Home /News /business /

સોનાના ભાવમાં ઉચ્ચતમ સ્તર કરતાં રૂપિયા 6000નો કડાકો, દિવાળી સુધીમાં સામાન્ય માણસ ખરીદી શકશે સોનું?

સોનાના ભાવમાં ઉચ્ચતમ સ્તર કરતાં રૂપિયા 6000નો કડાકો, દિવાળી સુધીમાં સામાન્ય માણસ ખરીદી શકશે સોનું?

કોરોનાવાયરસ રસી વિશેના સારા સમાચારને કારણે, આંતરરાષ્ટ્રીય સ્તરે સોનાના (Gold price Today) ભાવમાં ભારે ઘટાડો થયો છે. સમાચાર એજન્સી રોઇટર્સના જણાવ્યા અનુસાર આંતરરાષ્ટ્રીય સ્તરે સોનાના ભાવમાં 7 ટકાથી વધુ (Gold price Srump 7%) ઘટાડો થયો છે. નિષ્ણાતો કહે છે કે ટકાવારીના હિસાબે 2013 પછી એક દિવસમાં સોનાનો આ સૌથી મોટો ઘટાડો છે. આ સંકેતોની અસર સ્થાનિક બજારમાં પણ જોવા મળશે. ભારતીય બજારોમાં સોનાના ભાવમાં તીવ્ર ઘટાડો થઈ શકે છે. વર્તમાન સ્તરે કિંમતોમાં 5-8 ટકાનો ઘટાડો થવાની સંભાવના છે. કારણ કે, ભારતીય રૂપિયો પણ મજબૂત થઈ રહ્યો છે. આપને જણાવી દઈએ કે સોમવારે દિલ્હી બુલિયન માર્કેટમાં સોનાની કિંમત વધીને રૂ .52,183 પર પહોંચી ગઈ છે. શુક્રવારે તે 10 ગ્રામ દીઠ રૂ.51,006 પર બંધ રહ્યો હતો.

Gold Price Today : ડૉલર સામે રૂપિયો મજબૂત થતા સોનાના ભાવમાં કડાકો, ઉચ્ચતમ સ્તરથી આજદિન સુધીનો 6,000 રૂપિયાનો કડાકો.

    નવી દિલ્હી : ભારતીય બજારમાં સોના-ચાંદીના ભાવમાં (Gold Silver Price Today) સતત ઘટાડો જોવા મળી રહ્યો છે. સોમવારે, મલ્ટી કોમોડિટી એક્સચેંજ (MCX Multi Commodity Exchange) પર સોનાનો વાયદો 0.9 ટકા ઘટીને રૂ 50,130 પર વેપાર કરતો જોવા મળ્યો હતો. જોકે, ચાંદીનો વાયદો 0.88 ટકા તૂટી રૂ .60,605 પ્રતિ કિલોગ્રામ પર રહ્યો છે. શુક્રવારે સોનાનો વેપાર 0.4 ટકા વધીને બંધ થયો હતો. આ દિવસે ચાંદીના ભાવમાં 1.6 ટકાનો વધારો થયો હતો. ઑગસ્ટમાં સોનાનો ભાવ 10 ગ્રામ દીઠ રૂ. 56,200 ની સર્વોચ્ચ સપાટીએ પહોંચ્યો હતો. આ સમય દરમિયાન ચાંદીનો ભાવ પણ પ્રતિ કિલો રૂ. 80,000 પર પહોંચ્યો હતો.

    વૈશ્વિક બજારની વાત કરીએ તો રોકાણકારો યુએસ પ્રમુખ ડોનાલ્ડ ટ્રમ્પના (Donald Trump) સ્વાસ્થ્ય ઉપર નજર રાખી રહ્યા છે. સોમવારે, વૈશ્વિક બજારમાં સોનાનો ભાવ $ 1,900 પ્રતિ ઔઉસ સ્થિર રહ્યો. ભૂતકાળમાં, સોનાના ભાવ પર ડૉલરની તીવ્ર અસર જોવા મળી હતી. જોકે, સોમવારે ડૉલર નબળો પડતા રોકાણકારોને સોનું ખરીદવામાં મદદ મળી છે.

    ઉલ્લેખનીય છે કે કોરોના વાયરસના (Corona Virsu) કારણે સમગ્ર વિશ્વના બજારોમાં મોટો કડાકો બોલ્યો છે. જોકે, હવે બજારોમાં સ્થિરતા જોવા મળી રહી છે. બજારોમાં આર્થિક ગતિવિધિઓ શરૂ થતા રિકવરી પણ જોવા મળી રહી છે. ચલણ અને કૉમોડિટી બજારમાં સારો વેપાર જોવા મળી રહ્યો છે. આજ કારણ છે કે ડૉમેસ્ટિક બજારમાં સોનાની કિંમતના ભાવ 30 સપ્ટેમ્બરની તૂલનાએ 5,684 રૂપિયા પ્રતિ 10 ગ્રામનો ઘટાડો નોંધાયો છે. જ્યારે ચાંદીના ભાવમાં આશરે 16,034 રૂપિયાનો ઘટાડો જોવા મળ્યો હતો.

    દિવાળી સુધીમાં શું થશે?

    નિષ્ણાતો કહે છે કે સોનાના ભાવમાં ઘટાડાનો અર્થ એ નથી કે તે અગાઉના સ્તરે આવશે. જો તમે શેર બજારની ગતિવિધિ અનુસાર સોનાનો ભાવનું આંકલન કરતા હોવ તો એ તમારી ભૂલ છે. હાલમાં સોનાનો ભાવ રૂ .50,000 અને ચાંદીનો ભાવ 60,000 રૂપિયાની રેન્જમાં વેપાર કરી રહ્યા છે. આનારા સમયમાં ઉતાર-ચઢાવ આવી શકે છે. નિષ્ણાંતોનું કહેવું છે કે દિવાળી સુધી સોનાના ભાવમાં કોઈ મોટો વધારો અથવા ઘટાડો થવાની સંભાવના નથી. દિવાળી પર પણ સોનાનો ભાવ 10 ગ્રામ દીઠ 50 થી 52 હજાર રૂપિયાના સ્તરે રહી શકે છે.

    નિષ્ણાતોએ એમ પણ કહ્યું હતું કે છેલ્લા કેટલાક મહિનામાં સોનાના ભાવમાં થયેલા ઘટાડાનું મુખ્ય કારણ છેલ્લા બે મહિનામાં ડૉલર સામે રૂપિયામાં થયેલ વધારો છે. હાલમાં રૂપિયો 73 થી 74 ની રેન્જમાં છે. કોરોના સંકટના શરૂઆતના દિવસોમાં તે 78 ની સપાટીએ પહોંચી ગયો હતો. રૂપિયામાં મજબૂત વળતરને કારણે સોનાના ભાવ પણ નીચે આવી ગયા છે. જો ડૉલર રૂપિયા સામે પાછો મજબૂત થશે, તો લાંબા ગાળે, પીળી ધાતુના ભાવ વધુ ઝડપથી વધશે.
    Published by:Jay Mishra
    First published:

    Tags: Gold rates, Gold silver price, Gold-Silver Price Today

    આગામી સમાચાર

    विज्ञापन
    विज्ञापन
    विज्ञापन