Home /News /business /

ICICI Bank Credit Card Charges: આઈસીઆઈસીઆઈ બેંકે ક્રેડિટ કાર્ડ ચાર્જિસમાં કર્યો વધારો, હવે લાગશે 1200 રૂપિયા સુધીની પેનલ્ટી

ICICI Bank Credit Card Charges: આઈસીઆઈસીઆઈ બેંકે ક્રેડિટ કાર્ડ ચાર્જિસમાં કર્યો વધારો, હવે લાગશે 1200 રૂપિયા સુધીની પેનલ્ટી

ક્રેડિટ કાર્ડ

એચડીએફસી બેંક, એસબીઆઈ બેંક અને એક્સિસ બેંક 50,000 રૂપિયાથી વધારે બાકી રકમ પર ક્રમશ: 1,300,1,300 અને 1,000 રૂપિયા લેટ ફી વસૂલ કરે છે. - ICICI Bank Credit card revised Late Payment charges

    નવી દિલ્હી: ICICI બેંક તરફથી ક્રેડિટ કાર્ડ (ICICI Bank Credit Card) ગ્રાહકો માટે ચાર્જિસમાં ફેરફાર કરવામાં આવ્યો છે. હવે તમામ પ્રકારના કેશ એડવાન્સિસ (Cash advances charges) માટે 2.5 ટકા ચાર્જ લાગશે. જે મિનિમમ 500 રૂપિયા હશે. બેંક તરફથી લેટ પેમેન્ટ ચાર્જ (late payment charges)માં પણ ફેરફાર કરવામાં આવ્યો છે. ફક્ત આઈસીઆઈસીઆઈ ઇમરાલ્ડ ક્રેડિટ કાર્ડ (Emeralde Credit Card) ગ્રાહકોને આમાંથી બહાર રાખવામાં આવ્યા છે. ખાસ વાત એ છે કે આ ફેરફાર 10મી ફેબ્રુઆરીથી લાગૂ થઈ ગયા છે. આ અંગે વિસ્તારથી માહિતી મેળવીએ.

    લેટ પેમેન્ટ ચાર્જ એ વાત પર આધારિત છે કે કુલ બાકી રકમ (Due amount) કેટલી છે. જો ડ્યૂ રકમ 100 રૂપિયાથી પણ ઓછી છે તો બેંક તરફથી કોઈ જ ચાર્જ વસૂલવામાં નહીં આવે. વધારે ડ્યૂ રકમ પર લેટ ચાર્જ લાગશે. ડ્યૂ રકમ 50,000 કે રૂપિયા કે તેનાથી વધારે હોવા પર બેંક તરફથી 1200 રૂપિયા લેટ ચાર્જ લગાવવામાં આવશે.

    કેટલી બાકી રકમ પર કેટલો ચાર્જ લાગશે?

    - ડ્યૂ રકમ 101થી 500 રૂપિયા હશે અને ચૂકવણી ન કરવા પર 100 રૂપિયા લેટ ફી લાગશે.

    - ડ્યૂ રકમ 501થી 5000 રૂપિયા હશે તો 500 રૂપિયા લેટ ફી ચૂકવવી પડશે.

    - 5001થી 10,000 રૂપિયા સુધીની બાકી રકમ પર 750 રૂપિયા લેટ ફી ચૂકવવી પડશે.

    - 10,001થી 25,000 રૂપિયા સુધીની બાકી રકમ પર કાર્ડ ધારકે 900 રૂપિયા લેટ ફી ચૂકવવી પડશે.

    - 25,001 રૂપિયાથી 50,000 રૂપિયા સુધીની બાકી રકમ માટે 1,000 રૂપિયા લેટ ફી ચૂકવવી પડશે.

    - 50,000 રૂપિયાથી વધુની બાકી રકમ પર લેટ ફૂ તરીકે 1200 રૂપિયા ચૂકવવા પડશે.

    આ પણ વાંચો: Credit Card: કયું ક્રેડિટ કાર્ડ લેવું તે અંગે મૂંઝવણમાં છો? તો આ રહ્યા શ્રેષ્ઠ પાંચ વિકલ્પ

    SBI ક્રેડિટ કાર્ડ ચાર્જિસ

    - 500 રૂપિયા સુધીની બાકી રકમ પર કોઈ ચાર્જ નહીં.
    - 501-1000 બાકી રકમ: ચાર્જ રૂ. 400
    - 1,001-10,000 બાકી રકમ: ચાર્જ રૂ. 1300

    એચડીએફસી બેંક ક્રેડિટ કાર્ડ ચાર્જિસ

    - 100 રૂપિયા સુધીની બાકી રકમ પર કોઈ ચાર્જ નહીં.
    - 100-500 બાકી રકમ: ચાર્જ રૂ. 100
    - 501-5,000 બાકી રકમ: ચાર્જ રૂ. 600
    - 5,001-10,000 બાકી રકમ: ચાર્જ રૂ. 800
    - 10,001-25,000 બાકી રકમ: ચાર્જ રૂ. 1,100
    - 25,001-50,000 બાકી રકમ: ચાર્જ રૂ. 1300

    એક્સિસ બેંક ક્રેડિટ કાર્ડ ચાર્જિસ

    - 300 રૂપિયા સુધીની બાકી રકમ પર કોઈ ચાર્જ નહીં.
    - 300-500 બાકી રકમ: ચાર્જ રૂ. 100
    - 501-1,000 બાકી રકમ: ચાર્જ રૂ. 500
    - 1,001-10,000 બાકી રકમ: ચાર્જ રૂ. 1,000

    આ પણ વાંચો: SBI or ICICI Bank: 52 અઠવાડિયાની નજીક પહોંચેલા બંને સ્ટોકમાંથી કયા સ્ટોકને પસંદ કરવો?

    અન્ય બેંક કેટલી લેટ ફી વસૂલે છે?

    અન્ય બેંકોની વાત કરીએ તો એચડીએફસી બેંક, એસબીઆઈ બેંક અને એક્સિસ બેંક 50,000 રૂપિયાથી વધારે બાકી રકમ પર ક્રમશ: 1,300,1,300 અને 1,000 રૂપિયા લેટ ફી વસૂલ કરે છે. ચેક રિટર્ન થવો અથવા ઓટો ડેબિટ પર ICICI બેંક કુલ રકમનો બે ટકા સુધીનો ચાર્જ લગાડે છે. આ માટે ન્યૂનતમ રકમ અમાઉન્ટ 500 રૂપિયા હશે.
    Published by:Vinod Zankhaliya
    First published:

    Tags: Hdfc, આઇસીઆઇસીઆઇ બેંક, એસબીઆઇ, ક્રેડિટ કાર્ડ

    આગામી સમાચાર