Internet Speed: ઇન્ટરનેટ સ્પીડને લઈને સરકારે જણાવી આ વાત, માનવી પડશે ટેલિકોમ કંપનીએ

Minimum Internet Speed: આ ઈન્ટરનેટનો યુગ છે અને બધું ઈન્ટરનેટ પર નિર્ભર છે. ટૂંક સમયમાં તમે વધુ સારી ઇન્ટરનેટ સ્પીડ મેળવી શકશો કારણ કે ટેલિકોમ વિભાગે બ્રોડબેન્ડની વ્યાખ્યા બદલી છે. હવે ટેલિકોમ કંપનીઓએ બ્રોડબેન્ડ માટે ઓછામાં ઓછી 2 Mbps સ્પીડ આપવી પડશે. અત્યાર સુધી 512Kbps ને બ્રોડબેન્ડ માનવામાં આવતું હતું.

ભારતમાં બ્રોડબેન્ડના લગભગ 85 કરોડ ગ્રાહકો છે. તેમાંથી 82.5 કરોડ ગ્રાહકો મોબાઈલ પર બ્રોડબેન્ડનો ઉપયોગ કરે છે. એટલું જ નહીં દેશમાં 25 કરોડ લોકો પાસે લેન્ડલાઈન બ્રોડબેન્ડ છે. હવે કંપનીઓએ બ્રોડબેન્ડની કહેવાતી સ્પીડ વધારવી પડશે. નોટિફિકેશનમાં કહેવામાં આવ્યું છે કે હવે 2G 3G સર્વિસ બ્રોડબેન્ડની શ્રેણીમાં નહીં આવે.

આ પણ વાંચો:ChatGPT સામે ટક્કર લેવા ગૂગલે પકડ્યો 'જીનીયસ'નો હાથ, વર્ષો પછી પરત ફર્યા અનુભવી એન્જિનિયર, વધુ તર્કયુત બનશે ગૂગલ

TRAIની ભલામણો પર વ્યાખ્યા બદલાઈ

ટ્રાઈએ 2013 અને 2021માં સ્પીડ વધારવાની ભલામણ કરી હતી. TRAIની ભલામણો પર, ડિપાર્ટમેન્ટ ઓફ ટેલિકોમ્યુનિકેશનએ ટેલિકોમ કંપનીઓ માટે ન્યૂનતમ સ્પીડ ઘટાડીને ન્યૂનતમ 2MBPS કરી છે. એક સૂચનામાં કહેવામાં આવ્યું છે કે તેને તાત્કાલિક ધોરણે લાગુ કરવામાં આવશે.

ભારતમાં ઇન્ટરનેટની સ્પીડ વધી છે

સ્પીડટેસ્ટ ગ્લોબલ ઈન્ડેક્સના ડેટા અનુસાર, ડિસેમ્બર 2022માં ભારતની ઈન્ટરનેટ સ્પીડમાં સુધારો થયો છે પરંતુ તે હજુ પણ વૈશ્વિક રેન્કિંગમાં 79મા સ્થાને છે. ભારતમાં મોબાઈલ ડાઉનલોડ સ્પીડ 18.26 MBPS થી 25.29 MBPS થઈ ગઈ છે.તાજેતરમાં ભારતમાં 5G સેવાઓ પણ શરૂ થઈ છે, જેના કારણે ઈન્ટરનેટની સ્પીડમાં નોંધપાત્ર વધારો થયો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Broadband, Business news, Internet, Notification, Telecommunication