Gold Silver Price Today: સોના ચાંદીમાં આજે દબાણ, બજેટ બાદ મૂવમેન્ટ દેખાશે

નવી દિલ્હી: સોના-ચાંદીની કિંમત (Gold Silver rate today)માં વૈશ્વિક બજારમાં સતત ઉતાર ચઢાવના સંકેતો બાદ ભારતમાં સ્થાનિક બજારોમાં પણ સોના ચાંદીએ ક્યારેક તેજી તો ક્યારેક મંદીની ચાલ પકડી છે. જોકે હાલમાં આવેલી સોનાની ભારે તેજીમાં અચાનક બ્રેક લાગી છે અને આજે સવારના કારોબારમાં સોનામાં ફરી ઘટાડો જોવા મળી રહ્યો છે. તો બીજી તરફ ચાંદીમાં સામાન્ય ઘટાડો રહ્યો છે. આજે સવારે 11 વાગ્યે મલ્ટી કોમોડિટી એક્સચેન્જ (MCX) પર સોનું 0.05 ટકાના ઘટાડા સાથે 57,021 રૂપિયા પ્રતિ 10 ગ્રામ અને ચાંદી 0.03 ટકા ઘટીને 68,570 રૂપિયા પ્રતિ કિલોગ્રામ પર ટ્રેડ થઈ રહ્યું છે. વૈશ્વિક મિશ્ર સંકેતો વચ્ચે આજે સોનામાં દબાણ જોવા મળ્યું હતું અને સોનું તેની રેકોર્ડ કિંમત (Gold record price)થી નીચે ઉતર્યું હતું.

આ પણ વાંચોઃ માર્કેટ એક્સપર્ટે આપ્યા આજના Top20 શેર્સ, દમદાર કમાણીના પૂરા ચાન્સ

સોના-ચાંદીની કિંમત (Gold-Silver Rate)

આજે સવારે 11 વાગ્યે એમસીએક્સ પર એપ્રિલના વાયદાનું સોનું 0.05 ટકાના ઘટાડા સાથે 57,021 રૂપિયા પ્રતિ 10 ગ્રામ લેખે ટ્રેડ કરી રહ્યું હતું. બીજી તરફ માર્ચના વાયદાનું ચાંદી 0.03 ટકાના ઘટાડા સાથે 68,570 રૂપિયા પ્રતિ કિલોગ્રામ લેખે ટ્રેડ કરી રહ્યું હતું.

સોનાની રેકોર્ડ કિંમત (Gold Record Price)

ઓગસ્ટ 2020 દરમિયાન સોનાની કિંમત એમસીએક્સ પર પ્રતિ 10 ગ્રામ 57,191 રૂપિયા સુધી પહોંચી હતી. જે બાદ 24 જાન્યુઆરી 2023ના રોજ સવારે એમસીએક્સ પર સોનું પ્રતિ 10 ગ્રામ 57,360 રૂપિયાની સપાટીએ પહોંચીને નવો રેકોર્ડ બનાવ્યો છે. જોકે હાલના ઘટાડા સાથે સોનું તેની રેકોર્ડ કિંમતથી ફક્ત 339 રુપિયા નીચે જોવા મળી રહ્યું છે.

આ પણ વાંચોઃ 15 મહિનામાં 1 લાખના 11 લાખ બન્યા, હવે ડિવિડન્ડ સાથે સ્પ્લિટ થતાં 1 શેરના પાંચ શેર બનશે

દેશના વિવિધ શહેરમાં આજે સોનાની કિંમત (સોર્સ-goodreturns.in)

શહેર	22 કેરેટ	24 કેરેટ
Chennai	₹53,380	₹58,230
Mumbai	₹52,500	₹57,270
Delhi	₹52,650	₹57,430
Kolkata	₹52,500	₹57,270
Bangalore	₹52,550	₹57,330
Hyderabad	₹52,500	₹57,270
Kerala	₹52,500	₹57,270
Pune	₹52,500	₹57,270
Vadodara	₹52,550	₹57,330
Ahmedabad	₹52,550	₹57,330
Jaipur	₹52,650	₹57,430
Lucknow	₹52,650	₹57,430
Coimbatore	₹53,380	₹58,230
Madurai	₹53,380	₹58,230
Vijayawada	₹52,500	₹57,270
Patna	₹52,550	₹57,330
Nagpur	₹52,500	₹57,270
Chandigarh	₹52,650	₹57,430
Surat	₹52,550	₹57,330
Bhubaneswar	₹52,500	₹57,270
Mangalore	₹52,550	₹57,330
Visakhapatnam	₹52,500	₹57,270
Nashik	₹52,530	₹57,300
Mysore	₹52,550	₹57,330

સોનાની શુદ્ધતાના માપદંડ

24 કેરેટ સોનાના આભૂષણોમાં 999 લખ્યું હોય છે, જ્યારે 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 કેરેટ શુદ્ધ સોના પર 750 લખ્યું હોય છે. 24 કેરેટ સોનું લગભગ 99.9% શુદ્ધ હોય છે જ્યારે 22 કેરોટ સોનું 91 ટકા શુદ્ધ હોય છે. 22 કેરેટ સોનામાં અન્ય ધાતું જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે 24 કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.

આ પણ વાંચોઃ ખેતરના શેઢે સરગવો વાવીને બેઠાં બેઠાં 2 લાખની આવક કરી શકો આ ખેડૂતની જેમ

આ રીતે સોનાની શુદ્ધતા ચકાસો

જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. 'BIS Care app' મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે. આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.

આ પણ વાંચોઃ મહિલા ઉદ્યોગપતિઓને આ બજેટમાં એક મહિલા નાણામંત્રી પાસેથી શું અપેક્ષા છે?

મિસ્ડ કૉલ કરીને જાણો સોનાનો ભાવ

નોંધનીય છે કે, તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કૉલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.



(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Budget 2023, Business news, Gold price today, Gold silver price, Gold silver rates, Silver Price Today