Gold Silver Price Today: આજે MCX પર સોના અને ચાંદીની કિંમતમાં તેજી, જાણો શું ભાવે વેચાઈ રહ્યું છે ગોલ્ડ

Gold Silver Price 23 August 2021: મલ્ટી કમોડિટી એક્સચેન્જ (Multi Commodity Exchange- MCX) પર સોમવાર સવારે સોના અને ચાંદી ફ્યૂચર ટ્રેડમાં ઉછાળો જોવા મળી રહ્યો છે. MCX પર સવારે 9:40 વાગ્યે ઓક્ટોબર વાયદાનું સોનું (Gold Price) 0.16 ટકા એટલે કે 77 રૂપિયાના વધારાની સાથે 47,235 રૂપિયા પ્રતિ 10 ગ્રામ પર ટ્રેડ કરી રહ્યું હતું. બીજી તરફ, ચાંદી (Silver Price) સપ્ટેમ્બર વાયદામાં 0.34 ટકાનો ઉછાળો જોવા મળી રહ્યો છે. MCX પર 212 રૂપિયાના વધારા સાથે સિલ્વર વાયદો 61,933 પ્રતિ કિલોગ્રામ પર ટ્રેડ થયું હતું. નોંધનીય છે કે, ગયા વર્ષે ઓગસ્ટ મહિનામાં સોનું 56,200 રૂપિયાના ઉચ્ચતમ સ્તર સુધી પહોંચ્યું હતું હને હાલ સોનું 47,200 રૂપિયા પ્રતિ 10 ગ્રામની આસપાસ છે. જેથી સોનું તેના ઉચ્ચતમ સ્તરથી હજુ પણ 9 હજાર રૂપિયા સસ્તામાં મળી રહ્યું છે.

ગ્લોબલ માર્કેટની વાત કરીએ તો અહીં સોનામાં સામાન્ય ઘટાડો જોવા મળ્યો છે. હાજર સોનું 0.1 ટકાના ઘટાડા સાથે 1,779.12 ડૉલર પ્રતિ ઔંસ થઈ ગયું છે. અન્ય કિંમતી ધાતુઓમાં ચાંદી 0.2 ટકાના વધારા સાથે 23.05 ડૉલર પ્રતિ ઔંસ પર આવી ગઈ છે, જ્યારે પ્લેટિનમ 0.3 ટકા વધીને 998.85 ડૉલર થઈ ગઈ છે.

24 કેરેટ ગોલ્ડનો ભાવ

Good Returnsની વેબસાઇટ મુજબ, 24 કેરેટ ગોલ્ડનો ભાવ આજે રાજધાની દિલ્હીમાં 50,480 રૂપિયા પ્રતિ 10 ગ્રામ છે. ચેન્નઈમાં 48,690 રૂપિયા, મુંબઈમાં 47,190 રૂપિયા અને કોલકાતામાં 49,180 રૂપિયા પ્રતિ 10 ગ્રામ છે.

50,000 રૂપિયા સુધી જશે સોનું

વિશેષજ્ઞોના મત મુજબ, ટૂંક સમયમાં સોનું 50,000 રૂપિયા પર પહોંચી જશે. એવામાં રોકાણના હિસાબથી આ ઉત્તમ સમય છે. રોકાણકારો યલો મેટલમાં રોકાણ કરી શકે છે. બીજી તરફ, કોઈ રોકાણકારે પહેલાથી જ સોનામાં રોકાણ કરેલું છે તો હાલ હોલ્ડ કરવાથી ફાયદારૂપ સાબિત થઈ શકે છે.

આ પણ વાંચો, Earn Money: રાકેશ ઝુનઝુનવાલાએ રોકાણ કરેલા Tata Groupના આ શૅરોએ આપ્યું 54% રિટર્ન, શું આપની પાસે છે આ Stocks

અમદાવાદ અને વડોદરામાં 22 કેરેટ અને 24 કેરેટ ગોલ્ડની કિંમત

ગુડ રિટર્ન્સ વેબસાઇટ મુજબ, રવિવાર સવારે અમદાવાદ (Ahmedabad Gold Price)માં 22 કેરેટ સોનાની કિંમત 46,630 રૂપિયા અને 24 કેરેટ સોનાની કિંમત 48,600 રૂપિયા પ્રતિ 10 ગ્રામ છે. બીજી તરફ, વડોદરા (Vadodara Gold Price)માં 22 કેરેટ સોનાની કિંમત 45,890 રૂપિયા અને 24 કેરેટ સોનાની કિંમત 47,310 રૂપિયા પ્રતિ 10 ગ્રામ છે.

મિસ્ડ કોલ કરીને જાણો સોનાનો ભાવ

તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કોલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.

આ પણ વાંચો, Earn Money: IPO બજારમાં જોરદાર હલચલ, Insurance Sectorની આ ત્રણ કંપનીઓ લાવી રહી છે આઇપીઓ

આવી રીતે ચેક કરો સોનાની શુદ્ધતા

તમે જ્યારે સોના ચાંદીની ખરીદી કરવા નીકળો ત્યારે સોનાની શુદ્ધતા જાતે ચકાસી શકો છો. સરકારે આના માટે 'BIS Care app' એપ બનાવી છે. જેના દ્વારા સોનાની શુદ્ધતા ચકાસી શકાય છે. આ એપમાં લાઇસન્સ નંબર અથવા તો તપાસમાં હૉલમાર્ક ખોટો નીકળે તો તાત્કાલિક ગ્રાહકો ફરિયાદ કરી શકે છે. BIS Care Appમાં સામાનનું લાઈસેન્સ, રજીસ્ટ્રેશન અને હોલમાર્ક નંબર જો ખોટો જણાય તો, ગ્રાહક આ અંગેની ફરિયાદ કરી શકે છે. આ એપની (Gold) મદદથી તરત જ ગ્રાહકોની ફરિયાદ દાખલ કરવાની માહિતી પણ મળી જાય છે.