ડોનેશિયાથી પામ ઓઈલની નિકાસ પર પ્રતિબંધથી કંપનીઓની ચિંતા વધી ગઈ છે.

વધુ જુઓ ...
    કોમોડિટીની વધતી કિંમતોને કારણે FMCG કંપનીઓ તેની સાથે વ્યવહાર કરવા માટે નવો અભિગમ અપનાવી રહી છે. ઉત્પાદનોને મોંઘા કરવાને બદલે તેઓ વજનમાં ઘટાડો કરી રહ્યા છે. જેના કારણે ગ્રાહકોને જૂના ભાવે ઓછા વજનમાં વસ્તુઓ મળી રહી છે.

    આ સિવાય એફએમસીજી કંપનીઓ કેટલીક પ્રોડક્ટ્સના સસ્તા પેક પણ લાવી રહી છે અને જાહેરાતોની કિંમતમાં પણ ઘટાડો કરી રહી છે. રશિયા-યુક્રેનના કારણે તમામ ચીજવસ્તુઓ લાંબા સમયથી મોંઘી છે. આ સાથે ઈન્ડોનેશિયાથી પામ ઓઈલની નિકાસ પર પ્રતિબંધથી કંપનીઓની ચિંતા વધી ગઈ છે. જેની સૌથી વધુ અસર કંપનીઓની અર્નિંગ પર પડી રહી છે.

    મોંઘવારીની સૌથી વધુ અસર બિસ્કિટ, ચિપ્સ, આલુ સેવ, નાના સાબુ, ચોકલેટ અને નૂડલ્સ છે. આ ઉત્પાદનોનો ઉપયોગ દરરોજ ઘરોમાં થાય છે. પારલે પ્રોડક્ટ્સના કેટેગરી હેડ મયંક શાહે જણાવ્યું હતું કે ઓછા વજનવાળા પેકનું વેચાણ વધી રહ્યું છે.

    આ પણ વાંચો -Gold Price Today : સોનામાં રોકાણ કરવાનો યોગ્ય સમય? જાણો 10 ગ્રામ સોનાનો ભાવ

    હલ્દીરામે આલુ સેવના પેકનું વજન 13 ગ્રામથી ઘટાડીને 42 ગ્રામ કરી દીધું છે. પહેલા તે 55 ગ્રામનું હતુ. પારલે જીએ 5 રૂપિયાના બિસ્કિટનું વજન 64 ગ્રામથી ઘટાડીને 55 ગ્રામ કર્યું છે, જ્યારે વિમ બારનું વજન 20 ગ્રામ ઘટાડ્યું છે. તે હવે 155ને બદલે 135 ગ્રામ થઈ ગયો છે.

    બિકાજીએ રૂ.10ની કિંમતનું નમકીનનું પેકેટ અડધું કરી દીધું છે. પહેલા તે 80 ગ્રામનું હતું જે હવે 40 ગ્રામનું થઈ ગયું છે. મોટાભાગની કંપનીઓએ હેન્ડવોશનું વજન પણ 200 ml થી ઘટાડીને 175 ml કરી દીધું છે.

    1 થી 10 રૂપિયાના નાના પેક મોટાભાગની FMCG કંપનીઓના બિઝનેસમાં 25-35 ટકા યોગદાન આપે છે. તેઓ મોટા પેક પર ભાવમાં વધારો કરે છે, પરંતુ નાના પેક પર ભાવ વધારવો એ ખોટનો સોદો હશે.

    આ પણ વાંચો -Business Idea : નોકરી કરવાની જગ્યાએ શરૂ કરુ આ બિઝનેસ, પહેલા જ મહિને થશે મોટી કમાણી

    ડાબર ઈન્ડિયાએ જણાવ્યું હતું કે, શહેરી વિસ્તારોમાં ગ્રાહક વધુ ચૂકવણી કરી શકે છે, જ્યાં ઉત્પાદનો મોંઘા કરવામાં આવ્યા છે. ગામડાઓમાં પેકેટનું વજન ઓછું કરવામાં આવ્યું છે કારણ કે અહીં 1 રૂપિયા, 5 રૂપિયા અને 10 રૂપિયાના પેક વધુ વેચાય છે. નજીકના ગાળામાં ફુગાવામાં રાહત દેખાતી ન હોવાથી, કંપનીઓ હવે બ્રિજ પેક પણ રજૂ કરી રહી છે, જેનો અર્થ છે બે કિંમતવાળી પ્રોડક્ટને એકમાં જોડવી.

    હિન્દુસ્તાન યુનિલિવર (HUL)એ કહ્યું કે મોંઘવારીનો સામનો કરવા માટે તે બ્રિજ પેકની વ્યૂહરચના અપનાવી રહી છે. ઇમામીના કુલ બિઝનેસમાં નાના પેકનો હિસ્સો 24% છે. બ્રિટાનિયાએ જણાવ્યું હતું કે 5 અને 10 રૂપિયાની પ્રોડક્ટ્સ તેના બિઝનેસમાં 50-55 ટકા યોગદાન આપે છે.
    Published by:Bhavyata Gadkari
    First published:

    Tags: Business news, Inflation, Retail inflation

    આગામી સમાચાર