Gold Silver Price Today: સોનાએ ગુમાવ્યો રેકોર્ડ ભાવ, આજે 58,000ના સ્તરની નીચે; ચાંદી પણ 70,179એ પહોંચી

નવી દિલ્હી: સોના-ચાંદીની કિંમત (Gold Silver rate today)માં વૈશ્વિક બજારમાં સતત ઉતાર ચઢાવના સંકેતો બાદ ભારતમાં સ્થાનિક બજારોમાં પણ સોના ચાંદીએ ક્યારેક તેજી તો ક્યારેક મંદીની ચાલ પકડી છે. જોકે બજેટ બાદ આજે સોનામાં ભારે તેજી જોવા મળી છે. ગઈકાલના કારોબારમાં સોનામાં આગઝરતી તેજી સાથે નવો રેકોર્ડ બનાવ્યો હતો, તો બીજી તરફ ચાંદીમાં ભારે તેજી જોવા મળી છે. જ્યારે આજની વાત કરીએ તો સોનું ફરીથી 58,000ના સ્તરની નીચે આવી ગયું છે અને ચાંદીએ પણ પોતાનું 71,000નું સ્તર ગુમાવ્યું છે. આજે સવારે 11 વાગ્યે મલ્ટી કોમોડિટી એક્સચેન્જ (MCX) પર સોનું 0.24 ટકાના સામાન્ય વધારા સાથે 57,835 રૂપિયા પ્રતિ 10 ગ્રામ અને ચાંદી 0.04 ટકાના ઘટાડા સાથે 70,179 રૂપિયા પ્રતિ કિલોગ્રામ પર ટ્રેડ થઈ રહ્યું છે. વૈશ્વિક મિશ્ર સંકેતો વચ્ચે આજે સોનામાં સામાન્ય તેજી જોવા મળી છે અને સોનું તેની રેકોર્ડ કિંમત કરતા ફરીથી સસ્તુ થઈ ગયું છે.

આજે સવારે 11 વાગ્યે એમસીએક્સ પર એપ્રિલના વાયદાનું સોનું 0.24 ટકાના વધારા સાથે 57,835 રૂપિયા પ્રતિ 10 ગ્રામ લેખે ટ્રેડ કરી રહ્યું હતું. બીજી તરફ માર્ચના વાયદાનું ચાંદી 0.04 ટકાના ઘટાડા સાથે 70,179 રૂપિયા પ્રતિ કિલોગ્રામ લેખે ટ્રેડ કરી રહ્યું હતું.

સોનાની રેકોર્ડ કિંમત (Gold Record Price)

ઓગસ્ટ 2020 બાદ 24 જાન્યુઆરી 2023ના રોજ સોનાની કિંમત એમસીએક્સ પર પ્રતિ 10 ગ્રામ 57,360 રૂપિયાની સપાટીએ પહોંચીને નવો રેકોર્ડ બનાવ્યો હતો. જોકે ગઈકાલે આ રેકોર્ડને તોડતાં સોનાએ 58 હજારની સપાટી પાર કરી હતી અને 11 વાગ્યા સુધીમાં સોનું 58,660 રુપિયાની ટોચને સ્પર્શી આવ્યું હતુ. જ્યારે આજે સોનું ફરીથી 58 હજારના સ્તરથી નીચે આવી 57,835 રૂપિયાના સ્તર પર ટ્રેડ થઈ રહ્યું છે.

આ પણ વાંચોઃ 18 વર્ષનો છોકરો પહોંચ્યો ફંડ માંગવા, શાર્ક પણ આશ્ચર્યચકિત! ફેન્સ બોલ્યા અમારો જન્મ નકામો

દેશના વિવિધ શહેરમાં આજે સોનાની કિંમત (સોર્સ-goodreturns.in)

શહેર	22 કેરેટ	24 કેરેટ
Chennai	₹54,400	₹59,340
Mumbai	₹53,100	₹57,930
Delhi	₹53,250	₹58,080
Kolkata	₹53,100	₹57,930
Bangalore	₹53,150	₹57,980
Hyderabad	₹53,100	₹57,930
Kerala	₹53,100	₹57,930
Pune	₹53,100	₹57,930
Vadodara	₹53,150	₹57,980
Ahmedabad	₹53,150	₹57,980
Jaipur	₹53,250	₹58,080
Lucknow	₹53,250	₹58,080
Coimbatore	₹54,400	₹59,340
Madurai	₹54,400	₹59,340
Vijayawada	₹53,100	₹57,930
Patna	₹53,150	₹57,980
Nagpur	₹53,100	₹57,930
Chandigarh	₹53,250	₹58,080
Surat	₹53,150	₹57,980
Bhubaneswar	₹53,100	₹57,930
Mangalore	₹53,150	₹57,980
Visakhapatnam	₹53,100	₹57,930
Nashik	₹53,130	₹57,960
Mysore	₹53,150	₹57,980

સોનાની શુદ્ધતાના માપદંડ

24 કેરેટ સોનાના આભૂષણોમાં 999 લખ્યું હોય છે, જ્યારે 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 કેરેટ શુદ્ધ સોના પર 750 લખ્યું હોય છે. 24 કેરેટ સોનું લગભગ 99.9% શુદ્ધ હોય છે જ્યારે 22 કેરોટ સોનું 91 ટકા શુદ્ધ હોય છે. 22 કેરેટ સોનામાં અન્ય ધાતું જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે 24 કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.

આ રીતે સોનાની શુદ્ધતા ચકાસો

જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. 'BIS Care app' મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે. આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.

આ પણ વાંચોઃ 59,000ને બનાવી દીધા 1 કરોડ, હજુ 70% કમાણી કરાવશે આ શેર; એક્સપર્ટે કહ્યું, ‘ખરીદવા મંડી પડો’

મિસ્ડ કૉલ કરીને જાણો સોનાનો ભાવ

નોંધનીય છે કે, તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કૉલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Gold price today, Gold silver price, Gold silver rates, Silver Price Today