Indian Railways: ઑનલાઇન ટિકિટ માટે IRCTCનો નવો નિયમ, જાણી લો નહીં તો બુકિંગ નહીં કરી શકો

તસવીર: Shutterstock

IRCTC new rules for booking Ticket: આ નિયમ એવા લોકો માટે છે જેમણે લાંબા સમયથી ટિકિટ (Railway Ticket booking) નથી ખરીદી. જોકે, આ પ્રક્રિયા ખૂબ જ સરળ છે અને ઓછા સમયમાં કરી શકાય છે.

  • Share this:
    નવી દિલ્હી: ભારતીય રેલવે (Indian Railways) પોતાની સેવાને વધારે સારી કરવા માટે જરૂરી ફેરફાર કરતું રહે છે. રેલવેએ પોતાની ટિકિટ બુકિંગ (Railway ticket booking) સેવામાં ખૂબ સુધારો કર્યો છે. પહેલા રેલવેની ટિકિટ લેવા માટે બુકિંગ કાઉન્ટર સુધી લાંબા થવું પડતું હતું. હવે મોબાઇલમાંથી પણ ટિકિટનું બુકિંગ થઈ શકે છે. રેલવેની ટિકિટ બુક કરવા માટે તમારે IRCTCની વેબસાઇટ કે એપ પર જવાની જરૂર રહે છે. હવે રેલવેએ ટેકિટ બુકિંગ માટે મોબાઇલ અને ઇ-મેલ વેરિફિકેશન (Mobile and E-Mail Verification) અનિવાર્ય કર્યું છે. જે બાદમાં જ તમે ટિકિટની ખરીદી (Online Rail Tickets Booking Rule) કરી શકશો. આ નિયમ એવા લોકો માટે છે જેમણે લાંબા સમયથી ટિકિટ નથી ખરીદી. જોકે, આ પ્રક્રિયા ખૂબ જ સરળ છે અને ઓછા સમયમાં કરી શકાય છે.

    શું છે નવો નિયમ?

    કોરોના સંક્રમણ બાદ લાંબા સમય સુધી રેલવેની સેવા બંધ રહી હતી. અનેક મુસાફરોએ રેલવેની સેવા શરૂ થયા બાદ પણ મુસાફરી કરવાનું ટાળ્યું હતું. આથી અનેક લોકોએ લાંબા સમય સુધી રેલવેની ટિકિટ બુક કરાવી ન હતી. હવે આવા લોકોએ આઈઆરસીટીસીની વેબ કે એપ મારફતે ટિકિટ ખરીદતા પહેલા મોબાઇલ નંબર અને ઇ-મેલનું વેરિફિકેશન કરાવવું પડશે. જે બાદમાં જ ટિકિટ બુક થઈ શકશે. બીજી તરફ જે લોકો નિયમિત રીતે ટિકિટ બુક કરાવતા રહ્યા છે તેમણે આ પ્રક્રિયામાંથી પસાર નહીં થવું પડે.

    આ પણ વાંચો: 'મને માફ કરજો, મારી પાસે બીજો કોઈ રસ્તો નથી,' વ્યાજખોરોના ત્રાસથી આધેડનો આપઘાતનો પ્રયાસ

    શા માટે નવો નિયમ?

    કોરોના બાદ રેલવે વ્યવહાર પૂર્વવત થઈ ગયો છે. આથી રેલવેમાં ટ્રાફિક વધ્યો છે. સાથે સાથે ઓનલાઇન ટિકિટ બુકિંગ પણ વધ્યું છે. IRCTCની દિલ્હી સ્થિત ઓફિસના અધિકારીએ જણાવ્યું કે, કોરોનાની બંને લહેર અને તે પહેલા જે એકાઉન્ટ નિષ્ક્રિય હતા, તેમની ખરાઈ થઈ શકે તે માટે મોબાઇલ નંબર અને ઇ-મેલ વેરિફિકેશન સિસ્ટમ લાવવામાં આવી છે.

    આ પણ વાંચો: બોડેલી-વડોદરા હાઇવે પર એસ.ટી. બસ અને કારની જોરદાર ટક્કર, ચાર લોકોનાં ઘટનાસ્થળે જ મોત

    આ રીતે કરો મોબાઇલ અને ઈ-મેલ વેરિફેકિશન

    >> IRCTCના પોર્ટલ પર લોગીન કરશો ત્યારે વેરિફિકેશન વિન્ડો ખુલશે.
    >> પ્રથમથી નોંધાયેલો મોબાઇલ નંબર અને ઈ-મેલ દાખલ કરો.
    >> જમણી અને ડાબી બાજુએ એડિટ તેમજ વેરિફિકેશનનો વિકલ્પ આવશે.
    >> એડિટ પર જઈને તમે તમારો નંબર કે ઇ-મેલ પસંદ કરી શકો છો.
    >> વેરિફિકેશન વિકલ્પ પસંદ કરતા OTP આવશે.
    >> ઓટીપી દાખલ કરતા તમારો મોબાઇલ નંબર વેરિફાઈ થઈ જશે.
    >> આવી જ રીતે ઈ-મેલને પણ વેરિફાઇ કરી શકો છો.
    >> ઈ-મેલ પર આવેલા OTPને દાખલ કરવાનો રહેશે.

    આ પણ વાંચો: Vegetarian ફૂડ ખાવાના અનેક ફાયદા: જાણો આયુર્વેદમાં સાત્વિક ભોજન વિશે શું કહ્યું છે?

    ઑનલાઈન સેવા

    ભારતીય રેલવે તરફથી IRCTC ઑનલાઇન ટિકિટ વેચે છે. આ માટે એપ્લિકેશન કે વેબ પોર્ટલ પર લોગીન કરવું પડશે. જેમાં તમારે તમારી જરૂરી વિગતો ભરવાની રહેશે. જે બાદમાં તમે ઓનલાઇન બુકિંગનો લાભ ઉઠાવી શકો છો. તમે ઈ-ટિકિટ કે પછી સોફ્ટ કોપી સાથે રાખીને મુસાફરી કરી શકો છો.
    Published by:Vinod Zankhaliya
    First published: