માર્ચમાં GST કલેક્શને તોડ્યો રેકોર્ડ, સરકારી ખજાનામાં આવ્યા રૂપિયા 1.42 લાખ કરોડ

March 2022 GST Collection : માર્ચમાં ગ્રોસ ગુડ્સ એન્ડ સર્વિસ ટેક્સ (GST Collection) વધીને રૂ. 1.42 લાખ કરોડ થયો છે. આ એક મહિનામાં અત્યાર સુધીનું સૌથી વધુ GST કલેક્શન છે. માર્ચના જીએસટી કલેક્શને જાન્યુઆરી, 2022માં રૂ. 1,40,986 લાખ કરોડના કલેક્શનનો રેકોર્ડ તોડ્યો છે. માર્ચ, 2022નું કલેક્શન (March 2022 GST Collection) ગયા વર્ષના માર્ચના GST કલેક્શન કરતાં 15 ટકા વધુ છે અને તે માર્ચ 2020ના GST કલેક્શન કરતાં 46 ટકા વધુ છે.

માર્ચમાં CGST કલેક્શન (CGST Collections) રૂ. 25,830 કરોડ, SGST કલેક્શન રૂ. 32,378 કરોડ, IGST કલેક્શન રૂ. 74,470 કરોડ અને સેસ રૂ. 9,417 કરોડ હતું. નાણાકીય વર્ષ 2022 માટે માસિક GST 1.38 લાખ કરોડ રૂપિયા છે. સરકારે કહ્યું છે કે આર્થિક સુધારા અને નકલી બિલર્સ સામેની કાર્યવાહીને કારણે GST કલેક્શનમાં વધારો થયો છે.

આ પણ વાંચો:  Demat Account : ડીમેટ ખાતાધારકો માટે મહત્ત્વના સમાચાર, સેબીએ નૉમિની દાખલ કરવાનું ફરજિયાત કર્યું

✅ All time high Gross #GSTCollection in March 2022, breaching earlier record of ₹1,40,986 crore collected in January 2022

✅ ₹1,42,095 crore gross #GST revenue collected in the month

Read more ➡️ https://t.co/WVBKPBkmTO
(1/2) pic.twitter.com/ywPJxQfElw

— Ministry of Finance (@FinMinIndia) April 1, 2022

આ પણ વાંચો:  Business Ideas: ખૂબ ઓછી મૂડી સાથે શરૂ કરો આ બિઝનેસ, પ્રથમ મહિનાથી કમાણી પાક્કી

તૂટ્યો રેકોર્ડ

નાણા મંત્રાલય (Ministry of Finance) ના ડેટા અનુસાર, GSTના ઈતિહાસમાં આ ચોથું સૌથી વધુ કલેક્શન છે. આ વર્ષની શરૂઆતમાં જાન્યુઆરીમાં સરકારને GSTથી 140986 કરોડ રૂપિયાની કમાણી થઈ હતી. અગાઉ, એપ્રિલ, 2021 માં, GST કલેક્શન 139708 કરોડ રૂપિયા હતું, જે બીજી સૌથી મોટી વસૂલાત છે. આ પછી ફેબ્રુઆરી 2022માં સરકારે ત્રીજી વખત સૌથી વધુ 133026 કરોડ રૂપિયાની કમાણી કરી છે.

આ પણ વાંચો:  Rakesh Jhunjhunwala Stock: રાકેશ ઝુનઝુનવાલાના પોર્ટફોલિયોના આ શેરમાં જોવા મળી જોરદાર તેજી, શું હજી રોકાણ કરી શકાય?

હવે કોરોનાના કેસ ઓછા થતા સરકાર દ્વારા કોરોના પ્રતિબંધો પણ હટાવી દેવામાં આવ્યા છે. જેના કારણે દેશમાં આર્થિક ગતિવિધિઓ વધી છે. દેશની આર્થિક વ્યવસ્થા ફરી પાટા પર આવી રહી છે. GST કલેક્શનમાં વધારો એ પણ સંકેત આપી રહ્યો છે કે હવે દેશમાં બિઝનેસ યોગ્ય રીતે ચાલી રહ્યો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Finance, GST, Gst collection