Home /News /business /

ટેક્સ ચોરી રોકવા માટે સરકારે GST નિયમમાં કર્યા ફેરફાર

ટેક્સ ચોરી રોકવા માટે સરકારે GST નિયમમાં કર્યા ફેરફાર

ટેક્સ ચોરી રોકવા માટે સરકારે GST નિયમમાં કર્યા ફેરફાર

હવે જીએસટી પર વેપારીઓને દરેક વેચાણ માટે ઇ-ભરતિયું નીકાળવું પડશે

    ન્યૂઝ18 ગુજરાતી: GST દ્વારા ટેક્સ વસૂલી સરળ બની છે, ત્યારે આને વધુ સરળ બનાવવા માટે જીએસટી અધિકારી એક વધુ નિયમ બનાવવા જઇ રહ્યાં છે. હવે જીએસટી પર વેપારીઓને દરેક વેચાણ માટે ઇ-ભરતિયું નીકાળવું પડશે. આનાથી ટેક્સ ચોરી એક હદ સુધી ઓછી થવાની સંભાવના વ્યક્ત કરાઇ રહી છે. શરૂઆતમાં એક નિશ્ચિત મર્યાદાથી વધુ બિઝનેસ કરનારાને ઇલેક્ટ્રોનિક અથવા ઇ-ભરતિયું પર એક વિશિષ્ટ નંબર મળશે. આ નંબરની મેળવણી વેચાણ રિટર્ન અને ચૂકવેલા ટેક્સના ઇનવોઇસ સાથે કરવામાં આવશે. આગળ જઇને કંપનીઓને સંપૂર્ણ રકમ પર ઇ-ભરતિયું નીકાળવું પડશે.

    આ સિસ્ટમ દ્વારા વેપારીઓને એક સોફ્ટવેર આપવામાં આવશે. જે જીએસટી અથવા સરકારી પોર્ટલ સાથે જોડાયેલ હશે. આનાથી ઇ-ભરતિયું નીકાળી શકાશે. ઇ-ભરતિયું કાઢવાની અનિવાર્યતા નોંધાયેલ વ્યક્તિના બિઝનેસ અથવા ભરતિયાના મુલ્યના આધારે નક્કી થશે. જોકે, વિચાર એ છે કે આ બિઝનેસની સીમા પર આધારિત હોય, જેથી તે વેચાણ બિલોને અલગ-અલગ વહેંચી ન શકે.

    એક અધિકારી પ્રમાણે, નવી ઇ-ભરતિયું સિસ્ટમ ચાલુ થયા બાદ માલની અવરજવર માટે જરૂરી ઇ-વે બિલની જરૂર નહીં રહે. આનું કારણ એ છે કે, ઇ-ભરતિયું એક સેન્ટ્રલાઇઝ્ડ સરકારી પોર્ટલ દ્વારા કાઢવામાં આવશે. અધિકારીઓએ જણાવ્યું કે, નવી ઇ-ભરતિયું વ્યવસ્થા શરૂ થયા બાદ વેપારીઓને જીએસટી રિટર્નમાં પણ સરળતા રહેશે.

    આ પણ વાંચો: તમારી દીકરી માટે અહીં ખોલાવો ખાતુ, 18 વર્ષે મળશે 40 લાખ રુપિયા

    ઉલ્લેખનીય છે કે, હાલ 50,000 રૂપિયાથી વધુ કિંમતના માલને લઇ જવા માટે ઇ-વે બિલની જરૂર હોય છે. હાલ જીએસટી હેઠળ 1.21 કરોડ વેપારી રજિસ્ટર્ડ છે. આમાંથી 20 લાખે કમ્પોઝિશન સ્કીમ અપનાવેલી છે.
    Published by:Azhar Patangwala
    First published:

    Tags: E invoice, Evasion issue, Govt, GST, Launch, Limit tax, PLANS

    विज्ञापन

    विज्ञापन

    આગામી સમાચાર

    विज्ञापन
    विज्ञापन