Home /News /business /

Gold Silver Price: મતગણતરી વચ્ચે સોના-ચાંદીની કિંમતમાં થયો ઘટાડો, જાણો આજે કેટલું સસ્તું થયું Gold

Gold Silver Price: મતગણતરી વચ્ચે સોના-ચાંદીની કિંમતમાં થયો ઘટાડો, જાણો આજે કેટલું સસ્તું થયું Gold

સોનાની કિંમત

Gold and Silver rate today 10March, 2022: ઓગસ્ટ 2020 દરમિયાન સોનાની કિંમત એમસીએક્સ પર પ્રતિ 10 ગ્રામ 56,200 રૂપિયા સુધી પહોંચી હતી. આજે સવારે એમસીએક્સ પર સોનું પ્રતિ 10 ગ્રામ 52,610 રૂપિયા જોવા મળ્યું હતું.

    નવી દિલ્હી: પાંચ રાજ્યની વિધાનસભાની ચૂંટણી માટે હાલ મતગણતરી ચાલી રહી છે. આ દરમિયાન આજે સોના અને ચાંદીની કિંમતમાં ઘટાડો આવ્યો છે. આજે 2:45 વાગ્યે MCX પર સોનું 0.26 ટકા અને ચાંદી 0.49 ટકા ઘટીને ટ્રેડ થઈ રહ્યા હતા. રશિયા-યુક્રેન યુદ્ધ બાદ સોના અને ચાંદીની કિંમતમાં સતત વધારો નોંધાઈ રહ્યો છે. બજાર નિષ્ણાતોના કહેવા પ્રમાણે બહુ ઝડપથી સોનાની કિંમત 54,000 રૂપિયાના પાર થઈ શકે છે.

    સોના ચાંદીની કિંમત (Gold Silver Price)

    આજે મલ્ટીકોમોડિટી એક્સચેન્જ પર એપ્રિલ વાયદાના સોનાની કિંમતમાં 135 રૂપિયાનો ઘટાડો જોવા મળ્યો છે. આ સાથે 10 ગ્રામ સોનું 52,610 રૂપિયા પર ટ્રેડ થઈ રહ્યું હતું. બીજી તરફ મે વાયદાનું ચાંદી 339 રૂપિયા ઘટીને ટ્રેડ થઈ રહ્યું હતું. 1 કિલોગ્રામ ચાંદી 69,236 રૂપિયા પર ટ્રેડ થઈ રહ્યું હતું. ઉલ્લેખનીય છે કે ફિજિટલ ગોલ્ડ અને એમસીએક્સ ગોલ્ડની કિંમતમાં મોટો ફેરફાર જોવા મળે છે.

    સામાન્ય રીતે બજારમાં સોનાનો ભાવ એમસીએક્સ કરતા વધારે હોય છે. કારણ કે બજારમાં વેચાતા સોના પર ટેક્સ અને માર્જિન ઉમેરવામાં આવે છે. આ જ કારણ છે કે દરેક શહેરમાં પણ સોનાની કિંમત અલગ અલગ હોય છે. ibjarates.com પ્રમાણે આજે 3:00 વાગ્યે 24 કેરેટ શુદ્ધ સોનાની કિંમત 52,230 રૂપિયા અને 1 કિલોગ્રામ ચાંદીની કિંમત 68,837 રૂપિયા જોવા મળી હતી.

    સોનાની રેકોર્ડ કિંમત (Gold record price)

    ઓગસ્ટ 2020 દરમિયાન સોનાની કિંમત એમસીએક્સ પર પ્રતિ 10 ગ્રામ 56,200 રૂપિયા સુધી પહોંચી હતી. આજે સવારે એમસીએક્સ પર સોનું પ્રતિ 10 ગ્રામ 52,610 રૂપિયા જોવા મળ્યું હતું. આ રીતે સોનું હજુ રેકોર્ડ કિંમતથી 3,590 રૂપિયા સસ્તું મળી રહ્યું છે.

    દેશના વિવિધ શહેરમાં આજે સોનાની કિંમત (સોર્સ- goodreturns.in)
































































































































    શહેર22 કેરેટ24 કેરેટ
    ચેન્નાઇ₹49,100₹53,560
    મુંબઈ₹48,200₹52,580
    દિલ્હી₹48,200₹52,580
    કોલકાતા₹48,200₹52,580
    બેંગલુરુ₹48,200₹52,580
    હૈદરાબાદ₹48,200₹52,580
    કેરળ₹48,200₹52,580
    પુણે₹48,250₹52,630
    વડોદરા₹48,280₹52,660
    અમદાવાદ₹48,240₹52,620
    જયપુર₹48,350₹52,730
    લખનઉ₹48,350₹52,730
    કોઈમ્બતુર₹49,100₹53,560
    મદુરાઈ₹49,100₹53,560
    વિજયવાડા₹48,200₹52,580
    પટના₹48,250₹52,630
    નાગપુર₹48,280₹52,630
    ચંદીગઢ₹48,350₹52,730
    સુરત₹48,240₹52,620
    ભુવનેશ્વર₹48,200₹52,580
    મેંગલોર₹48,200₹52,580
    વિશાખાપટ્ટનમ₹48,200₹52,580
    નાશિક₹48,250₹52,630
    મૈસુર₹48,200₹52,580


    સોનાની શુદ્ધતાના માપદંડ


    24 કેરેટ સોનાના આભૂષણોમાં 999 લખ્યું હોય છે, જ્યારે 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 કેરેટ શુદ્ધ સોના પર 750 લખ્યું હોય છે. 24 કેરેટ સોનું લગભગ 99.9% શુદ્ધ હોય છે જ્યારે 22 કેરોટ સોનું 91 ટકા શુદ્ધ હોય છે. 22 કેરેટ સોનામાં અન્ય ધાતું જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે 24 કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.

    આ પણ વાંચો: બિગ બુલની પસંદગીના પાંચ શેર 25% સુધી તૂટ્યા, કરી લો એક નજર

    આ રીતે સોનાની શુદ્ધતા ચકાસો

    જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. 'BIS Care app' મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે. આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.

    આ પણ વાંચો: પેટ્રોલ-ડીઝલની કિંમત મામલે મળી શકે છે રાહત

    મિસ્ડ કૉલ કરીને જાણો સોનાનો ભાવ

    નોંધનીય છે કે, તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કૉલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.
    Published by:Vinod Zankhaliya
    First published:

    Tags: MCX, ગોલ્ડ, ચાંદી

    આગામી સમાચાર