સરકારે બતાવી દરિયાદિલી, NSE અને સુકન્યા સહિત આ યોજના પર વ્યાજ દર વધાર્યા

નવી દિલ્હીઃ વ્યાજ દર વધારવાને લઈને સરકારે મોટો નિર્ણય કર્યો છે. સરકારે નેશનલ સેવિંગ સર્ટિફિકેટ પર વ્યાજ દર વધાર્યા છે. એપ્રિલ-જૂન માટે NSC પર 7.7 ટકા વ્યાજ મળશે. સરકારે કિસાન વિકાસ પત્રને લઈને પણ મોટી જાહેરાત કરી છે. હવે આ સ્કીમ પર વ્યાજ દર વધારીને 7.5 ટકા કરી દેવામાં આવ્યું છે. સુકન્યા સમૃદ્ધિ યોજનાની વાત કરીએ તો હવે તેના પર 8.0 ટકા વ્યાજ મળશે.

એપ્રિલથી જૂન 2023 ક્વાટર માટે આ વ્યાજ વધારો લાગૂ થશે. નાણામંત્રી નિર્ણલા સિતારમણ દ્વારા એક પરિપત્ર જાહેર કરીને આ અંગે જાહેરાત કરવામાં આવી છે. તેનાથી સીનિયમ સિટીઝન સેવિંગ સ્કીમ, નેશનલ સેવિંગ સ્કીમ, બધા પ્રકારની પોસ્ટ ઓફિસ ટાઈમ ડિપોઝીટ અને સુકન્યા સમૃદ્ધિ એકાઉન્ટ સ્કીમ પર વ્યાદ દર વધારવામાં આવ્યા છે.

આ પણ વાંચોઃ Bank FDમાં પણ છે રિસ્ક, રોકાણ કરતા પહેલા આટલું ખાસ જાણી લો; નહિ તો પછતાશો

નાણાકીય વર્ષ 2023-24ના પહેલા ક્વાટરથી આ વ્યાજ દર અમલમાં

સીનિયર સિટીઝન સેવિંગ સ્કીમ માટે વ્યાજ દર 8 ટકાથી વધારીને 8.2 ટકા કરવામાં આવ્યો છે. કિસાન વિકાસ પત્રમાં હવે 7.2 ટકાની જગ્યાએ 7.5 ટકાના દરે વ્યાજ મળશે. સાથે સરકારે 1,2,3 અને 5 વર્ષ માટે ટાઈમ ડિપોઝીટના વ્યાજ દરોમાં પણ વધારો કર્યો છે. મંથલી ઈનકમ એકાઉન્ટ સ્કીમ્સ પર વ્યાદ દરોને 7.1 ટકાથી વધારીને 7.4 ટકા કરી દેવામાં આવ્યા છે. જ્યારે 5 વર્ષની રિકરિંગ ડિપોઝીટ પર હવે 5.8 ની જગ્યાએ 6.2 ટકાના દરે વ્યાજ મળશે.

આ પણ વાંચોઃ 1 શેરના બદલામાં 5 શેર આપશે આ મલ્ટીબેગર કંપની, જાહેર કરી રેકોર્ડ ડેટ

PPF પર ન વધ્યા વ્યાજ દર

સરકારે પબ્લિક પ્રોવિડેન્ટ ફંડ પર વ્યાજ દરોમાં કોઈ વધારો કર્યો નથી. પીપીએફ પર પહેલાની જેમ જ વ્યાજ મળતું રહેશે. પીપીએફ યોજનામાં આ સમયે 7.1 ટકા વ્યાજ મળી રહ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Interest rates, Small savings scheme, Sukanya samriddhi yojana