સરકારનો મોટો નિર્ણયઃ રેફ્રિજરન્ટ્સની સાથે ACના આયાત પર પ્રતિબંધ લગાવ્યો, જાણો કારણ

News18 Gujarati
Updated: October 16, 2020, 9:56 AM IST
સરકારનો મોટો નિર્ણયઃ રેફ્રિજરન્ટ્સની સાથે ACના આયાત પર પ્રતિબંધ લગાવ્યો, જાણો કારણ
સ્થાનિક મેન્યૂફેક્ચરિંગને પ્રોત્સાહન આપવા અને બિનજરૂરી સામાનોના આયાતમાં ઘટાડો લાવવા સરકારે લીધો અગત્યનો નિર્ણય

સ્થાનિક મેન્યૂફેક્ચરિંગને પ્રોત્સાહન આપવા અને બિનજરૂરી સામાનોના આયાતમાં ઘટાડો લાવવા સરકારે લીધો અગત્યનો નિર્ણય

  • Share this:
અનિલ કુમાર, નવી દિલ્હીઃ કેન્દ્ર સરકારે ગુરુવારે તાત્કાલિક અસરથી રેફ્રિજરન્ટ્સ (Refrigerants)ની સાથે એર કન્ડીશનર (AC)ના આયાત પ્રતિબંધ લગાવી દીધો છે. તેના માટે અધિસૂચના જાહેર કરી દેવામાં આવી છે. સ્થાનિક મેન્યૂફેક્ચરિંગને પ્રોત્સાહન આપવા અને બિનજરૂરી સામાનના આયાતમાં ઘટાડો લાવવાના ઈરાદાથી આ પગલાં ભર્યા છે. વિદેશી વેપાર મહાનિદેશાલય (Directorate General of Foreign Trade)એ એક અધિસૂચનામાં કહ્યું કે, રેફ્રિજરન્ટ્સની સાથે એર કન્ડીશનરના આયાતને લઈ નીતિ સંશોધિત કરવામાં આવી છે. તે મુજબ તેને મુક્ત શ્રેણીમાંથી હટાવીને પ્રતિબંધાત્મક યાદીમાં મૂકવામાં આવ્યું છે.

સરકાર સ્થાનિક મેન્યૂફેક્ચરિંગને પ્રોત્સાહન આપવા અને બિનજરૂરી સામાનોના આયાતમાં ઘટાડો લાવવા માટે પગલાં ભરી રહી છે. આ પહેલા જૂન મહિનામાં સરકારે કાર, બસ અને મોટરસાઇકલમાં ઉપયોગમાં લેવાતા ન્યૂમેટિક ટાયરના આયાત પર પ્રતિબંધ લગાવી દીધો હતો.


આ પણ વાંચો, દેશના આ શહેરોમાં મળે છે સૌથી સસ્તું સોનું, જાણો શું છે કારણ

આલ્કોહોલ બેઝ્ડ હેન્ડ સેનિટાઇઝરનું નિકાસ કરી શકાશે

હવે આલ્કોહોલ બેઝ્ડ હેન્ડ સેનિટાઇઝરની નિકાસ કરી શકાશે. કોરોના મહામારીમાં ભારત સહિત સમગ્ર દુનિયામાં હેન્ડ સેનિટાઇઝરની માંગમાં ઘણો વધારો જોવા મળી રહ્યો છે. બીજી તરફ ભારતીય સેનિટાઇઝર કંપનીઓ પોતાની પ્રોડક્ટ દુનિયાના બજારોમાં વેચવા માંગે છે. આ બાબતોને ધ્યાને લઈ કેન્દ્ર સરકારે આ અગત્યનો નિર્ણય લીધો છે.

આ પણ વાંચો, PNB ખોલી રહી છે મહિલાઓ માટે ખાસ ખાતું, મફતમાં મળશે આ 6 સુવિધા

આ પહેલા ભારતમાં કોરોના વાયરસના વધતા કેસોને જોતાં કેન્દ્ર સરકારે તેના નિકાસ પર પ્રતિબંધ લગાવી દીધો હતો. પરંતુ ડિમાનડથી વધુ ઉત્પાદન થવાની સ્થિતિમાં આવતાં જ કેન્દ્ર સરકારે આ નિયમોમાં છૂટ આપવાનો નિર્ણય લીધો છે. વાણિજ્ય અને ઉદ્યોગ મંત્રાલયે પોતાના 1 જૂન 2020ના નોટિફિકેશનમાં સંશોધન કરતાં નિર્ણય લીધો છે કે ડિસ્પેન્સર પંપની સાથે કન્ટેનરમાં આલ્કોહોલ આધારિત હેન્ડ સેનિટાઇઝરનો નિકાસ કરી શકાશે. ગુરૂવારે જાહેર કરવામાં આવેલા નોટિફિકેશનમાં કહેવામાં આવ્યું છે કે આ સંશોધન તાત્કાલિક પ્રભાવથી લાગુ થશે.
Published by: Mrunal Bhojak
First published: October 16, 2020, 9:56 AM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading