Gold Silver Price Today: સોનાએ તમામ રેકોર્ડ તોડ્યા, બનાવ્યો નવો ઓલ ટાઈમ હાઈ

નવી દિલ્હી: સોના-ચાંદીની કિંમત (Gold Silver rate today)માં વૈશ્વિક બજારમાં સતત ઉતાર ચઢાવના સંકેતો બાદ ભારતમાં સ્થાનિક બજારોમાં પણ સોના ચાંદીએ પણ ક્યારેક તેજી તો ક્યારેક મંદીની ચાલ પકડી છે. જોકે આજે સવારના કારોબારમાં સોનામાં ભારે તેજી સાથે નવો ઓલ ટાઈમ હાઈ બનાવ્યો છે. બીજી તરફ ચાંદીમાં પણ તેજી જોવા મળી રહી છે. આજે સવારે 11 વાગ્યે મલ્ટી કોમોડિટી એક્સચેન્જ (MCX) પર સોનું 0.44 ટકાના વધારા સાથે 56,468 રૂપિયા પ્રતિ 10 ગ્રામ અને ચાંદી 0.60 ટકા વધીને 68,372 રૂપિયા પ્રતિ કિલોગ્રામ પર ટ્રેડ થઈ રહ્યું છે. વૈશ્વિક મિશ્ર સંકેતો વચ્ચે પણ સોનામાં આજે ભારે તેજી જોવા મળી રહી છે. આજની તેજી સાથે સોનું તેની રેકોર્ડ કિંમત (Gold record price)થી આગળ નીકળી ગયું છે અને નવો રેકોર્ડ બનાવ્યો છે.

આ પણ વાંચોઃ આ લે! યુ.કે.માં ગોરાઓને ચા સાથે બિસ્કિટ નહીં પણ સમોસા વધુ ભાવે છે, સર્વેમાં ખુલાસો

સોના-ચાંદીની કિંમત (Gold-Silver Rate)

આજે સવારે 11 વાગ્યે એમસીએક્સ પર એપ્રિલના વાયદાનું સોનું 0.44 ટકાના વધારા સાથે 57,360 રૂપિયા પ્રતિ 10 ગ્રામ લેખે ટ્રેડ કરી રહ્યું હતું. બીજી તરફ માર્ચના વાયદાનું ચાંદી 0.60 ટકાના વધારા સાથે 68,372 રૂપિયા પ્રતિ કિલોગ્રામ લેખે ટ્રેડ કરી રહ્યું હતું.

સોનાની રેકોર્ડ કિંમત (Gold Record Price)

ઓગસ્ટ 2020 દરમિયાન સોનાની કિંમત એમસીએક્સ પર પ્રતિ 10 ગ્રામ 57,191 રૂપિયા સુધી પહોંચી હતી. આજે સવારે એમસીએક્સ પર સોનું પ્રતિ 10 ગ્રામ 57,360 રૂપિયાની સપાટીએ પહોંચીને નવો રેકોર્ડ બનાવ્યો છે.

આ પણ વાંચોઃ Zomato એ 10 મિનિટમાં ફૂડ ડિલેવરી સર્વિસ પર લગાવી બ્રેક, કંઈક નવું કરવાની તૈયારી

દેશના વિવિધ શહેરમાં આજે સોનાની કિંમત (સોર્સ-goodreturns.in)

શહેર	22 કેરેટ	24 કેરેટ
Chennai	₹53,550	₹58,420
Mumbai	₹52,700	₹57,490
Delhi	₹52,850	₹57,650
Kolkata	₹52,700	₹57,490
Bangalore	₹52,750	₹57,550
Hyderabad	₹52,700	₹57,490
Kerala	₹52,700	₹57,490
Pune	₹52,700	₹57,490
Vadodara	₹52,750	₹57,550
Ahmedabad	₹52,750	₹57,550
Jaipur	₹52,850	₹57,650
Lucknow	₹52,850	₹57,650
Coimbatore	₹53,550	₹58,420
Madurai	₹53,550	₹58,420
Vijayawada	₹52,700	₹57,490
Patna	₹52,750	₹57,550
Nagpur	₹52,700	₹57,490
Chandigarh	₹52,850	₹57,650
Surat	₹52,750	₹57,550
Bhubaneswar	₹52,700	₹57,490
Mangalore	₹52,750	₹57,550
Visakhapatnam	₹52,700	₹57,490
Nashik	₹52,730	₹57,530
Mysore	₹52,750	₹57,550

સોનાની શુદ્ધતાના માપદંડ

24 કેરેટ સોનાના આભૂષણોમાં 999 લખ્યું હોય છે, જ્યારે 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 કેરેટ શુદ્ધ સોના પર 750 લખ્યું હોય છે. 24 કેરેટ સોનું લગભગ 99.9% શુદ્ધ હોય છે જ્યારે 22 કેરોટ સોનું 91 ટકા શુદ્ધ હોય છે. 22 કેરેટ સોનામાં અન્ય ધાતું જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે 24 કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.

આ પણ વાંચોઃ પાંચ જ મહિનામાં 1 લાખના 3 લાખથી વધુ બનાવ્યા, લેવાય તો આવા જ શેર લેવાય

આ રીતે સોનાની શુદ્ધતા ચકાસો

જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. 'BIS Care app' મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે. આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.

મિસ્ડ કૉલ કરીને જાણો સોનાનો ભાવ

નોંધનીય છે કે, તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કૉલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.



(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Gold price today, Gold silver price, Gold silver rates, Silver Price Today