Home /News /business /હવે સ્ટાર્ટઅપને કોઈપણ ગેરંટી વગર મળશે લોન, 10 કરોડ રુપિયા સુધી હશે ક્રેડિટ લિમિટ

હવે સ્ટાર્ટઅપને કોઈપણ ગેરંટી વગર મળશે લોન, 10 કરોડ રુપિયા સુધી હશે ક્રેડિટ લિમિટ

હવે સ્ટાર્ટ અપને મળશે ગેરંટી વગરની લોન

Credit Guarantee Scheme: નાના સ્ટાર્ટઅપ માટે સૌથી મોટી સમસ્યા ભંડોળની હોય છે અને તેના માટે લોન લેવી એક મુશ્કેલી ત્યારે બને છે જ જ્યારે કોઈ ગેરંટીની માગણી કરવામાં આવે. તેવામાં કેન્દ્ર સરકાર આવા બિઝનેસ માટે ક્રેડિટ ગેરંટી યોજના લઈને આવી છે.

વધુ જુઓ ...
    નવી દિલ્હીઃ સરકારે સ્ટાર્ટઅપ્સ માટે ક્રેડિટ ગેરંટી સ્કીમ શરૂ કરી છે. આ અંતર્ગત સ્ટાર્ટઅપને કોઈ ગેરંટી વિના ચોક્કસ મર્યાદા સુધી લોન આપવામાં આવશે. ડિપાર્ટમેન્ટ ફોર પ્રમોશન ઓફ ઈન્ડસ્ટ્રી એન્ડ ઈન્ટરનલ ટ્રેડ (DPIIT) એ એક નોટિફિકેશન જારી કરીને આ જાણકારી આપી છે. નોટિફિકેશનમાં જણાવવામાં આવ્યું છે કે પાત્રતા ધરાવતા સ્ટાર્ટઅપ્સ માટે 6 ઓક્ટોબર અથવા તે પછી મંજૂર કરાયેલી લોન આ યોજના હેઠળ પાત્ર બનશે.

    નોટિફિકેશન મુજબ, કેન્દ્ર સરકારે 'સ્ટાર્ટઅપ્સ માટે ક્રેડિટ ગેરંટી સ્કીમ' (CGSS)ને મંજૂરી આપી છે, જેનો ઉદ્દેશ્ય સભ્ય સંસ્થાઓ (MIs) દ્વારા પાત્રતા ધરાવતા સ્ટાર્ટઅપ્સને ફાઇનાન્સ કરવા માટે આપવામાં આવેલી લોનની ક્રેડિટ ગેરંટી પૂરી પાડવામાં આવે છે." આ સ્કીમ સ્ટાર્ટઅપ્સને જરૂરી ગેરંટી વિના લોન આપવામાં મદદ કરશે.

    આ પણ વાંચોઃ શું તમે પણ કરોડપતિ બનવા માગો છો? તો બસ 15x15x15 ના નિયમને ફોલો કરો

    જાણો તમને કેટલી લોન મળશે?


    ધિરાણ આપતી સંસ્થાઓમાં બેંક, નાણાકીય સંસ્થાઓ, NBFC અને AIF નો સમાવેશ થાય છે. આ સંસ્થાઓ લોન આપવા માટે યોજના હેઠળ પાત્ર છે. વિભાગે જણાવ્યું હતું કે, “લોન લેતા દરેક સ્ટાર્ટઅપનું મહત્તમ ગેરંટી કવર રૂ. 10 કરોડથી વધુ નહીં હોય. અહીં કવર કરવામાં આવતી ક્રેડિટ રકમ અન્ય કોઈપણ ગેરંટી યોજના હેઠળ આવરી લેવામાં આવી હોવી જોઈએ નહીં.

    સરકાર વિશ્વાસ સ્થાપિત કરશે


    આ યોજના માટે ભારત સરકાર દ્વારા ટ્રસ્ટ અથવા ફંડની સ્થાપના કરવામાં આવશે. તેનો ઉદ્દેશ્ય પાત્ર સ્ટાર્ટઅપ્સને અપાયેલી લોનની ડિફોલ્ટની સ્થિતિમાં ધિરાણ આપતી સંસ્થાઓને ચુકવણીની ખાતરી આપવાનો છે. તેનું સંચાલન બોર્ડ ઓફ નેશનલ ક્રેડિટ ગેરંટી ટ્રસ્ટી કંપની લિમિટેડ દ્વારા કરવામાં આવશે.

    આ પણ વાંચોઃ 27 વર્ષનો એન્જિનિયર ગાય પાળીને મહિને કમાય છે 10 લાખ, તમે પણ કમાઈ શકો; જાણો A to Z માહિતી

    આ સ્ટાર્ટઅપ્સને લોન મળશે


    આ યોજના હેઠળ, એવા માન્ય સ્ટાર્ટઅપ્સને લોન આપવામાં આવશે, જે 12 મહિના માટે સ્થિર આવકની સ્થિતિમાં હોય, જેઓ લોન ચૂકવવામાં સક્ષમ હોય અને તે સ્ટાર્ટઅપ્સ કે જેમણે અગાઉ કોઈપણ પ્રકારની લોન ચૂકવવામાં ડિફોલ્ટ ન કર્યું હોય. વધુમાં, આરબીઆઈની માર્ગદર્શિકા મુજબ સ્ટાર્ટઅપ્સને નોન-પરફોર્મિંગ એસેટ તરીકે વર્ગીકૃત કરવામાં આવ્યા હોવા જોઈએ નહીં.


    સરકાર સ્ટાર્ટઅપ કલ્ચરને પ્રોત્સાહન આપી રહી છે


    તાજેતરમાં, છેલ્લા કેટલાક વર્ષોમાં ભારતમાં સ્ટાર્ટઅપ્સને કેન્દ્ર સરકાર તરફથી ઘણો ટેકો મળ્યો છે. આ જ કારણ છે કે દેશમાં હવે 100થી વધુ સ્ટાર્ટઅપ યુનિકોર્ન છે. એવા સ્ટાર્ટઅપ્સને યુનિકોર્ન કહેવામાં આવે છે જ્યારે તેમનું વેલ્યુએશન $1 બિલિયન હોય. સરકાર સ્ટાર્ટઅપ કલ્ચરને પ્રોત્સાહન આપવા માટે આગામી 5-6 વર્ષમાં જિનેસિસ પ્રોગ્રામ હેઠળ 10,000 થી વધુ સ્ટાર્ટઅપ્સને ઈન્સેન્ટિવ પણ આપશે.
    Published by:Mitesh Purohit
    First published:

    Tags: Business loan, Business news, Start up

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन