GST Regime: GST પર મોટું અપડેટ, 2023-24માં ટેક્સના દરોને મર્જ કરવામાં આવશે નહીં

Goods and Services Tax Regime: GST પ્રણાલીમાં ફેરફારની અપેક્ષા રાખતા કરદાતાઓને કોઈ રાહત મળે તેમ લાગતું નથી. વાસ્તવમાં, એક વરિષ્ઠ સરકારી અધિકારીએ સોમવારે જણાવ્યું હતું કે ભારત આગામી નાણાકીય વર્ષમાં તેની ગુડ્સ એન્ડ સર્વિસ ટેક્સ સિસ્ટમમાં ફેરફાર કરશે નહીં. તમને જણાવી દઈએ કે ટેક્સ માળખાને સરળ બનાવવા અને ગ્રાહકો પરનો બોજ ઘટાડવા માટે એક વર્ષથી વધુ સમયથી ફેરફાર પર વિચાર કરવામાં આવી રહ્યો હતો.

હાલમાં સમગ્ર દેશમાં GST માટે 0 ટકાથી 28 ટકા સુધીના પાંચ ટેક્સ દર લાગુ છે. જે વર્ષ 2017માં રજૂ કરવામાં આવ્યા હતા. 2021 માં, સરકારે GSTના 2 કર દરોને મર્જ કરીને, GACT દરો અંગેની ટીકાને કારણે, ઘણી વસ્તુઓ પર લાગુ થતા દરોને ઘટાડીને કર સુધારણાની વિચારણા કરી હતી.

આ પણ વાંચો:Tax Saving Tips: ટેક્સ બચાવવા લોકો કરે છે આ ભૂલ, આ રીતે કરો ઇન્વેસ્ટમેન્ટ પ્લાનિંગ

નાના ફેરફારો હંમેશા થશે

મહેસૂલ સચિવ સંજય મલ્હોત્રાએ એક ઈન્ટરવ્યુમાં જણાવ્યું હતું કે અત્યારે અમે કરના દરોમાં સ્થિરતા જાળવવા માગીએ છીએ. તેમણે કહ્યું કે નાના ફેરફારો હંમેશા થશે, પરંતુ અમે 2023/24માં GST ટેક્સના દરોને મર્જ કરવા જેવા કોઈ ફેરફાર કરવાનું વિચારી રહ્યા નથી.

સરકાર લો ટેક્સ બેન્ડ રાખવા માંગે છે

મલ્હોત્રાએ જણાવ્યું હતું કે સરકાર આખરે ટેક્સ બેન્ડ ઓછી રાખવા માંગશે, પરંતુ સમયરેખા આપી નથી. નીચા દરો માટે ચોક્કસપણે લક્ષ્ય છે અને ટેક્સ સ્લેબ ઘટાડવાનો અવકાશ હોઈ શકે છે. આ થોડા સમયમાં થઈ શકે છે, પરંતુ હમણાં નહીં. ભારત સરકાર કસ્ટમ ડ્યુટી માટે પણ તેના કરવેરા માળખાને સરળ બનાવવાનો પ્રયાસ કરી રહી છે. આગળ જતાં, અમે ઈચ્છીએ છીએ કે કસ્ટમ દરો પણ નીચે આવે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Budget 2023, Business news, GST, Tax News