ફક્ત રુ.1616માં પ્લેનમાં મુસાફરી કરવાનો મોકો! Indigo લાવ્યું છે સ્વીટ16 સેલ

નવી દિલ્હીઃ ઇન્ડિગો પોતાના 16 વર્ષ પૂર્ણ થવાની ઉજવણીના ભાગરુપે તમામ ડોમેસ્ટિક ફ્લાઈટ પર સ્વીટ 16 ઓફર અંતર્ગત ધમાકેદાર ઓફર આપી રહી છે. આ દરમિયાન તમે કોઈ પણ ડોમેસ્ટિક રુટ પર ફક્ત રુ.1616માં ટિકિટ બુક કરી શકો છો. આ ઓફર આજે 3 ઓગસ્ટથી શરું થશે અને 5 ઓગસ્ટના દિવસે બંધ થશે. આ ઓફર ફક્ત 18 ઓગસ્ટ 2022થી 16 જુલાઈ 2023 વચ્ચે મુસાફરી કરવા માટે માન્ય છે.

Business Idea: આખું વર્ષ આ પ્રોડક્ટની રહે છે જોરદાર માંગ, બિઝનેસ કરી જલ્દી બની જશો કરોડપતિ

આ ઓફર અંગે ઇન્ડિગોએ ટ્વીટ કર્યું હતું, 'અમારી સ્વીટ16 ઓફર અહીં છે, અને અમે તમારી માટે કંઈક સ્વીટ લઈ આવ્યા છીએ. અમારી તમામ ઉડાન રુ.1616* રુપિયાથી શરુ થતા ભાડા સાથે બુક કરી શકો છો, કેમ કે આ ઓફર ફક્ત 5 જુલાઈ સુધી જ છે. પ્રવાસ માટે તમે 18 ઓગસ્ટ 2022થી 16 જુલાઈ 2023 વચ્ચે કોઈપણ દિવસ પસંદ કરી શકો છો.'

શું કહ્યું ઇન્ડિગોએ



ઇન્ટરગ્લોબ એવિએશન લિમિટેડ (ઇન્ડિયા) પોતાની વેબસાઈટ પર લખે છે કે 3 ઓગસ્ટના દિવસે રાતના 11.59 વાગ્યાથી શરુ કરીને 5 ઓગસ્ટ 2022 સુધી આ ઓફર ચાલશે. આ દરમિયાન કોઈપણ ગ્રાહક માત્ર રુપિયા 1616થી શરુ થતા ભાડા સાથેની હવાઈ મુસાફરીની ટિકિટ બુક કરાવી શકશે. આ ઓફર ફક્ત ડોમેસ્ટિક ફ્લાઇટ્સ પર જ રહેશે.

ઝુનઝુનવાલાના રોકાણવાળો આ શેર 10.5 ટકાના ઉછાળા સાથે રુ.700ને પાર, શું ફરી રુ.1000ને પાર જશે?

ઇન્ડિગોની સ્વીટ16 સેલ ઓફર દરમિયાન હવાઈ મુસાફરીની તારીખ ઓછામાં ઓછી 15 દિવસ પહેલા કરવામાં આવેલા બુકિંગ માટે માન્ય છે, અને એક જ શરત છે કે પ્રવાસની તારીખ 18 ઓગસ્ટ 2022થી પહેલાની અને 16 જુલાઈ 2023થી બાદની ન હોય. આ ઓફર અંતર્ગત કેટલીક સીટો અવેલેબલ હશે તે અંગે કોઈ ખુલાસો કર્યા વગર એરલાઈને કહ્યું કે, 'આ ઓફર અંતર્ગત ફક્ત મર્યાદિત સીટો જ અવેલેબલ છે અને આ માટે ગ્રાહકોને સીટની ઉપલબ્ધતા અને ઇન્ડિગોના વિવેકાધિકાર પર છૂટ પ્રદાન કરવામાં આવી છે.'

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indigo airlines