Gold Silver Price Today: સોનામાં રેકોર્ડબ્રેક તેજી, સોનું 58ને પાર

નવી દિલ્હી: સોના-ચાંદીની કિંમત (Gold Silver rate today)માં વૈશ્વિક બજારમાં સતત ઉતાર ચઢાવના સંકેતો બાદ ભારતમાં સ્થાનિક બજારોમાં પણ સોના ચાંદીએ ક્યારેક તેજી તો ક્યારેક મંદીની ચાલ પકડી છે. જોકે બજેટ બાદ આજે સોનામાં ભારે તેજી જોવા મળી છે. આજે સવારના કારોબારમાં સોનામાં આગઝરતી તેજી સાથે નવો રેકોર્ડ બન્યો છે, તો બીજી તરફ ચાંદીમાં ભારે તેજી જોવા મળી છે. આજે સવારે 11 વાગ્યે મલ્ટી કોમોડિટી એક્સચેન્જ (MCX) પર સોનું 1.15 ટકાના વધારા સાથે 58,550 રૂપિયા પ્રતિ 10 ગ્રામ અને ચાંદી 2.12 ટકા વધીને 71,319 રૂપિયા પ્રતિ કિલોગ્રામ પર ટ્રેડ થઈ રહ્યું છે. વૈશ્વિક મિશ્ર સંકેતો વચ્ચે આજે સોનામાં ભારે તેજી જોવા મળી છે અને આ લખાઈ રહ્યું છે ત્યાર સુધીમાં સોનાએ 58,660ની સપાટીને સ્પર્શીને તેની નવી રેકોર્ડ કિંમત (Gold record price) બનાવી છે.

આ પણ વાંચોઃ આવી ગયા છે આજના Top20 સ્ટોક્સ, ભરી શકે છે તમારા ખિસ્સા

સોના-ચાંદીની કિંમત (Gold-Silver Rate)

આજે સવારે 11 વાગ્યે એમસીએક્સ પર એપ્રિલના વાયદાનું સોનું 1.15 ટકાના વધારા સાથે 58,550 રૂપિયા પ્રતિ 10 ગ્રામ લેખે ટ્રેડ કરી રહ્યું હતું. બીજી તરફ માર્ચના વાયદાનું ચાંદી 2.12 ટકાના વધારા સાથે 71,319 રૂપિયા પ્રતિ કિલોગ્રામ લેખે ટ્રેડ કરી રહ્યું હતું.

સોનાની રેકોર્ડ કિંમત (Gold Record Price)

ઓગસ્ટ 2020 બાદ હાલ 24 જાન્યુઆરી 2023ના રોજ સોનાની કિંમત એમસીએક્સ પર પ્રતિ 10 ગ્રામ 57,360 રૂપિયાની સપાટીએ પહોંચીને નવો રેકોર્ડ બનાવ્યો હતો. જોકે આજે આ રેકોર્ડને તોડતાં સોનાએ 58 હજારની સપાટી પાર કરી છે અને આજે 11 વાગ્યા સુધીમાં સોનું 58,660 રુપિયાની ટોચને સ્પર્શી આવ્યું છે.

આ પણ વાંચોઃ જો તમારી આવક 5 લાખથી ઓછી છે તો નવું કે જૂનું ક્યું રિજિમ પસંદ કરાય?

દેશના વિવિધ શહેરમાં આજે સોનાની કિંમત (સોર્સ-goodreturns.in)

શહેર	22 કેરેટ	24 કેરેટ
Chennai	₹54,750	₹59,730
Mumbai	₹53,600	₹58,470
Delhi	₹53,750	₹58,610
Kolkata	₹53,600	₹58,470
Bangalore	₹53,650	₹58,510
Hyderabad	₹53,600	₹58,470
Kerala	₹53,600	₹58,470
Pune	₹53,600	₹58,470
Vadodara	₹53,650	₹58,510
Ahmedabad	₹53,650	₹58,510
Jaipur	₹53,750	₹58,610
Lucknow	₹53,750	₹58,610
Coimbatore	₹54,750	₹59,730
Madurai	₹54,750	₹59,730
Vijayawada	₹53,600	₹58,470
Patna	₹53,650	₹58,510
Nagpur	₹53,600	₹58,470
Chandigarh	₹53,750	₹58,610
Surat	₹53,650	₹58,510
Bhubaneswar	₹53,600	₹58,470
Mangalore	₹53,650	₹58,510
Visakhapatnam	₹53,600	₹58,470
Nashik	₹53,630	₹58,500
Mysore	₹53,650	₹58,510

સોનાની શુદ્ધતાના માપદંડ

24 કેરેટ સોનાના આભૂષણોમાં 999 લખ્યું હોય છે, જ્યારે 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 કેરેટ શુદ્ધ સોના પર 750 લખ્યું હોય છે. 24 કેરેટ સોનું લગભગ 99.9% શુદ્ધ હોય છે જ્યારે 22 કેરોટ સોનું 91 ટકા શુદ્ધ હોય છે. 22 કેરેટ સોનામાં અન્ય ધાતું જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે 24 કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.

આ પણ વાંચોઃ બજેટમાં સરકારે 'દેખો અપના દેશ' યોજના હેઠળ કરી વિશેષ છૂટની જાહેરાત

આ રીતે સોનાની શુદ્ધતા ચકાસો

જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. 'BIS Care app' મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે. આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.

આ પણ વાંચોઃ ખેતરના શેઢે સરગવો વાવીને બેઠાં બેઠાં 2 લાખની આવક કરી શકો આ ખેડૂતની જેમ

 મિસ્ડ કૉલ કરીને જાણો સોનાનો ભાવ

નોંધનીય છે કે, તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કૉલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.


(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Gold price today, Gold silver price, Gold silver rates, Silver Price Today