Gold Price Today: સોનું 52,000 રૂપિયાથી નીચે સરક્યું, ફટાફટ જાણો આજે ભાવમાં કેટલો ઘટાડો થયો

નવી દિલ્હી: સોના અને ચાંદીની કિંમત (Gold Silver Price today)માં આજે ઘટાડો નોંધાયો છે. આ સાથે જ સોનાની કિંમત (Gold price today) 52,000 રૂપિયાથી નીચે સરકી ગઈ છે. ચાંદીમાં પણ આજે મોટો ઘટાડો (Silver price today) જોવામાં આવ્યો છે. આજે સવારે મલ્ટી કોમોડિટી એક્સચેન્જ (MCX) પર સોનાની કિંમતમાં 0.42 ટકા અને ચાંદીની કિંમતમાં 0.18 ટકાનો ઘટાડો જોવામાં આવ્યો હતો. ગઈકાલે સોનું એમસીએક્સ પર 52,166 રૂપિયા પ્રતિ 10 ગ્રામ બંધ રહ્યું હતું. ચાંદી 67,487 રૂપિયા પ્રતિ કિલોગ્રામ લેખે બંધ રહ્યું હતું.

સોના-ચાંદીની કિંમત (Gold Silver Price Today, 1 April 2022)

આજે સવારે 9:50 વાગ્યે એમસીએક્સ પર સોનું 0.42 ટકા એટલે કે 217 રૂપિયા ઘટીને 51,949 રૂપિયા પ્રતિ 10 ગ્રામે લેખે ટ્રેડ થઈ રહ્યું હતું. બીજી તરફ ચાંદી 0.18 ટકા એટલે કે 124 રૂપિયા ઘટીને 67,180 રૂપિયા પ્રતિ કિલોગ્રામ લેખે ટ્રેડ થઈ રહ્યું હતું.

સોના-ચાંદીની રેકોર્ડ કિંમત (Gold Record Price)

ઓગસ્ટ 2020 દરમિયાન સોનાની કિંમત એમસીએક્સ પર પ્રતિ 10 ગ્રામ 56,200 રૂપિયા સુધી પહોંચી હતી. આજે સવારે એમસીએક્સ પર સોનું પ્રતિ 10 ગ્રામ 51,949 રૂપિયા જોવા મળ્યું હતું. એટલે કે સોનું હજુ રેકોર્ડ કિંમતથી 4,251 રૂપિયા સસ્તું મળી રહ્યું છે.

દેશના વિવિધ શહેરમાં આજે સોનાની કિંમત (સોર્સ- goodreturns.in)

શહેર	22 કેરેટ	24 કેરેટ
ચેન્નાઇ	₹47,930	₹52,290
મુંબઈ	₹47,650	₹51,980
દિલ્હી	₹47,650	₹51,980
કોલકાતા	₹47,650	₹51,980
બેંગલુરુ	₹47,650	₹51,980
હૈદરાબાદ	₹47,650	₹51,980
કેરળ	₹47,650	₹51,980
પુણે	₹47,700	₹52,030
વડોદરા	₹47,700	₹52,030
અમદાવાદ	₹47,680	₹52,060
જયપુર	₹47,800	₹52,130
લખનઉ	₹47,800	₹52,130
કોઈમ્બતુર	₹47,930	₹52,290
મદુરાઈ	₹47,930	₹52,290
વિજયવાડા	₹47,650	₹51,980
પટના	₹47,700	₹52,030
નાગપુર	₹47,700	₹52,030
ચંદીગઢ	₹47,800	₹52,130
સુરત	₹47,680	₹52,060
ભુવનેશ્વર	₹47,650	₹51,980
મેંગલોર	₹47,650	₹51,980
વિશાખાપટ્ટનમ	₹47,650	₹51,980
નાશિક	₹47,700	₹52,030
મૈસુર	₹47,650	₹51,980

સોનાની શુદ્ધતાના માપદંડ

24 કેરેટ સોનાના આભૂષણોમાં 999 લખ્યું હોય છે, જ્યારે 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 કેરેટ શુદ્ધ સોના પર 750 લખ્યું હોય છે. 24 કેરેટ સોનું લગભગ 99.9% શુદ્ધ હોય છે જ્યારે 22 કેરોટ સોનું 91 ટકા શુદ્ધ હોય છે. 22 કેરેટ સોનામાં અન્ય ધાતું જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે 24 કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.

આ પણ વાંચો: આજે (1 એપ્રિલ) આ 20 શેરમાં કરો મોટી કમાણી 

આ રીતે સોનાની શુદ્ધતા ચકાસો

જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. 'BIS Care app' મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે. આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.

આ પણ વાંચો: CNGમાં એક સાથે અધધ પાંચ રૂપિયાનો વધારો 

મિસ્ડ કૉલ કરીને જાણો સોનાનો ભાવ

નોંધનીય છે કે, તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કૉલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: MCX, ગોલ્ડ, ચાંદી