Ratan Tata: દેશના દરેક ઘરમાં હાજર છે ટાટા, જાણો ટાટા જૂથ કઈ કઈ વસ્તુઓનું કરે છે ઉત્પાદન

મુંબઈ. Happy Birthday Ratan Tata: ભારતના દિગ્ગજ બિઝનેસમેનમાં સામેલ રતન ટાટા (Ratan Tata)નો આજે જન્મ દિવસ છે. 84 વર્ષીય રતન ટાટા મોટા બિઝનેસમેન હોવાની સાથે સાથે પોતાની સાદમી માટે પણ જાણીતા છે. બીમારી કર્મચારી માટે મુંબઈથી પુણે મુલાકાત જવાની વાત હોય કે નવા વેપારીઓને સ્ટાર્ટઅપ (Startup) માટે કેપિટલ આપવાની વાત હોય, રતન ટાટાએ તમામ લોકોને પ્રેરિત કર્યાં છે. રતન ટાટાએ 1990થી 2012 સુધી ટાટા જૂથ (Tata Group)ની કમાન સંભાળી હતી. આ દરમિયાન તેઓ ટાટા જૂથને એક નવી ઊંચાઈ પર લઈ ગયા હતા.

ટાટા ગ્રુપને મળી એર ઇન્ડિયા

રતન ટાટા ગ્રુપ આજે દેશના દરેક ઘરમાં હાજર છે! કારણ કે ટાટા જૂથ મીઠાથી લઈને કાર બનાવવાનું કામ કરે છે. તાજેતરમાં જ ફરીથી એર ઇન્ડિયા (Air India)ની કમાન ટાટા જૂથના હાથમાં આવી છે. સાથે જ પ્રાઇવેટ સેક્ટરની સૌથી મોટી ડિફેન્સ ડીલ પણ રતન ટાટાને મળી છે. ભારત સરકારે 56 ‘C-295’ પરિવહન વિમાન ખરીદવા માટે સ્પેનની ‘એરબસ ડિફેન્સ એન્ડ સ્પેસ' (Airbus Defence & Space) સાથે આશરે 21,000 કરોડ રૂપિયાનો સોદો કર્યો છે. આ સોદા અંતર્ગત એરબસ ડિફેન્સ એન્ડ સ્પેસ અને ટાટા એડવાન્સ્ડ સિસ્ટમ્સ લિમિટેડ (TAASL) સાથે મળીને C-295 સૈન્ય વિમાન બનાવશે.

આ પણ વાંચો: રતન ટાટાના રોકાણવાળી કંપની આપી રહી છે બિઝનેસની તક

દરેક ઘરમાં ટાટા જૂથ

ટાટા જૂથ ચાથી લઈને જ્વેલરી બનાવવાનું કામ કરે છે. ટાટાની કંપનીઓમાં ટાટા કેમિકલ્સ, ટાટા કન્ઝ્યૂમર પ્રોડક્ટ્સ, વોલ્ટાસ, ટાઇટન, ઇન્ફિનિટી રિટેલનું ક્રોમા બ્રાન્ડ, ટ્રેન્ટ સામેલ છે. ટ્રેન્ટના પ્રમુખ બ્રાન્ડ્સમાં વેસ્ટસાઇડ, જૂડિયો, લેન્ડમાર્ક સામેલ છે. તનિષ્ક, ટાઇટન ટાટાની જ્વેલરી બ્રાન્ડ છે. ટાઇટન ઘડિયાળ પણ બનાવે છે. ટાટા કન્ઝ્યૂમર પ્રોડ્ક્ટસ અંતર્ગત ટાટા જૂથ ટાટા ટી, ટાટા નમક, ટાટા સંપન્ન બ્રાન્ડ આવે છે. ટાટા જૂથ મીઠું, ચા, કૉફી, દાળ, મસાલા, રેડી ટૂ ઇટ ફૂડ, પાણી વગેરે ક્ષેત્રમાં પણ છે.

ઇન્ફોર્મેશન ટેક્નોલોજી

આઈટી સર્વિસિસ ક્ષેત્રમાં ટાટા જૂથ ટાટા કન્સલ્ટન્સી સર્વિસિસ (TCS) નામે કામ કરે છે. સ્ટાકબક્સ સાથે મળીને કંપની ટાટા સ્ટારબક્સ નામનું જોઈન્ટ વેન્ચર ચલાવે છે. ટાટા સ્ટીલ, ઓટોમોટિવ સ્ટીલ, એગ્રીકલ્ચરલ સ્ટીર, કંસ્ટ્રક્શન સ્ટીલ, હેન્ડ ટૂલ, સ્ટીલ પાઇપ્સ, રૉ મટિરિયલ, ફેરો અલોયઝ, બિયરિંગ્સ, પ્રિસીઝન ટ્યૂબસ વગેરે પ્રોડક્ટ પણ ટાટા જૂથ બનાવે છે.

આ પણ વાંચો: Taj Hotelના કર્મચારીએ કર્યું એવું કામ કે ભાવુક થયા રતન ટાટા

ટાટા મોટર્સ વિશે તો તમામ લોકો જાણતા જ હશે. જે પેસેન્જરથી લઈને કૉમર્શિયલ વાહનો બનાવે છે. ટાટા મોટર્સ ડીફેન્સ વ્હીકલ્સ પણ બનાવે છે. ટાટા હોટલ ઇન્ડસ્ટ્રીઝમાં પણ છે. તાજ હોટલ ટાટા ગ્રુપની જ હોટલ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ratan Tata, Tata group, Tata motors, જન્મદિવસ