નવું SIM લેવા અને બેંક એકાઉન્ટ ખોલવા બાબતે કેમ સરકાર ઉઠાવી રહી છે કડક પગલા?

Online Fraud Solution: દેશમાં ઓનલાઈન છેતરપિંડીના વધતા જતા મામલાઓને રોકવા માટે સરકાર હવે કેટલાક કડક પગલાં લેવાનું વિચારી રહી છે. સરકાર નવું સિમ કાર્ડ જારી કરવા અને બેંક ખાતું ખોલાવવાના નિયમોને વધુ કડક કરી શકે છે. સરકારનો ઈરાદો મોબાઈલ સિમ લેનાર અને બેંક ખાતું ખોલાવનાર વ્યક્તિ સંબંધિત તમામ માહિતીની સંપૂર્ણ તપાસ કરવાનો છે, જેથી આ બે હેતુઓ માટે અન્ય કોઈ વ્યક્તિના દસ્તાવેજોનો ઉપયોગ ન થઈ શકે.

CNBC આવાઝના એક અહેવાલ અનુસાર, ટેલિકોમ ઓપરેટર્સ અને બેંકો માટે ગ્રાહકનું ભૌતિક વેરિફિકેશન કરવું ફરજિયાત બનાવવામાં આવી શકે છે. હાલમાં, જ્યારે પણ કોઈ વ્યક્તિ બેંક ખાતું ખોલવા અને સિમ મેળવવા માટે અરજી કરે છે, ત્યારે તેની ચકાસણી ઓનલાઈન ઈ-કેવાયસી દ્વારા આધારથી વિગતો લઈને કરવામાં આવે છે. તે જ સમયે, કંપનીઓનું ખાતું પણ ફક્ત નિગમના પ્રમાણપત્રથી જ ખોલવામાં આવે છે.

આ પણ વાંચોઃ ઈલેક્ટ્રિક બાઇક અથવા સ્કૂટર ખરીદવું હોય તો પહેલા બેટરી વિશે આ 5 બાબતો જાણી લેવી

છેતરપિંડીમાં નોંધાતો વધારો

છેલ્લા કેટલાક વર્ષોમાં બેંકોમાં છેતરપિંડીના કેસમાં ઝડપથી વધારો થયો છે. આ સિવાય નકલી દસ્તાવેજો પર મોબાઈલ સિમ લઈને તેનો ઉપયોગ ગુનાહિત પ્રવૃતિઓમાં પણ થઈ રહ્યો છે. સિમ કાર્ડની સરળતાથી ઉપલબ્ધતા અને બેંક એકાઉન્ટ ખોલવાને કારણે આવું થઈ રહ્યું છે. રિઝર્વ બેંક ઓફ ઈન્ડિયાના એક રિપોર્ટ અનુસાર, 2021-22માં બેંક ફ્રોડના કેસોમાં સામેલ રકમ 41,000 કરોડ રૂપિયા હતી.



આ પણ વાંચોઃ એક્સપર્ટે કહ્યું, 'રિલાયન્સ, ઇન્ડિયા સીમેન્ટ, ITC પર લગાવો દાવ, થોડા દિવસોમાં જ થઈ શકે રુપિયાનો વરરસાદ'

 હવે શું પરિવર્તન આવી શકે

CNBC આવાઝને સૂત્રો પાસેથી મળેલી માહિતી અનુસાર, સરકાર હવે નવું સિમ કાર્ડ આપવા અને બેંક ખાતું ખોલાવવાની પ્રક્રિયામાં ફેરફાર કરવાની તૈયારી કરી રહી છે. હવે સરકાર KYC નિયમોને વધુ કડક બનાવવા પર વિચાર કરી રહી છે. આ અંતર્ગત સરકાર ગ્રાહકનું ફિઝિકલ વેરિફિકેશન ફરજિયાત બનાવી શકે છે. મતલબ કે બેંક ખાતું ખોલાવવાની અને મોબાઈલ સિમ લેવાની સુવિધા, જે હાલમાં આધાર વેરિફિકેશન દ્વારા આપવામાં આવી રહી છે, તે બંધ થઈ શકે છે.

મીટિંગ પણ થઈ

સરકાર ટૂંક સમયમાં ટેલિકોમ ઓપરેટર્સ અને બેંકોને નવા નિયમો લાગુ કરવા માટે કહી શકે છે. ગૃહ મંત્રાલયે આ મુદ્દે નાણા અને ટેલિકોમ મંત્રાલય સાથે સમીક્ષા બેઠક પણ કરી છે. આ નિર્ણય માટેના રોડમેપ પર બેઠકમાં ચર્ચા થઈ હોવાનું જાણવા મળે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bank account, New rules, Online fraud, Sim card