Home /News /business /પેન્શન પર SCના ચૂકાદાથી તમારી ટેક હોમ સેલેરી વધશે કે ઓછી થશે? જાણો બધા સવાલના જવાબ

પેન્શન પર SCના ચૂકાદાથી તમારી ટેક હોમ સેલેરી વધશે કે ઓછી થશે? જાણો બધા સવાલના જવાબ

પેન્શન અંગે એક ચુકાદાથી તમારી સેલેરી પર શું અસર પડશે?

Pension Latest News: EPFOના અધિકારી સુપ્રીમ કોર્ટના ચૂકાદા પર પર ખૂબ જ મોટી બેઠક કરવા જઈ રહ્યા છે. જલ્દી જ EPFO તરફથી આ બાબતે ગાઈડલાઈન્સ જાહેર કરવામાં આવશે. જોકે અહીં આપણે એ સમજી લઈએ કે આ ચૂકાદાથી તમારા પગાર પર શું અસર થશે?

    સુપ્રીમ કોર્ટે (Supreme Court) વર્ષ 2014ની કર્મચારી પેન્શન (સુધારા) યોજનાને લઈને મોટો નિર્ણય આપ્યો છે. કોર્ટે કર્મચારી પેન્શન (સુધારા) યોજનાને (Employee Pension Yojana) યથાવત રાખી છે અને પેન્શન ફંડમાં જોડાવા માટે 15,000 રૂપિયાની માસિક વેતન મર્યાદાને નાબૂદ કરી છે. તમને જણાવી દઈએ કે કર્મચારીનો પગાર ગમે તેટલો હોય, પરંતુ તેના પેન્શનની ગણતરી માત્ર રૂપિયા 15 હજારના હિસાબે કરવામાં આવે છે. જો સરળ શબ્દોમાં કહીએ તો દરેક કર્મચારીએ નોકરી કરતી વખતે EPFO ​​ખાતું ખોલાવવું પડે છે. કર્મચારી તેના પગારના 12% EPF તરીકે જમા કરે છે. તેમજ જે કંપનીમાં કર્મચારી કામ કરે છે તે પણ તેટલી જ રકમ EPFO ​​ખાતામાં જમા કરે છે. જ્યારે, આ રકમનો માત્ર 8.33 ટકા ભાગ જ જાય છે. આવી સ્થિતિમાં, જો 15 હજારની મર્યાદા દૂર કરવામાં આવે છે અને તમારો મૂળ પગાર 20 હજાર રૂપિયા થઈ જાય છે, તો પેન્શનની રકમ પણ વધી જશે.

    આ પણ વાંચોઃ ટ્વિટરે ફરી એક વાર સપાટો બોલાવ્યો: કોન્ટ્રાક્ટ પર કામ કરી રહેલા 4400 કર્મચારીઓને ઘરભેગા કરી દીધા

    હવે તેનો લાભ કોણ અને કેવી રીતે લઈ શકે?


    જો મૂળ પગાર 15000/મહિનાથી વધુ છે, તો તમે નવી પેન્શન યોજના હેઠળ વધુ યોગદાન આપી શકો છો. જો તમે હજુ સુધી નવી પેન્શન યોજનામાં જોડાયા નથી, તો તમારી પાસે 4 મહિનાનો સમય છે.

    તમે આગામી 4 મહિના માટે નવી પેન્શન યોજનામાં જોડાઈ શકો છો. જેઓ 1 સપ્ટેમ્બર, 2014 સુધી EPFના સભ્ય બન્યા હતા, તેઓને જ નવી યોજનામાં જોડાવવાની મંજૂરી છે.

    આ પણ વાંચોઃ Children's Day: તમારા બાળકોને નાનપણથીજ આ પાંચ 'મની મંત્ર' આપો, તેમને આજીવન કામ આવશે

    શું મને જોડાવા માટે કંપનીની પરવાનગીની જરૂર છે?


    નવી સ્કીમમાં જોડાવા માટે, કર્મચારી અને એમ્પ્લોયર એટલે કે તમે જે કંપનીમાં કામ કરો છો તેની સાથે એક જોઈન્ટ ડિક્લેરેશન આપવું પડશે. જેઓ 1 સપ્ટેમ્બર, 2014 પછી EPFના સભ્ય બન્યા છે, તેઓને નવી યોજનામાં જોડાવાથી મુક્તિ આપવામાં આવી નથી.

    શું હું મારા પગાર કરતાં મારા પેન્શન માટે વધુ ચૂકવણી કરી શકું?


    વધારાના પગાર માટે 1.16 ટકા વધારાનો ફાળો આપવા પર પ્રતિબંધ છે. વધારાનું યોગદાન વસૂલવું ગેરકાયદેસર છે. સરકાર 6 મહિનામાં વધારાના યોગદાન અંગે કાયદો બનાવશે. અત્યાર સુધી આપવામાં આવેલ વધારાના યોગદાનની રકમનું શું થશે તે અંગે કોઈ નિર્ણય લેવામાં આવ્યો નથી.

    શું છે મામલો? સરળ શબ્દોમાં સમજીએ


    EPF એક્ટ 20 અથવા 20 થી વધુ કર્મચારીઓ ધરાવતી કંપનીને લાગુ પડે છે. EPF એક્ટના અમલ સાથે, સામાજિક સુરક્ષાની 3 યોજનાઓ અમલમાં છે.

    કર્મચારી ભવિષ્ય નિધિ યોજના, 1952 (EPF યોજના), કર્મચારીઓની પેન્શન યોજના 1995 (EPS યોજના) અને કર્મચારીઓની થાપણ-લિંક્ડ વીમા યોજના, 1976.

    આ પણ વાંચોઃ બ્રોકરેજ હાઉસે કહ્યું 'આ સીમેન્ટ શેરમાં 73 ટકાની દમદાર કમાણી, ફટાફટ ખરીદો'

    EPF યોજના હેઠળ, કર્મચારીઓ અને નોકરીદાતાઓ દર મહિને મૂળ પગારના 12%-12% જમા કરે છે.

    એમ્પ્લોયરના 12% હિસ્સામાંથી, 8.33% EPS યોજના હેઠળ પેન્શન ફંડમાં જાય છે. આ સમગ્ર મામલો આ EPS સ્કીમ હેઠળ આવતા પેન્શન ફંડ સાથે સંબંધિત છે.

    2014 માં EPS યોજનામાં મોટો ફેરફાર કરવામાં આવ્યો- EPS યોગદાન માટે મહત્તમ મૂળ પગાર 15000 રૂપિયા પ્રતિ માસ નક્કી કરવામાં આવ્યો છે.

    1 સપ્ટેમ્બર, 2014 પછી EPFના નવા સભ્યો, મહત્તમ રૂ. 15000/મહિનાના મૂળભૂત પગાર મુજબ જ EPSમાં યોગદાન આપી શકશે. જેઓ 1 સપ્ટેમ્બર, 2014 સુધી EPFના સભ્ય બન્યા છે, તેઓ ઊંચા પગાર અનુસાર EPSમાં યોગદાન આપી શકશે.

    ઉચ્ચ પગાર અનુસાર EPS માં યોગદાન ફરજિયાત રહેશે નહીં, પરંતુ સ્વૈચ્છિક રહેશે. EPSમાં યોગદાન આપવા માટે, આવા સભ્યોએ દર મહિને રૂ. 15000 થી ઉપરના પગારના વધારાના 1.16%નું યોગદાન આપવું પડશે.



    આ નિર્ણય સામેનો કેસ અલગ-અલગ હાઈકોર્ટમાં ગયો. ત્રણ હાઈકોર્ટે આ નિર્ણય પર સ્ટે આપ્યો છે. સુપ્રીમ કોર્ટે હાઈકોર્ટના નિર્ણયને ઉલટાવીને કેટલાક ફેરફારો સાથે સરકારના નિર્ણયને યથાવત રાખ્યો છે.

    હવે આગળ શું?


    EPFO અધિકારીઓ SCના નિર્ણય અંગે ચર્ચા કરી રહ્યા છે. EPFO દ્વારા ટૂંક સમયમાં એક માર્ગદર્શિકા રજૂ કરવામાં આવી શકે છે.
    Published by:Mitesh Purohit
    First published:

    Tags: Epfo, New Pension Scheme, Pension Plan, Supreme Court

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन