આ રીતે ઘરે બેઠા જ ભરી દો ઈનકમ ટેક્સ રિટર્ન, સમયની સાથે સાથે રૂપિયા પણ બચશે

નવી દિલ્હીઃ અત્યાર સુધી આવકવેરા રીટર્ન ફાઇલ કરવાની પ્રક્રિયા લાંબી અને માથાકૂટવાળી હતી. કરદાતાઓ આવકવેરા રીટર્ન ફાઇલ કરવા માટે લાંબી કતારોમાં રાહ જોતા હતા. પરંતુ હવે તે દિવસો ભૂતકાળ બની ગયા છે. ટેકનોલોજીમાં પ્રગતિના કારણે ઓનલાઇન ફાઇલિંગ એટલે કે ઇ-ફાઇલિંગ ખૂબ સરળ છે. ઈ-ફાઈલિંગ પદ્ધતિના કારણે તમે ઘર અથવા ઓફિસમાંથી આરામથી રિટર્ન ફાઇલ કરી શકો છો. ઇ-ફાઇલિંગની પ્રક્રિયા ખૂબ જ સરળ સ્ટેપ્સથી પૂર્ણ થઈ શકે છે.

ઇ-ફાઇલિંગ એ આવકવેરા રિટર્ન (ITR) ઓનલાઇન સબમિટ કરવા માટે ઉપયોગમાં લેવામાં આવતી પ્રક્રિયા છે. ITR ઇ-ફાઇલિંગ પ્રક્રિયા ઝડપી અને સરળ છે. તેના દ્વારા કોઈના ઘર અથવા ઓફિસથી ફાઈલિંગ અનુકૂળતાથી પૂર્ણ થઈ શકે છે. આ કામ માટે તમારે કોઈને કામે રાખવાની જરૂર નથી. તમે ઇલેક્ટ્રોનિક રૂપે તમારું આઇટીઆર ફાઇલ કરીને પૈસા બચાવી શકો છો. અહીં ઇ-ફાઇલિંગ કરવા અંગે જાણકારી આપવામાં આવી છે.

આ પણ વાંચોઃ હોબાળો બહુ મચ્યો, પણ લિંક કરવામાં તમારો શું ફાયદો તે તો કોઈએ નહીં જણાવ્યું હોય

આવકવેરા રિટર્ન ઓનલાઇન કેવી રીતે ભરવું?

- પહેલાં તો ઈ-ફાઇલિંગ વેબસાઇટ https://www.incometax.gov.in/iec/foportal પર લોગઇન કરો.

- તમારા રિટર્નની ઇ-ફાઇલ કરવા માટે નોંધણી અથવા લૉગિન કરો.

- "Taxpayer" પર ક્લિક કરો. ત્યારબાદ તમારી પાન માહિતી દાખલ કરો અને પછી "validate" પર ક્લિક કરો. ત્યારબાદ "Continue" પર ક્લિક કરો

- તમારા નામ, સરનામાં, D.O.B, મોબાઇલ નંબર, ઇમેઇલ આઇડી સહિતનું દાખલ કરો.

- હવે ‘Continue’ પર ક્લિક કરો.

- ત્યારબાદ રજિસ્ટર્ડ મોબાઇલ નંબર પર આવેલા OTP થકી તમારી વિગતોની ચકાસણી કરો.

- અંતે પાસવર્ડ સેટ અપ કરો અને લોગિન મેસેજ સુરક્ષિત રાખો.

- "Register" પર ક્લિક કર્યા પછી તમને એકનોલેજમેન્ટ મેસેજ મળશે. જે તમને નોંધણી પ્રક્રિયા સફળ રહી હોવાનું જણાવશે.

આ પણ વાંચોઃ મ્યુચ્યુઅલ ફંડ રોકાણકારો માટે SEBIનું મોટું પગલું

ITR ઓફલાઇન કેવી રીતે ફાઇલ કરવું?

- પહેલાં તો વ્યક્તિઓએ ફોર્મ 16 ની રિકવેસ્ટ કરવાની રહેશે.

- ત્યારબાદ ITR રિટર્ન્સ કાગળના સ્વરૂપમાં આવકવેરા વિભાગને સબમિટ કરવું આવશ્યક છે.


- ફોર્મ સબમિટ થયા પછી તમને આવકવેરા વિભાગ તરફથી એકનોલેજમેન્ટ સ્લિપ મળશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Income tax department, Income Tax Return