Home /News /business /

LIC Bima Ratna Policy: આ પોલિસી તમને કરાવશે ફાયદો, જાણો પ્રીમિયમ અને ડેથ બેનિફિટ અંગેની વિગતો

LIC Bima Ratna Policy: આ પોલિસી તમને કરાવશે ફાયદો, જાણો પ્રીમિયમ અને ડેથ બેનિફિટ અંગેની વિગતો

LIC'S New Bima Ratna Policy

એલઆઈસીની વેબસાઈટ પર આપવામાં આવેલ વેચાણ પુસ્તિકા અનુસાર, આ પોલિસીનું પ્રીમિયમ માસિક, ત્રિમાસિક, અર્ધવાર્ષિક અને વાર્ષિક ધોરણે ચૂકવી શકાય છે. તેની લઘુત્તમ વીમા રકમ 5 લાખ રૂપિયા છે અને લઘુત્તમ મુદત 15 વર્ષ છે. તદનુસાર, તેનું લઘુત્તમ માસિક પ્રીમિયમ રૂ. 5,000 છે.

વધુ જુઓ ...
    ભારતીય જીવન વીમા નિગમ (LIC) એ 27મી મેના રોજ ગેરંટીવાળા બોનસ સાથે નવી મની બેક પોલિસી બીમા રત્ન (Bima Ratna) લોન્ચ કરી છે. મર્યાદિત પ્રીમિયમ સાથેની આ પોલિસીમાં પહેલાથી જ નક્કી કરવામાં આવે છે કે મેચ્યોરિટી પર કેટલું બોનસ મળશે. વીમા કંપનીઓ સામાન્ય રીતે જીવન વીમા પોલિસી માટે દર વર્ષે બોનસ નક્કી કરે છે. પરંતુ આમાં બોનસ પહેલેથી જ નક્કી છે.

    આ નવી મની બેક પોલિસીમાં ઓછામાં ઓછા 5 લાખ રૂપિયાનો વીમો લેવો ફરજિયાત છે. આ માટે લઘુત્તમ વય મર્યાદા 90 દિવસ અને મહત્તમ 55 વર્ષ સુધીની છે. ચાલો જાણીએ કે આ વીમો લેનારા ગ્રાહકો દ્વારા ચૂકવવાનું લઘુત્તમ પ્રીમિયમ શું છે અને જો પોલિસીધારક પોલિસીની મુદત દરમિયાન મૃત્યુ પામે તો મૃત્યુ લાભ શું હશે.

    આ પણ વાંચો -આ સરળ ટીપ્સને ફોલો કરીને વધારો તમારા બિઝનેસનો વ્યાપ

    એલઆઈસીની વેબસાઈટ પર આપવામાં આવેલ વેચાણ પુસ્તિકા અનુસાર, આ પોલિસીનું પ્રીમિયમ માસિક, ત્રિમાસિક, અર્ધવાર્ષિક અને વાર્ષિક ધોરણે ચૂકવી શકાય છે. તેની લઘુત્તમ વીમા રકમ 5 લાખ રૂપિયા છે અને લઘુત્તમ મુદત 15 વર્ષ છે. તદનુસાર, તેનું લઘુત્તમ માસિક પ્રીમિયમ રૂ. 5,000 છે. જ્યારે લઘુત્તમ પ્રીમિયમ ત્રિમાસિક ધોરણે રૂ. 15,000 અને અર્ધવાર્ષિક ધોરણે રૂ. 25,000 હશે. વાર્ષિક ધોરણે પ્રીમિયમની ન્યૂનતમ રકમ રૂ. 50,000 હશે. આ પ્રીમિયમની રકમ ન્યૂનતમ વય ધરાવતા પોલિસીધારકો માટે છે. પ્રીમિયમની રકમ જુદી જુદી ઉંમરના અને જુદી જુદી શરતોના ગ્રાહકો માટે અલગ અલગ હોઈ શકે છે.

    ડેથ બેનિફિટ


    એલઆઈસીના વેચાણ પુસ્તિકા અનુસાર, જો પોલિસીધારકનું પોલિસીની મુદત દરમિયાન મૃત્યુ થાય છે, તો તેના પરિવારના સભ્યો અથવા નોમિનીને વીમાની રકમના 125% મૃત્યુ લાભ મળશે. આનો અર્થ એ થયો કે જો 5 લાખ રૂપિયાનો વીમો છે, તો નોમિનીને મૃત્યુ લાભ તરીકે 6,25,000 રૂપિયા મળશે. તે જણાવે છે કે મૃત્યુ લાભ કુલ ચૂકવેલ પ્રીમિયમના 105 ટકાથી ઓછો હોવો જોઈએ નહીં.

    આ પણ વાંચો -સિનિયર સિટીઝન માટે FD Interest Rates, જાણો કઈ બેંક આપી રહી છે સૌથી વધુ દર

    જો પોલિસીધારકે આ પોલિસી 8 વર્ષથી ઓછી ઉંમરે લીધી હોય અને તેનું મૃત્યુ થઈ જાય, તો તેના માટે મૃત્યુ લાભ અલગ છે. તેના નોમિનીને ચૂકવવામાં આવેલ સંપૂર્ણ પ્રીમિયમ (રાઇડર પ્રીમિયમ, લોડ પ્રીમિયમ અને કર સિવાય) વ્યાજ વિના મૃત્યુ લાભ તરીકે પ્રાપ્ત થશે.

    (Disclaimer આ માહિતી LICની વેબસાઈટ પર આપવામાં આવેલી માહિતીના આધારે આપવામાં આવી છે. News18ને તેની સાથે કોઈ લેવાદેવા નથી. આ પોલિસી ખરીદતી વખતે તમારા એજન્ટ અથવા LIC બ્રાન્ચનો ચોક્કસપણે સંપર્ક કરો અને વિગતવાર માહિતી મેળવો. News18 કોઈપણ નાણાકીય જોખમ માટે જવાબદાર રહેશે નહીં.)
    Published by:Bhavyata Gadkari
    First published:

    Tags: LIC News, Lic policy

    આગામી સમાચાર