Gold Price Today : સોનું થયું સસ્તું, ચાંદીના ભાવમાં પણ ઘટાડો, જાણો શું છે સોના-ચાંદીના આજના ભાવ

નવી દિલ્હી : જો તમે સોનું કે ચાંદી ખરીદવા માંગો છો તો તમારા માટે સારા સમાચાર છે. હકીકતમાં, બજેટ પહેલા સોમવારે ભારતીય બુલિયન માર્કેટમાં સોના અને ચાંદીના ભાવમાં ઘટાડો નોંધવામાં આવ્યો છે. 10 ગ્રામ સોનું 56,880 રૂપિયા સસ્તુ થયું છે. એક કિલો ચાંદીના ભાવમાં પણ ઘટાડો થયો છે અને હવે તે 68,795 રૂપિયામાં વેચાઈ રહ્યો છે. HDFC સિક્યોરિટીઝે આ માહિતી આપી છે.

સોમવારે દિલ્હી બુલિયન માર્કેટમાં સોનાની કિંમત 80 રૂપિયા ઘટીને 56,880 રૂપિયા પ્રતિ 10 ગ્રામ થઈ ગઈ હતી. છેલ્લા ટ્રેડિંગ સેશનમાં સોનું 56,960 રૂપિયા પ્રતિ 10 ગ્રામ પર બંધ થયું હતું.

આજે ચાંદીના ભાવ શું છે?

ચાંદીનો ભાવ પણ રૂ. 180 ઘટીને રૂ. 68,795 પ્રતિ કિલો બંધ રહ્યો હતો. છેલ્લા ટ્રેડિંગ સેશનમાં ચાંદી રૂ. 68,975 પ્રતિ કિલોગ્રામ પર બંધ થઈ હતી.

આ પણ વાંંચો : Union Budget 2023: ડિઝલનાં ભાવ વધતા ખેતી ખર્ચ વધ્યો, ખેડૂતોએ બજેટમાં આ કરી માંગ

મિસ્ડ કોલ દ્વારા સોનાનો દર જાણવો ખૂબ જ સરળ છે

નોંધનીય છે કે આ દરો તમે ઘરે બેઠા સરળતાથી જાણી શકો છો. આ માટે તમારે આ નંબર 8955664433 પર એક મિસ્ડ કોલ આપવાનો રહેશે અને તમારા ફોન પર એક મેસેજ આવશે, જેમાં તમે લેટેસ્ટ રેટ ચેક કરી શકો છો.

વાણિજ્ય મંત્રાલયે સોના પરની આયાત ડ્યુટી ઘટાડવાની સલાહ આપી

તમને જણાવી દઈએ કે વાણિજ્ય મંત્રાલયે સોના પરની આયાત ડ્યુટી ઘટાડવાની માંગ કરી છે. તેમનું માનવું છે કે નાણામંત્રી આગામી કેન્દ્રીય બજેટમાં આ નિર્ણય લઈ શકે છે. આ સાથે, નિકાસને પ્રોત્સાહન આપવાની સાથે, દેશમાં જેમ્સ અને જ્વેલરીના ઉત્પાદનમાં વધારો થશે, આ વર્ષે જુલાઈમાં કેન્દ્ર સરકારે સોના પરની આયાત ડ્યૂટી 10.75 ટકાથી વધારીને 15 ટકા કરી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Budget 2023, Buy gold, Gold silver price