Gold Silver Price Today: સોના ચાંદીની ગાડી રિવર્સમાં, બંનેના ભાવ ગગડ્યા

નવી દિલ્હીઃ એક દિવસના ઉછાળા બાદ ફરી સોનામાં ઘટાડાનો કારોબાર જોવા મળી રહ્યો છે. જ્યારે બીજી તરફ ચાંદી પણ રિવર્સ ગિયરમાં કારોબાર કરી રહ્યું છે. જોકે આજે ભાવમાં ઘટાડા વચ્ચે બંને કિંમતી ધાતુઓ તેના ઓલ ટાઈમ હાઈથી વધુ દૂર પહોંચી છે. આજે સવારે 11.15 વાગ્યે એપ્રિલના વાયદાનું સોનું 0.31 ટકાના ઘટાડા સાથે 58,859 રૂપિયા પ્રતિ 10 ગ્રામ લેખે ટ્રેડ કરી રહ્યું છે, બીજી તરફ મેના વાયદાનું ચાંદી 0.38 ટકા ઘટીને 70,315 રૂપિયા પ્રતિ કિલોગ્રામ લેખે ટ્રેડ કરી રહ્યું છે. વૈશ્વિક મિશ્ર સંકેતો વચ્ચે બજેટ પછી સોનાએ બે જ મહિનામાં ફરી એકવાર નવી રેકોર્ડ સપાટીને સ્પર્શીને તેની નવી રેકોર્ડ કિંમત 59,765 રુપિયાના સ્તરે (Gold record price) બનાવી હતી.

સોના-ચાંદીની કિંમત (Gold-Silver Rate)

આજે સવારે 11.15 વાગ્યે એમસીએક્સ પર એપ્રિલના વાયદાનું સોનું 0.31 ટકાના ઘટાડા સાથે 58,859 રૂપિયા પ્રતિ 10 ગ્રામ લેખે ટ્રેડ કરી રહ્યું છે, બીજી તરફ મેના વાયદાનું ચાંદી 0.38 ટકા ઘટીને 70,315 રૂપિયા પ્રતિ કિલોગ્રામ પર ટ્રેડ કરી રહ્યું હતું.

આ પણ વાંચોઃ 41 ટકા ઉપર જઈ શકે છે Bajaj Auto, ITC અને ICICI નો શેર એક્સપર્ટ બોલ્યા ખરીદી લો

સોનાની રેકોર્ડ કિંમત (Gold Record Price)

ઓગસ્ટ 2020 બાદ લગભગ અઢી વર્ષ પછી 2 ફેબ્રુઆરીના રોજ સોનાએ 58 હજારની સપાટી પાર કરી અને 58,660 રુપિયાની ટોચે પહોંચીને નવો રેકોર્ડ બનાવ્યો હતો. જોકે ત્યારબાદ દોઢ જ મહિનામાં સોનાએ ફરી એકવાર પોતાની નવી રેકોર્ડ કિંમત બનાવી છે. MCX પર નોંધાયેલ આ નવી રેકોર્ડ કિંમત મુજબ એક તોલા સોનું 59,745 રુપિયા પર ટ્રેડ થયું છે. હાલ સોનું તેના રેકોર્ડ હાઈથી 886 રુપિયા સસ્તું મળી રહ્યું છે.

આ પણ વાંચોઃ અદાણી જૂથ વિશે વધુ એક મોટા સમાચાર, NSE-BSE એ આ મામલે માગી સ્પષ્ટતા

દેશના વિવિધ શહેરમાં આજે સોનાની કિંમત (સોર્સ-goodreturns.in)

શહેર	22 કેરેટ	24 કેરેટ
Chennai	₹55,450	₹60,490
Mumbai	₹54,700	₹59,670
Delhi	₹54,850	₹59,820
Kolkata	₹54,700	₹59,670
Bangalore	₹54,750	₹59,720
Hyderabad	₹54,700	₹59,670
Kerala	₹54,700	₹59,670
Pune	₹54,700	₹59,670
Vadodara	₹54,750	₹59,720
Ahmedabad	₹54,750	₹59,720
Jaipur	₹54,850	₹59,820
Lucknow	₹54,850	₹59,820
Coimbatore	₹55,450	₹60,490
Madurai	₹55,450	₹60,490
Vijayawada	₹54,700	₹59,670
Patna	₹54,750	₹59,720
Nagpur	₹54,700	₹59,670
Chandigarh	₹54,850	₹59,820
Surat	₹54,750	₹59,720
Bhubaneswar	₹54,700	₹59,670
Mangalore	₹54,750	₹59,720
Visakhapatnam	₹54,700	₹59,670
Nashik	₹54,730	₹59,700
Mysore	₹54,750	₹59,720

સોનાની શુદ્ધતાના માપદંડ

24 કેરેટ સોનાના આભૂષણોમાં 999 લખ્યું હોય છે, જ્યારે 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 કેરેટ શુદ્ધ સોના પર 750 લખ્યું હોય છે. 24 કેરેટ સોનું લગભગ 99.9% શુદ્ધ હોય છે જ્યારે 22 કેરોટ સોનું 91 ટકા શુદ્ધ હોય છે. 22 કેરેટ સોનામાં અન્ય ધાતું જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે 24 કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.

આ પણ વાંચોઃ ધોળા હાથી બન્યા મ્યુચ્યુઅલ ફંડ્સના ફેવરિટ શેર્સ, રિસ્ક લઈ શકો તો ધૂળમાં પડેલા હીરા છે હીરા

આ રીતે સોનાની શુદ્ધતા ચકાસો

જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. 'BIS Care app' મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે. આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.

મિસ્ડ કૉલ કરીને જાણો સોનાનો ભાવ

નોંધનીય છે કે, તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કૉલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.



(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Gold price today, Gold silver price, Gold silver rates, Silver Price Today