ખાનગીકરણની નીતિ પડી ધીમી! LICના ફ્લોપ શો બાદ સરકારે Bharat Petroliumના શેર વેચવાનો નિર્ણય બદલ્યો

લાઇફ ઇન્શ્યોરન્સ કોર્પોરેશન ઑફ ઇન્ડિયા (LIC IPO) મંગળવારે BSE અને NSE પર લિસ્ટ થઇ ગઇ છે. આ દેશના ઇતિહાસનો સૌથી મોટો આઇપીઓ હતો અને લોકોને તેનાથી ઘણી આશા હતી પરંતુ એ આશા પર પાણી ફરી ગયું અને એલઆઇસીએ 9% ના ડિસ્કાઉન્ટ સાથે ડેબ્યૂ કર્યુ. આ આઇપીઓએ નામ બડે ઔર દર્શન છોટેની કહેવતને સાચી સાબિત કરી.ગઈકાલે એલઆઈસીના આઈપીઓ પર તમામ પ્રકારના મીમ્સ ટ્રેન્ડમાં હતા.

શેરબજારમાં લિસ્ટિંગ દરમિયાન એલઆઈસીની ખરાબ હાલત જોઈને સરકાર ઘણી સતર્ક દેખાઈ રહી છે. રોયટર્સ અનુસાર, એલઆઈસીના શેરની ખરાબ હાલત જોઈને સરકારે ભારત પેટ્રોલિયમ કોર્પોરેશન (BPCL)ના શેર વેચવા પર પોતાનો મૂડ બદલી નાખ્યો છે.

આ પણ વાંચો -Biggest IPO : દેશના એ મોટા IPO જેમણે રોકાણકારોને રોવડાવ્યાં, Paytm, LIC અને Coal India છે લીસ્ટમાં

સરકારે નિર્ણયમાં કર્યો બદલાવ

રિપોર્ટમાં અધિકારીઓને ટાંકીને દાવો કરવામાં આવ્યો છે કે સરકાર હવે ભારત પેટ્રોલિયમમાં 20-25 ટકા હિસ્સો વેચવાની યોજના બનાવી રહી છે. અગાઉ સરકારે તેનો 52.98%નો સંપૂર્ણ હિસ્સો વેચીને $8 થી 10 બિલિયન એકત્ર કરવાની યોજના બનાવી હતી. હવે બદલાયેલી યોજનાના આધારે બિડ મંગાવવાની વિચારણા કરવામાં આવી રહી છે. વાતચીત હજુ પ્રારંભિક તબક્કામાં છે.

ભારત પેટ્રોલિયમ માટે ત્રણ એક્સપ્રેશન ઓફ ઈન્ટરેસ્ટ (EOI) પ્રાપ્ત થયા છે. આમાંની એક દરખાસ્ત ઉદ્યોગપતિ અનિલ અગ્રવાલના વેદાંત ગ્રુપ દ્વારા કરવામાં આવી છે. આ સિવાય એપોલો ગ્લોબલ અને આઈ સ્કાયવર્ડના કેપિટલ યુનિટ થિંક ગેસનો સમાવેશ થાય છે.

આ પણ વાંચો -તમે પણ બની શકો છો SBI ATMના માલિક, દર મહિને થશે 60 હજારની કમાણી, વાંચો વિગત

ખાનગીકરણની નીતિ પડી ધીમી

અત્યારે, ભારત પેટ્રોલિયમમાં હિસ્સાને લઈને વાતચીત પ્રારંભિક તબક્કામાં છે. આવી સ્થિતિમાં, આ ડીલ આગામી નાણાકીય વર્ષમાં જ થવાની સંભાવના છે. BPCLનો સંપૂર્ણ હિસ્સો વેચવા પર પાછા જવું એ સરકારની ખાનગીકરણ નીતિમાં ધીમી પ્રગતિની નિશાની છે.

નોંધપાત્ર રીતે, 2020 માં, નાણાં પ્રધાન નિર્મલા સીતારમણે બેંકો, ખાણ કંપનીઓ અને વીમા કંપનીઓ સહિત મોટાભાગની સરકારી કંપનીઓનું ખાનગીકરણ કરવાની યોજના વિશે વાત કરી હતી. જોકે આ શક્ય બન્યું ન હતું. તમને જણાવી દઈએ કે મંગળવારે શેરબજારમાં LICના શેરનું લિસ્ટિંગ ઇશ્યૂ પ્રાઇસથી 8 થી 9 ટકાના ઘટાડા સાથે થયું હતું. તે BSE પર રૂ. 872 પ્રતિ શેર અને NSE પર રૂ. 867.20ના ભાવે લિસ્ટ થયો હતો. કારોબારના અંતે શેર રૂ.873 પર બંધ રહ્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: LIC IPO, Privatization