ચેતજો! મ્યુચ્યુઅલ ફંડ, શેરમાર્કેટમાં અમુક મર્યાદા કરતા વધુ રોકડ ઈન્વેસ્ટમેન્ટ પર મળી શકે છે ITની નોટિસ

ચેતજો! મ્યુચ્યુઅલ ફંડ, શેરમાર્કેટમાં અમુક મર્યાદા કરતા વધુ રોકડ ઈન્વેસ્ટમેન્ટ પર મળી શકે છે ITની નોટિસ
પ્રતિકાત્મક તસવીર

મ્યુચ્યુઅલ ફંડ કે શેરમાર્કેટ કે અન્ય સ્થળે રોકાણ કરતી વખતે તમે કરેલ દરેક કેશ કે ઓનલાઈન ટ્રાન્ઝેકશન પર ઈન્કમ ટેક્સ વિભાગની નજર હોય જ છે

  • Share this:
નવી દિલ્હી : આજકાલનો સમય જોઈને હવે સામાન્ય જનતા આવતીકાલ માટે હવે રોકાણના માધ્યમો તરફ વળ્યા છે, પરંતુ રોકાણ કરતી વખતે આપણે અમુક લિમિટને ધ્યાનમાં રાખવી જરૂરી છે. ખાસ કરીને શેરમાર્કેટ, મ્યુચ્યુઅલ ફંડ કે પછી બોન્ડ માર્કેટમાં રોકાણ કરતી વખતે તો ટેક્સ વિભાગના નિયમોનું અવશ્ય ધ્યાન રાખવું પડશે.

તમને જણાવી દઈએ કે મ્યુચ્યુઅલ ફંડ કે શેરમાર્કેટ કે અન્ય સ્થળે રોકાણ કરતી વખતે તમે કરેલ દરેક કેશ કે ઓનલાઈન ટ્રાન્ઝેકશન પર ઈન્કમ ટેક્સ વિભાગની નજર હોય જ છે અને ખાસ કરીને જમા કરાવવામાં આવતી રોકડ રકમ પર. રોકડ રકમ અમુક મર્યાદા કરતા વધુ જમા કરાવવા પર તમને ITની નોટિસ પણ મળી શકે છે.



માત્ર ટેક્સ વિભાગ જ નહીં, પરંતુ રોકાણ સંસાધનોને પણ IT ડિપાર્ટમેન્ટે અમુક જવાબદારી આપી છે. બેંક, મ્યુચ્યુઅલ ફંડ, બ્રોકરેજ હાઉસ કે પછી પ્રોપર્ટી રજિસ્ટાર પાસે જો કોઈ વ્યક્તિ અમુક લિમિટ કરતા વધુ પ્રમાણમાં રોકડમાં સોદો કરે તો તેમણે ઈન્કમ ટેક્સ વિભાગને તે ટ્રાન્ઝેકશનની માહિતી આપવી જરૂરી છે.

મુંબઈના ટેક્સ અને ઈન્વેસ્ટમેન્ટ એક્સપર્ટ બળવંત જૈને ચેતવણી આપતા કહ્યું કે, જો તમે અમુક મર્યાદા કરતા વધુ કેશ ડિપોઝીટ કરશો તો તમને ઈન્કમ ટેક્સ ડિપાર્ટમેન્ટનું તેડું આવી શકે છે. નિયમ મુજબ હવે રોકાણ માટે 10 લાખથી વધુની રોકડ જમા કરાવવા પર તમારે જવાબ આપવો પડી શકે છે અને પૈસાનું ઓરિજિન પણ જણાવવું પડશે.

FD માટે રોકડ મર્યાદા કેટલી?

જૈને કહ્યું કે રોકાણકારો ફિકસ્ડ ડિપોઝીટમાં વર્ષમાં મહત્તમ 10 લાખ રૂપિયાનું રોકડ રોકાણ કરી શકે છે. જોકે તમે કેટલા તબક્કામાં પૈસા જમા કરાવો છો તે મહત્વનું નથી. એક કે તેથી વધુ અનેક ટ્રાન્ઝેકશનમાં આ રકમ ડિપોઝીટ કરાવી શકો છો, પરંતુ 10 લાખથી વધુના રોકડ કે ડિજિટલ-ઓનલાઈન ટ્રાન્ઝેકશન થયા હશે તો ઈન્કમ ટેક્સ વિભાગ આપને સવાલ કરી શકે છે.

વધુ રકમ જમા થશે તો IT વિભાગ નોટિસ પણ મોકલી શકે છે અને તમને રોકડ કે અન્ય પૈસાના સ્ત્રોતની માહિતી પણ પૂછશે.

મ્યુચ્યુઅલ ફંડ-સ્ટોક માર્કેટમાં આ બાબતોનું અવશ્ય ધ્યાન રાખો 

મ્યુચ્યુઅલ ફંડ, સ્ટોક માર્કેટ, બોન્ડ કે પછી ડિબેન્ચરમાં 10 લાખથી વધુનું રોકડ રોકાણ કરશો તો પણ તમને નોટિસ મળી શકે છે. માત્ર એટલું જ નહીં, જો ડિજિટલી પણ તમે આ રકમ કરતા વધુનું ઈન્વેસ્ટમેન્ટ કરશો તો નોટિસ મળવાની આશંકા, ટેક્સ અને ઈન્વેસ્ટમેન્ટ એક્સપર્ટ જિતેન્દ્ર સોલંકીએ વ્યકત કરી છે.

નોટિસને અવગણવી નહીં

સ્ટોક માર્કેટમાં બેંક ડ્રાફટ દ્વારા થયેલ કેશ ડિપોઝીટ અંગે ચેતવતા જૈન કહે છે કે, કેશ બેંકમાં જમા કરાવી ડ્રાફટને ડીમેટ અકાઉન્ટમાં જમા કરશો તો બ્રોકરેજ કંપની અને બેંક તમારા વ્યવહારની વિગતો ઈન્કમ ટેક્સ ડિપાર્ટમેન્ટને ચોક્કસથી જણાવશે.

આ પ્રકારના વ્યવહારોને આધારે ટેક્સ નોટિસ મળે તો તેને અવગણો નહીં. ખાસ કરીને શેર માર્કેટ, મ્યુચ્યુઅલ ફંડ, ડિબેન્ચર અને બોન્ડમાં રોકાણ વખતે રોકડ મર્યાદા પર ખાસ ધ્યાન આપવું.
Published by:News18 Gujarati
First published:May 15, 2021, 17:42 pm

ટૉપ ન્યૂઝ