Gold Silver Price Today: સોના ચાંદીની કિંમતમાં સતત એક જ ટ્રેન્ડ તે છે તેજી

નવી દિલ્હીઃ આજે વૈશ્વિક દબાણ વચ્ચે ફરીથી માર્કેટ થોડા ઉછાળા સાથે ખુલ્યુ છે. તો બીજી બાજું સોના અને ચાંદીમાં પણ થોડી તેજી જોવા મળી રહી છે. આજે પણ શરુઆતના કારોબારમાં સોનામાં સામાન્ય તેજી છે. સવારે 10.45 વાગ્યે મલ્ટી કોમોડિટી એક્સચેન્જ (MCX) પર સોનું 0.30 ટકાના વધારા સાથે 55,784 રૂપિયા પ્રતિ 10 ગ્રામ અને ચાંદી 0.69 ટકા વધીને 68,440 રૂપિયા પ્રતિ કિલોગ્રામ પર ટ્રેડ થઈ રહ્યું છે. ગઈ કાલની સરખામણીએ સોનું થોડું નીચે ગબડ્યા બાદ ફરીથી ઉપર ચઢી રહ્યુ છે, જ્યારે ચાંદીના ભાવમાં પણ વધારો દેખાઈ રહ્યો છે. જોકે આજના ઉછાળા સાથે પણ સોનું તેની રેકોર્ડ કિંમત (Gold record price)થી હજુ પણ પ્રમાણમાં સસ્તું મળી રહ્યું છે. આથી જો તમારે સોનાની ખરીદી કરવી હોય તો અત્યારે પણ તમારા માટે સારો મોકો છે.

આ પણ વાંચોઃ ગુજરાતમાં આ રતુંબડા સોનાની ખેતીથી કેટલાક ખેડૂતો કરી રહ્યા છે લાખોમાં કમાણી

સોના-ચાંદીની કિંમત (Gold-Silver Rate)

આજે સવારે 10.45 વાગ્યે એમસીએક્સ પર ફેબ્રુઆરીના વાયદાનું સોનું 0.30 ટકાના વધારા સાથે 55,784 રૂપિયા પ્રતિ 10 ગ્રામ લેખે ટ્રેડ કરી રહ્યું હતું. બીજી તરફ માર્ચના વાયદાનું ચાંદી 0.69 ટકા વધીને 68,449 રૂપિયા પ્રતિ કિલોગ્રામ લેખે ટ્રેડ કરી રહ્યું હતું.

સોનાની રેકોર્ડ કિંમત (Gold Record Price)

ઓગસ્ટ 2020 દરમિયાન સોનાની કિંમત એમસીએક્સ પર પ્રતિ 10 ગ્રામ 57,191 રૂપિયા સુધી પહોંચી હતી. આજે સવારે એમસીએક્સ પર સોનું પ્રતિ 10 ગ્રામ 55,784 રૂપિયા જોવા મળ્યું હતું. એટલે કે સોનું હજુ રેકોર્ડ કિંમતથી 1407 રૂપિયા સસ્તું મળી રહ્યું છે.

આ પણ વાંચોઃ આ મ્યુચ્યુઅલ ફંડ તો રુપિયા છાપવાનું કારખાનું, 5 વર્ષમાં 50 લાખની કમાણી!

દેશના વિવિધ શહેરમાં આજે સોનાની કિંમત (સોર્સ-goodreturns.in)

શહેર	22 કેરેટ	24 કેરેટ
Chennai	₹52,360	₹57,120
Mumbai	₹51,400	₹56,070
Delhi	₹51,550	₹56,220
Kolkata	₹51,400	₹56,070
Bangalore	₹51,450	₹56,120
Hyderabad	₹51,400	₹56,070
Kerala	₹51,400	₹56,070
Pune	₹51,400	₹56,070
Vadodara	₹51,450	₹56,120
Ahmedabad	₹51,450	₹56,120
Jaipur	₹51,550	₹56,220
Lucknow	₹51,550	₹56,220
Coimbatore	₹52,360	₹57,120
Madurai	₹52,360	₹57,120
Vijayawada	₹51,400	₹56,070
Patna	₹51,450	₹56,120
Nagpur	₹51,400	₹56,070
Chandigarh	₹51,550	₹56,220
Surat	₹51,450	₹56,120
Bhubaneswar	₹51,400	₹56,070
Mangalore	₹51,450	₹56,120
Visakhapatnam	₹51,400	₹56,070
Nashik	₹51,430	₹56,100
Mysore	₹51,450	₹56,120

સોનાની શુદ્ધતાના માપદંડ

24 કેરેટ સોનાના આભૂષણોમાં 999 લખ્યું હોય છે, જ્યારે 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 કેરેટ શુદ્ધ સોના પર 750 લખ્યું હોય છે. 24 કેરેટ સોનું લગભગ 99.9% શુદ્ધ હોય છે જ્યારે 22 કેરોટ સોનું 91 ટકા શુદ્ધ હોય છે. 22 કેરેટ સોનામાં અન્ય ધાતું જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે 24 કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.

આ પણ વાંચોઃ ગળાની નીચે નહિ ઉતરે આ વાત પણ એક ડોગી 3,000 કરોડનો માલિક! Netflix તો બનાવી રહ્યું છે સીરીઝ

આ રીતે સોનાની શુદ્ધતા ચકાસો

જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. 'BIS Care app' મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે. આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.

મિસ્ડ કૉલ કરીને જાણો સોનાનો ભાવ

નોંધનીય છે કે, તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કૉલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.



(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Gold price today, Gold silver price, Gold silver rates, Silver Price Today