મોટા સમાચાર : 59 ચીની એપ્સ બાદ સરકાર વધુ 20 એપ્સ પર મૂકી શકે છે પ્રતિબંધ

News18 Gujarati
Updated: July 11, 2020, 2:56 PM IST
મોટા સમાચાર : 59 ચીની એપ્સ બાદ સરકાર વધુ 20 એપ્સ પર મૂકી શકે છે પ્રતિબંધ
પ્રતિકાત્મક તસવીર

સરકાર હાલ 20 એપ્લિકેશનની ડેટા શેરિંગ પોૉલિસી અંગે સમીક્ષા કરી રહી છે, અમુક વેબસાઇટ્સ પર પણ પ્રતિબંધ મૂકવામાં આવી શકે છે.

  • Share this:
નવી દિલ્હી : ચીનની 59 એપ્સ (Apps Ban) પ્રતિબંધ મૂક્યા બાદ સરકાર વધારે 20 એપની ડેટા શેરિંગ પૉલિસી (Data Sharing Policy) અંગે સમીક્ષા કરી રહી છે. CNBC આવાઝને સૂત્રોના માધ્યમથી મળેલી જાણકારી પ્રમાણે, જે કંપનીઓના સર્વર ચીન (China)માં છે તેમના પર પ્રતિબંધ લાગી શકે છે. આ સાથે આઇટી મંત્રાલય અનેક વેબસાઇટ્સ પર પણ પ્રતિબંધ લગાવવાનો નિર્દેશ આપી શકે છે. આઇટી મંત્રાલયના અનેક ધારાધોરણોની સમક્ષી કરી રહ્યું છે. સરકાર જે 20 એપ્સની ડેટા શેરિંગ પૉલિસીની સમીક્ષા કરી રહ્યું છે તેમાં પ્રસિદ્ધ ગેમિંગ એપ્સ સામેલ છે.

ભારતમાં 59 ચીની એપ્સ પર પ્રતિબંધ

તાજેતરમાં જ કેન્દ્ર સરકારે ઇન્ફોર્મેશન ટેક્નોલૉજી એક્ટ, 2000 (IT Act, 2020)ની કલમ 69A અંતર્ગત ચીનની 59 એપ્સ પર પ્રતિબંધ મૂકી દીધો હતો. કેન્દ્ર સરકારે આ પગલું ત્યારે ભર્યું હતું જ્યારે લદાખની ગલવાન ખીણ (Galwan Valley) ખાતે સરહદ વિવાદ ચાલી રહ્યો છે.

સેના અધિકારીઓને 89 એપ્સ ડિલીટ કરવાનો આદેશ

આ ઉપરાંત ભારતીય સેનાને અધિકારીઓ અને સૈનિકોને ફેસબુક, ઇન્સ્ટાગ્રામ એકાઉન્ટ ડિલીટ કરી દેવાનો આદેશ આપવામાં આવ્યો છે. સાથે જ 89 એપ્સની એક યાદી પણ બહાર પાડવામાં આવી છે. આ તમામ એપ્સને મોબાઇલમાંથી હટાવવાનું કહેવામાં આવ્યું છે. આદેશ પ્રમાણે તમામ લોકોએ 15 જુલાઇ સુધી આ કામ કરવાનું રહેશે. (અસીમ મનચંદા, સંવાદદાતા, CNBC આવાઝ)
Published by: Vinod Zankhaliya
First published: July 11, 2020, 2:56 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading