Home /News /business /

નોકરી ગુમાવવા પર સરકાર આપશે આર્થિક મદદ, Unemployment Insurance હેઠળ મળશે આ સુવિધા

નોકરી ગુમાવવા પર સરકાર આપશે આર્થિક મદદ, Unemployment Insurance હેઠળ મળશે આ સુવિધા

નોકરી ગુમાવવા પર સરકાર આપશે આર્થિક મદદ

સંયુક્ત આરબ અમીરાત (UAE) એ કામદારો માટે બેરોજગારી વીમો શરૂ કરવાની જાહેરાત કરી છે. તેનો પ્રયાસ આ યોજના દ્વારા વ્યવસાયિક જોખમ ઘટાડીને કર્મચારીઓને આકર્ષવા અને જાળવી રાખવાનો છે.

    હવે સરકાર આ દેશના કર્મચારીઓને કોઈ કારણસર નોકરી ગુમાવવા પર તેમને આર્થિક મદદ કરશે. આ સુવિધા કર્મચારીઓને બેરોજગારી વીમા (Unemployment Insurance) હેઠળ આપવામાં આવશે. આ અંતર્ગત જ્યાં સુધી બીજી નોકરી ન મળે ત્યાં સુધી સરકાર તરફથી આર્થિક મદદ મળતી રહેશે.

    સંયુક્ત આરબ અમીરાત (UAE) એ કામદારો માટે બેરોજગારી વીમો શરૂ કરવાની જાહેરાત કરી છે. UAE ની સત્તાવાર સમાચાર એજન્સી WAM એ અહેવાલ આપ્યો છે કે ઉપરાષ્ટ્રપતિ અને વડા પ્રધાન અને દુબઈના શાસક શેખ મોહમ્મદ બિન રાશિદ અલ મકતુમે આ જાહેરાત કરી છે. માનવ સંસાધન અને અમીરાત મંત્રી અબ્દુલ મન્નાન અલ અવરે શુક્રવારે એક પ્રેસ કોન્ફરન્સમાં આ અંગે માહિતી આપી હતી.

    આ પણ વાંચો -Gold Price in Gujarat : લગ્નની સિઝન વચ્ચે સોનાના ભાવમાં ઘટાડો, જાણો 10 ગ્રામ સોનાનો લેટેસ્ટ ભાવ

    જો કોઈ કર્મચારી તેની નોકરી ગુમાવે છે, તો તેને બીજી નોકરી ન મળે ત્યાં સુધી બેરોજગારી વીમા હેઠળ નાણાં મળવાનું ચાલુ રહેશે. UAEના કામદારોએ 2023 સુધીમાં બેરોજગારી વીમા યોજનામાં યોગદાન આપવું પડશે. આ વીમા માટે વીમા કંપનીઓ વાર્ષિક 40-100 દિરહામ સુધી ચાર્જ લઈ શકે છે. આ યોજના હેઠળ, નોકરી ગુમાવવા પર કર્મચારીને ચોક્કસ સમયગાળા માટે મૂળભૂત પગારના 60 ટકા આપવામાં આવશે. UAEની સરકારી અને ખાનગી કંપનીઓના તમામ કર્મચારીઓને આનો લાભ મળશે. આ યોજના તમામ નાગરિકો માટે લાગુ પડશે.

    આ પણ વાંચો -Good News : પગાર વધવાની રાહ જોઇ રહ્યા છો? જાણો આ વર્ષે કેટલી વધશે તમારી સેલેરી

    અબ્દુલ મન્નાન અલ અવરે જણાવ્યું હતું કે નવો કાયદો દેશમાં વ્યાપાર વાતાવરણને વધારતા રાષ્ટ્રીય પ્રતિભાઓ અને યોગ્યતાઓને મજબૂત કરશે. ખાનગી ક્ષેત્ર સાથે ભાગીદારી વધારવા, શ્રમ બજારને આકર્ષક બનાવવા અને તેની સંભવિતતા વધારવા માટે આ એક ઐતિહાસિક પગલું છે. ગયા મહિનાની શરૂઆતમાં, UAE એ નાગરિકતા નિયમોમાં ફેરફાર સહિત કામદારો માટે ઘણી નવી સુવિધાઓની જાહેરાત કરી હતી. યુએઈની 80 ટકાથી વધુ વસ્તી વિદેશી નાગરિકો છે. અહીંના અર્થતંત્રમાં તેમનું મહત્ત્વનું યોગદાન છે.

    બેરોજગારી વીમા દ્વારા, UAE કર્મચારીઓને આકર્ષવા અને જાળવી રાખવાનો પ્રયાસ કરી રહ્યું છે. UAEના નવા શ્રમ નિયમોએ વિદેશીઓ માટે ત્યાં કામ કરવાનું સરળ બનાવ્યું છે. UAE કેબિનેટે વિદેશીઓ માટે નવી એન્ટ્રી, રેસિડેન્સ સ્કીમને મંજૂરી આપી છે.
    Published by:Bhavyata Gadkari
    First published:

    Tags: Dubai, Employees, UAE

    આગામી સમાચાર