Home /News /business /

Import duty વધતાં ઘરેણાંની કિંમતમાં કેટલો ઉછાળો આવશે? આ રીતે કરો હિસાબ

Import duty વધતાં ઘરેણાંની કિંમતમાં કેટલો ઉછાળો આવશે? આ રીતે કરો હિસાબ

સોનાની કિંમતમાં થશે વધારો

ઇમ્પોર્ટ ડ્યુટી શા માટે વધારવામાં આવી? તે જાણવા માટે કરન્ટ એકાઉન્ટ ડેફિસિટ વિશે જાણવું જોઇએ. હકીકતમાં સોનાની આયાતમાં ભારત વિશ્વમાં બીજા ક્રમે છે. સોનાની આયાત કરવા માટે સરકારને મોટા પ્રમાણમાં વિદેશી કરન્સી ખર્ચ કરવી પડે છે.

    એક તરફ કોરોના મહામારીના (Covid-19) કારણે સોનાના ભાવ વધી ગયા હતા અને બીજી બાજુ સરકારે ઇમ્પોર્ટ ટેક્સ વધારી (Import tax hike on gold) દેતા દાઝ્યા પર ડામ લાગવા જેવી સ્થિતિ ઊભી થઇ છે. આ સાથે જ સસ્તા સોનાની ખરીદીના ભારતીયોના સપના પણ રોળાઇ ગયા છે. સરકારે હાલમાં જ સોના પર ઇમ્પોર્ટ ડ્યૂટી (Import Duty on Gold)ને 10.75 ટકાથી વધારીને 15 ટકા કરી દીધી છે. આ નિર્ણય ડોલર સામે રૂપિયાને મજબૂત કરવા માટે લેવામાં આવ્યો છે. જોકે, રૂપિયાની સ્થિતિ તો ન સુધરી પણ સામાન્ય લોકોના ખિસ્સા પર ભારણ આવશે.

    ઇમ્પોર્ટ ડ્યુટી વધારવાનું કારણ


    ઇમ્પોર્ટ ડ્યુટી શા માટે વધારવામાં આવી? તે જાણવા માટે કરન્ટ એકાઉન્ટ ડેફિસિટ વિશે જાણવું જોઇએ. હકીકતમાં સોનાની આયાતમાં ભારત વિશ્વમાં બીજા ક્રમે છે. સોનાની આયાત કરવા માટે સરકારને મોટા પ્રમાણમાં વિદેશી કરન્સી ખર્ચ કરવી પડે છે. આયાત વધવા અને વિદેશી કરન્સીના નિકાલથી કરન્ટ એકાઉન્ટ ડેફિસિટ પર વધારે ભારણ પડે છે. આ દબાણ ઘટાડવા માટે સરકારને ઇમ્પોર્ટ ડ્યૂટી વધારી જેથી આયાત ઓછી થઇ શકે અને વિદેશી કરન્સીને પણ બહાર જતી રોકી શકાય. પરંતુ તેની અસર સામાન્ય માણસ પર પડશે કે લગ્ન-વ્યાજ કે શુભ-લગ્ન વગેરેમાં ખરીદવામાં આવતા ઘરેણાં મોંઘા થઇ જશે.

    આ પણ વાંચો -શું તમે જાણો છો ATM કાર્ડ પર મળે છે 10 લાખ સુધીનો વીમો? જાણો કઇ રીતે કરવો ક્લેમ

    ટેક્સ વધવાની અસર


    ભારતમાં સોનાનો મોટો ભાગ ઘરેણા બનાવવા માટે ઉપયોગમાં લેવાય છે. ભારતમાં સોનું શણગાર સાથે રોકાણનું પણ સૌથી મોટું સાધન છે. મુશ્કેલ સમયમાં સોનુ સૌથી વધુ કામ આવશે તેવી ભારતીય માન્યતા છે. સોનાનો ભાવ ઓછો ઘટે છે અને જો ઘટાડો આવે છે તો તે પણ ખૂબ મામૂલી હોય છે. આયાત કરવામાં આવતા સોનાનો સૌથી વધુ ભાગ ઘરેણા બનાવવામાં જાય છે, તેથી આયાત ખર્ચ વધતા સોનુ અને સોનાના દાગીનાના ભાવ પણ વધી જશે.

    ડાયમંડ પર પણ સરકારે કસ્ચમ ડ્યુટી વધારી છે, જેની અસર હીરાના ઘરેણાની સાથે સોનાના ઘરેણા પર પણ પડશે. કસ્ટમ ડ્યૂટી વધવા ઉપરાંત સરકારે કટ અને પોલીશ કરેલા હીરા પર જીએસટી દરને 0.25 ટકા વધારી 1.5 ટકા કરી દીધો છે. આ નિયમ 18 જુલાઇથી લાગુ થશે. આ નવા નિયમના કારણે હીરાના ભાવ વધશે, આ સાથે જ સોનાના તે દાગીનાઓ પણ મોંઘા થશે જેના પર હીરાનું જડતર કરવામાં આવે છે. હાલ સોના પર કુલ ઇમ્પોર્ટ ટેક્સ વધીને 15.75 ટકા સુધી ચાલ્યો ગયો છે જેમાં 12.50 ટકા બેઝિક ઇમ્પોર્ટ ડ્યૂટી, 2.5 ટકા એગ્રી સેસ અને 0.75 ટકા સોશ્યલ વેલફેર સરચાર્જ છે. ગોલ્ડ પર આ ઉપરાંત 3 ટકા જીએસટી લાગે છે.

    ટેક્સ વધવાથી 22 કેરેટ સોનાનો ભાવ પ્રતિ 10 ગ્રામ 1000 રૂપિયા વધી ગયો છે. ગત સપ્તાહે સોનાનો ભાવ બે મહીનાના હાઇ લેવલ પર રહ્યો હતો. અત્યારે સોના ભાવ 53,000 રૂપિયા પ્રતિ 10 ગ્રામની આસપાસ છે અને ઇમ્પોર્ટ ડ્યૂટી વધ્યા બાદ હજુ વધશે.

    આ પણ વાંચો -LICનો આ પ્લાન કરી દેશે તમને માલામાલ! માત્ર 4 વર્ષ માટે રોકાણ કરી મેળવો રૂ. 1 કરો

    કઇ રીતે થાય છે હિસાબ?


    સોનાનો ભાવ નક્કી કરવા માટે જ્વેલર્સ ફિક્સ્ડ ફોર્મ્યુલા લાગૂ કરે છે. તેમાં શુદ્ધતા અને નક્કી વજનનો સમાવેશ થાય છે. આ સિવાય જીએસટી અને મેકિંગ ચાર્જ પણ સામેલ કરવામાં આવે છે. ભાવ કાઢવા માટે 10 ગ્રામ સોનાનો ભાવ લેવામાં આવે છે, જેમાં 22 કેરેટ કે 18 કેરેટ સોનાનો ભાવ લેવાય છે. આ ભાવને સોનાના ગ્રામ સાથે ગુણવામાં આવે છે. તેની સાથે મેકિંગ ચાર્જ પણ ઉમેરવામાં આવે છે. તેમાં જ્વેલરીની કિંમત પર 3 ટકા જીએસટી અને મેકિંગ ચાર્જ પર અને અંતમાં 35 રૂપિયા હોલમાર્કિંગ ચાર્જ ઉમેરવામાં આવે છે. આ રીતે ઘરેણાનો હિસાબ તૈયાર થાય છે.
    First published:

    Tags: Gold price, Import duty

    विज्ञापन

    विज्ञापन

    આગામી સમાચાર

    विज्ञापन
    विज्ञापन