Google vs CCI: ગૂગલને NCLTથી નથી મળી કોઈ રાહત, 1338 કરોડનો દંડ ભરવો પડશે

સુપ્રસિદ્ધ અમેરિકન ટેક કંપની ગૂગલને મોટો ઝટકો લાગ્યો છે. હકીકતમાં, નેશનલ કંપની લો એપેલેટ ટ્રિબ્યુનલ (NCLAT) એ એન્ડ્રોઇડમાં તેના પ્રભાવશાળી પદના દુરુપયોગ સાથે જોડાયેલ એક કેસમાં કોમ્પિટિશન કમિશન ઓફ ઇન્ડિયા (CCI) ના આદેશને સમર્થન આપ્યું છે. NCLATએ બુધવારે કંપનીને દંડ ભરવા અને આદેશનો અમલ કરવા માટે 30 દિવસનો સમય આપ્યો છે.

સુનાવણી દરમિયાન, ટ્રિબ્યુનલે ગૂગલની દલીલને ફગાવી દીધી હતી કે સીસીઆઈએ નિર્ણયમાં કોઈપણ પ્રકારની તરફેણ કરી છે. NCLATએ જણાવ્યું હતું કે Google સ્માર્ટફોન કંપનીઓને તેની 11 એપ્સ પ્રી-ઇન્સ્ટોલ કરવા માટે કહે છે, જે એક અયોગ્ય વ્યવસાય પ્રથા છે. ટ્રિબ્યુનલે કહ્યું છે કે ગૂગલ વાસ્તવમાં કંપનીઓને પોતાનું એન્ડ્રોઇડ વર્ઝન વિકસાવવાથી અટકાવે છે અને આ માટે તે એન્ટિ ફ્રેગમેન્ટેશન એગ્રીમેન્ટનો ઉપયોગ કરે છે.

આ પણ વાંચો: આ તારીખ સુધીમાં ઉમેરી શકાશે મ્યુચ્યુઅલ ફંડ નોમિની, હવે આટલો સમય રહ્યો બાકી

તાજેતરમાં, ભારતની કંપનીઓ વચ્ચે સ્પર્ધા પર નજર રાખતી એજન્સી, કોમ્પિટિશન કમિશન ઓફ ઈન્ડિયાએ ગૂગલ પર રૂ.1,337.76 કરોડનો દંડ ફટકાર્યો છે. ગૂગલે આ નિર્ણયને NCLAT સમક્ષ પડકાર્યો હતો. જોકે, ગૂગલે તેના પર લાગેલા આરોપોને ખોટા ગણાવ્યા હતા.

કોમ્પિટિશન કમિશન ઓફ ઈન્ડિયાના આદેશમાં કેટલાક સુધારા

NCLATના અધ્યક્ષ જસ્ટિસ અશોક ભૂષણ અને સભ્ય આલોક શ્રીવાસ્તવની ખંડપીઠે ભારતીય સ્પર્ધા પંચના આદેશમાં કેટલાક સુધારા પણ કર્યા છે. એપેલેટ ટ્રિબ્યુનલે ગૂગલની એ અપીલને ફગાવી દીધી હતી કે કોમ્પિટિશન કમિશન ઑફ ઈન્ડિયાએ તપાસમાં કુદરતી ન્યાયનું ઉલ્લંઘન કર્યું હતું.

અયોગ્ય સર્ધાત્મક પ્રવૃત્તિઓમાં સામેલ થવાના આરોપો

નોંધનીય છે કે ગયા વર્ષે 20 ઓક્ટોબરે CCIએ એન્ડ્રોઇડ મોબાઇલ ડિવાઇસના મામલામાં અયોગ્ય સર્ધાત્મક પ્રવૃત્તિઓમાં સામેલ થવા બદલ Google પર 1,337.6 કરોડ રૂપિયાનો દંડ ફટકાર્યો હતો. રેગ્યુલેટરે કંપનીને વિવિધ અન્યાયી વેપાર પ્રથાઓથી દૂર રહેવા પણ કહ્યું હતું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Google News