આધારથી ચપટી વગાડતા બની જશે EPF માટે UAN, બસ આટલા સ્ટેપ અનુસરો

મુંબઈ: ઈપીએફ (EPF)માં ફાળો આપનાર દરેક કર્મચારીને 12 આંકડાનો યુનિવર્સલ એકાઉન્ટ નંબર (Universal Account Number) આપવામાં આવે છે. જેને UAN તરીકે ઓળખવામાં આવે છે. એમ્પ્લોય પ્રોવિડન્ટ ફંડ ઓર્ગેનાઇઝેશન(EPFO) દ્વારા આ નંબર આપવામાં આવે છે. શ્રમ અને રોજગાર મંત્રાલય દ્વારા UANને પ્રમાણિત કરવામાં આવે છે.

કેવી રીતે થાય છે પ્રોસેસ?

ગમે તેટલી નોકરી બદલાવી હોય, કર્મચારીને અપાયેલો UAN ક્યારે બદલાતો નથી. ઇપીએફઓ કર્મચારીને નવો એકાઉન્ટ આઈડી નંબર આપે છે. આ નંબર UAN સાથે લિંક હોય છે. UAN હોય એટલે નવી આઈડી મેળવી શકાય છે. આઈડી બને એટલે તેને UAN સાથે જોડી દેવાય છે.

ઈપીએફઓ દ્વારા ઓનલાઈન UAN જનરેટ કરવાની સુવિધા પૂરી પાડવામાં આવે છે. આધાર કાર્ડના મારફતે કર્મચારીઓ તે જનરેટ કરી શકે છે. આ સુવિધાનો લાભ એ લોકો જ લઈ શકે છે, જેનું આધાર કાર્ડ અને મોબાઈલ નંબર લિંક હોય. વન ટાઈમ પાસવર્ડ નાખ્યા બાદ જન્મ તારીખ, નામ સહિતની વ્યક્તિગત જાણકારી જોઈ શકાય છે. ડોક્યુમેન્ટનું વેરિફિકેશન થયા બાદ UAN જનરેટ થાય છે.

આ પણ વાંચો: શેરબજારમાં પૈસા લગાડતા પહેલા જાણો લો ચાર નિયમ: આટલું જાણી લેશો તો થઇ જશે બેડો પાર

આધારથી UAN કેવી રીતે જનરેટ થશે?

>> ઈપીએફઓની સત્તાવાર વેબસાઈટ www.epfindia.gov.in ખોલો
>> Online Aadhaar Verified UAN Allotment પર ક્લિક કરો
>> હવે આધાર નંબર નાખીને ઓટીપી જનરેટ કરો. મોબાઈલમાં ઓટીપી આવશે. જેના નાખ્યા બાદ ઍક્સેપટ કરો.
>> હવે કેપ્ચા નાખી, રજીસ્ટરનો વિકલ્પ ક્લિક કરવાથી UAN જનરેટ થઈ જશે

આ પણ વાંચો: કોરોના ઇફેક્ટ: પટેલ ટ્રાવેલ્સે ધંધો સંકેલવાનો કર્યો નિર્ણય, 32 વર્ષના જામેલા ધંધાને 12 મહિના નડી ગયા, બસો વેચવા કાઢી

UAN આધાર સાથે લિંક છે કે નહીં આવી રીતે ચેક કરો

આ જાણવા માટે https://iwu.epfindia.gov.in/eKYC/ ઉપર ક્લિક કરો. ત્યારબાદ Track E-KYC ઉપર ક્લિક કરો. ત્યારબાદ માત્ર UAN નાખો જેનથી UAN લિંક થયો છે કે નહીં તે કન્ફર્મ થઈ જશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Epfo, OTP, Pension