Gold Price Today : સોનાનો ભાવ સ્થિર, ચાંદીના ભાવમાં ઘટાડો, શું રોકાણ કરવાનો યોગ્ય સમય?

સોનાના ભાવમાં (Gold Price)આજે કોઇ ખાસ ફેરફાર જોવા મળ્યો નથી જોકે, ચાંદીના ભાવમાં આજે આંશિક ઘટાડો નોંધાયો છે. આજે સવારે 9.45 વાગ્યે MCX પર, સોનાનો વાયદો 0.04 ટકા વધીને રૂ. 50, 840 પ્રતિ 10 ગ્રામ પર ટ્રેડ થઈ રહ્યો છે. ચાંદીનો વાયદા ભાવ 0.17 ટકા ઘટીને રૂ. 60,091 પ્રતિ કિલોગ્રામ થયો.

અમદાવાદ અને સુરતમાં આજે સોનાનો ભાવ

22 કેરેટ સોનાનો આજનો ભાવ

Gram                   22 Carat Gold Today

1 Gram              ₹4,768

8 Gram              ₹38,144

10 Gram           ₹47,680

100 Gram        ₹4,76,800

24 કેરેટ સોનાનો આજનો ભાવ

Gram                   24 Carat Gold Today

1 Gram              ₹5,203

8 Gram            ₹41,624

10 Gram           ₹52,030

100 Gram        ₹5,20,300

આ પણ વાંચો -તમારા સ્વાસ્થ્ય વીમાને ઓફિસ કવર અને વ્યક્તિગત કવરમાંથી એક જ સમયે ક્લેમ કેવી રીતે શકાય?

આ રીતે સોનાની શુદ્ધતા ચકાસો

જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. 'BIS Care app' મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે. આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.

મિસ્ડ કૉલ કરીને જાણો સોનાનો ભાવ

નોંધનીય છે કે, તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કૉલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.

આ પણ વાંચો -30 જૂન પહેલા તમારા PANને કરો આધાર સાથે લિંક, નહીં તો થશે મોટું નુક્સાન

સોનાની શુદ્ધતાના માપદંડ

24 કેરેટ સોનાના આભૂષણોમાં 999 લખ્યું હોય છે, જ્યારે 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 કેરેટ શુદ્ધ સોના પર 750 લખ્યું હોય છે. 24 કેરેટ સોનું લગભગ 99.9% શુદ્ધ હોય છે જ્યારે 22 કેરોટ સોનું 91 ટકા શુદ્ધ હોય છે. 22 કેરેટ સોનામાં અન્ય ધાતું જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે 24 કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gold price in Gujarat, Gold price today, Gold silver price