Gold Silver Price Today: દિવાળી પહેલા સતત ઘટી રહી છે સોના-ચાંદીની કિંમતો

નવી દિલ્હી: સોના-ચાંદીની કિંમત (Gold Silver rate today)માં વૈશ્વિક બજારમાં છેલ્લા કેટલાક સમયથી દબાણ વચ્ચે ભારતમાં સ્થાનિક બજારમાં તહેવારોની માગના કારણે સોના ચાંદીના ભાવમાં તેજી જોવા મળી હતી. જોકે ફરી એકવાર સ્થાનિક બજારમાં સોના ચાંદીની કિંમતોમાં સતત ઘટાડો જોવા મળી રહ્યો છે. આ સાથે સોનાના ભાવ 50 હજાર આસપાસ આવી ગયા છે. તો બીજી તરફ ચાંદીના ભાવમાં પણ 58 હજારની નીચે પહોંચી ગયા છે. આજે સવારે 11 વાગ્યે મલ્ટી કોમોડિટી એક્સચેન્જ (MCX) પર સોનું 0.60 ટકા ઘટીને 50,790 રૂપિયા પ્રતિ 10 ગ્રામ અને ચાંદી 1.54 ટકા ઘટીને 57,635 રૂપિયા પ્રતિ કિલોગ્રામ પર ટ્રેડ થઈ રહ્યું છે. બે દિવસમાં ઘટાડાથી સોનાનો ચળકળાટ ફરી ઝાંખો પડી રહ્યો છે. આ સાથે સોનું તેની રેકોર્ડ કિંમત (Gold record price)થી હજુ પણ ઘણું જ સસ્તું મળી રહ્યું છે. આથી જો તમારે સોનાની ખરીદી કરવી હોય તો અત્યારે પણ તમારા માટે સારો મોકો છે.

સોના-ચાંદીની કિંમત (Gold-Silver Rate)

આજે સવારે 11 વાગ્યે એમસીએક્સ પર ડિસેમ્બરના વાયદાનું સોનું 0.60 ટકા તૂટીને 50,790 રૂપિયા પ્રતિ 10 ગ્રામ લેખે ટ્રેડ કરી રહ્યું હતું. બીજી તરફ ડિસેમ્બરના વાયદાનું ચાંદી 1.54 ટકા ઘટીને 57,635 રૂપિયા પ્રતિ કિલોગ્રામ લેખે ટ્રેડ કરી રહ્યું હતું.

આ રણ વાંચોઃ Electronics Mart IPO: લિસ્ટિંગ પહેલા ગ્રે માર્કેટથી મળી રહ્યા છે આ સંકેત, આજે થશે અલોટમેન્ટ

સોનાની રેકોર્ડ કિંમત (Gold Record Price)

ઓગસ્ટ 2020 દરમિયાન સોનાની કિંમત એમસીએક્સ પર પ્રતિ 10 ગ્રામ 57,191 રૂપિયા સુધી પહોંચી હતી. આજે સવારે એમસીએક્સ પર સોનું પ્રતિ 10 ગ્રામ 50,790 રૂપિયા જોવા મળ્યું હતું. એટલે કે સોનું હજુ રેકોર્ડ કિંમતથી 6389 રૂપિયા સસ્તું મળી રહ્યું છે.

દેશના વિવિધ શહેરમાં આજે સોનાની કિંમત (સોર્સ- goodreturns.in)

શહેર	22 કેરેટ	24 કેરેટ
ચેન્નાઇ	₹47,300	₹51,600
મુંબઈ	₹46,650	₹50,890
દિલ્હી	₹46,800	₹51,050
કોલકાતા	₹46,650	₹50,890
બેંગલુરુ	₹46,700	₹50,950
હૈદરાબાદ	₹46,650	₹50,890
કેરળ	₹46,650	₹50,890
પુણે	₹46,680	₹50,920
વડોદરા	₹46,680	₹50,920
અમદાવાદ	₹46,700	₹50,950
જયપુર	₹46,800	₹51,050
લખનઉ	₹46,800	₹51,050
કોઈમ્બતુર	₹47,300	₹51,600
મદુરાઈ	₹47,300	₹51,600
વિજયવાડા	₹46,650	₹50,890
પટના	₹46,680	₹50,920
નાગપુર	₹46,680	₹50,920
ચંદીગઢ	₹46,800	₹51,050
સુરત	₹46,700	₹50,950
ભુવનેશ્વર	₹46,650	₹50,890
મેંગલોર	₹46,700	₹50,950
વિશાખાપટ્ટનમ	₹46,650	₹50,890
નાશિક	₹46,680	₹50,920
મૈસુર	₹46,700	₹50,950

આ પણ વાંચોઃ આજના સમયમાં રૂ. 10 લાખનું રોકાણ ક્યાં કરવું? સ્મોલ કે લાર્જકેપમાં? જાણો શું કહે છે શ્યામ શેખર

 સોનાની શુદ્ધતાના માપદંડ

24 કેરેટ સોનાના આભૂષણોમાં 999 લખ્યું હોય છે, જ્યારે 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 કેરેટ શુદ્ધ સોના પર 750 લખ્યું હોય છે. 24 કેરેટ સોનું લગભગ 99.9% શુદ્ધ હોય છે જ્યારે 22 કેરોટ સોનું 91 ટકા શુદ્ધ હોય છે. 22 કેરેટ સોનામાં અન્ય ધાતું જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે 24 કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.

આ પણ વાંચોઃ જેફરીઝે કહ્યું, 'સનટેક રિયલ્ટી શેર ખરીદો, 9-12 મહિનામાં 35%નું તગડું રિટર્ન આપી શકે'

આ રીતે સોનાની શુદ્ધતા ચકાસો

જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. 'BIS Care app' મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે. આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.

મિસ્ડ કૉલ કરીને જાણો સોનાનો ભાવ

નોંધનીય છે કે, તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કૉલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.



(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Gold price today, Gold silver price, Silver Price Today