Home /News /business /ઠગથી સાવધ રહો! નકલી લોનની જાળમાં ફસાતા નહિ, સલામતી માટે મહત્વના સૂચનો

ઠગથી સાવધ રહો! નકલી લોનની જાળમાં ફસાતા નહિ, સલામતી માટે મહત્વના સૂચનો

કોવિડ-19ને કારણે ઘણા લોકોએ તેમની નોકરી ગુમાવી દીધી અને તેઓ પૈસા માટે ઉધાર લેવા પર નિર્ભર બની ગયા.

Loan Fraud: જો તમને લાગે કે તમારો ધિરાણકર્તા તમારા પર ઝડપી નિર્ણય લેવા માટે ઘણું દબાણ કરી રહ્યો છે, તો તરત જ તેની સાથેનો સંપર્ક તોડી નાખો. આ નકલી ધિરાણકર્તાઓ દ્વારા કરવામાં આવતી ખૂબ જ સામાન્ય પ્રવૃત્તિઓમાંની એક છે.

    Loan fraud: કોવિડ-19ને કારણે ઘણા લોકોએ તેમની નોકરી ગુમાવી દીધી અને તેઓ પૈસા માટે ઉધાર લેવા પર નિર્ભર બની ગયા. આવી સ્થિતિમાં, વર્ષ 2021 અને 2022 માં, ઓનલાઇન કેશ આપતી ઘણી એપ્લિકેશનો અચાનક બજારમાં આવી ગઈ. આ એપ્સે લોકોને તાત્કાલિક પૈસા આપવાનું વચન આપ્યું હતું અને પછી લોકો તેમના દેવાની જાળમાં ફસાઈ ગયા હતા. તેઓએ ઉધાર લેનારાઓ પાસેથી અવ્યવહારુ વ્યાજ લેવાનું શરૂ કર્યું. આ કારણે ગયા વર્ષે દક્ષિણ ભારતમાં ઘણી આત્મહત્યાની ઘટનાઓ પણ સામે આવી હતી. આ પછી, આરબીઆઈ અને સરકાર એક્શનમાં આવી અને તેમની સામે કડક કાર્યવાહી શરૂ કરી અને આ સંબંધમાં ઘણા દરોડા પણ પડ્યા.

    અહીં એક પ્રશ્ન એ છે કે, શું આ છેતરપિંડી કરનારાઓ અને બોગસ શાહુકારોને ઓળખવા માટે નાગરિક તેના સ્તરે કંઈ કરી શકે છે? જવાબ હા છે. જો તમે ઇચ્છો તો આ લોકોને ઓળખી શકો છો અને દેવાની જાળમાં ફસાતા તમારી જાતને બચાવી શકો છો. અમે તમને એવી 5 વાતો જણાવીશું જેને ધ્યાનમાં રાખીને તમે નકલી લોનનો શિકાર બનવાથી બચી શકો છો.

    આ પણ વાંચો:ટેક્નોલોજીના યુગમાં ઘરબેઠા વ્યાપાર એકદમ સરળ, E-Commerce પ્લેટફોર્મ આપે છે સુવર્ણ તક

    તમારા ટ્રેક રેકોર્ડ સાથે લેવાદેવા નથી


    જો કોઈ ધિરાણકર્તા તમને કહે કે તે ભૂતકાળની જવાબદારીઓના તમારા ટ્રેક રેકોર્ડની કાળજી લેતો નથી, તો તમારા કાન તરત જ સતર્ક થવા જોઈએ. કોઈપણ પ્રતિષ્ઠિત શાહુકાર તમારો ક્રેડિટ ઇતિહાસ જોવા માંગે છે. તેના આધારે, તેઓ તમારા માટે લોનની રકમ, વ્યાજ દર અને કાર્યકાળ નક્કી કરે છે. તેનાથી વિપરિત, નકલી ધિરાણકર્તાઓ ફક્ત એવા લોકોને જ શોધે છે જેમની જવાબદારીઓ પહેલેથી જ અટવાયેલી હોય છે અને તેઓ લોન લેવા માટે શાહુકારની વધુ તપાસ કરતા નથી.

    ઝડપી નિર્ણય લેવાનું દબાણ


    બનાવટી ધિરાણકર્તાઓ તમને ઝડપી નિર્ણય લેવા દબાણ કરશે. ઘણીવાર તેઓ તમને સમયમર્યાદા આપવાનું શરૂ કરી દે છે. જેથી તમે ઉતાવળમાં ખોટો નિર્ણય લઈ લો. આવું બિલકુલ ન કરો અને તેમની સાથેનો સંપર્ક તોડો.

    આ પણ વાંચો:નોકરી હોય તો આવી, વાર્ષિક પગાર 3 કરોડ રૂપિયા, આ કંપનીએ કરી ઓફર

    ખોટી માહિતી


    જો તમે જેની પાસેથી લોન લેવા જઈ રહ્યા છો તે વ્યક્તિ અરજીની વિગતો, ક્રેડિટ રિપોર્ટ ફી અથવા મૂલ્યાંકન જેવી સાચી માહિતી આપતી નથી, તો ત્યાં સંપર્ક કરવાનું રહેવા દ્યો.

    વેબસાઈટ


    જ્યારે પણ તમે ધિરાણકર્તાની વેબસાઇટ ખોલો છો, ત્યારે ઉપર લખેલ URLની શરૂઆતમાં લૉક સિમ્બોલ જુઓ. જો તે દેખાતું હોય તો વેબસાઈટ નકલી નથી, પરંતુ જો કોઈ લોક સિમ્બોલ ન હોય તો તમારો ડેટા સુરક્ષિત નથી અને તેને ખૂબ જ સરળતાથી હેક કરી શકાય છે. કોઈ પણ યોગ્ય ધિરાણકર્તા તેમના ગ્રાહકની માહિતીને હેકિંગ માટે ખુલ્લી રાખીને જાણી જોઈને એવું કરશે નહીં.


    સરનામું નથી


    ખાતરી કરો કે તમે જેની પાસેથી લોન લઈ રહ્યા છો તેની પાસે માન્ય ઓફિસ છે. એક વખત એ ઓફિસની મુલાકાત અવશ્ય લેવી. જો તે કોઈ ભૌતિક સરનામું આપી શકતો નથી તો તેની સાથે કોઈપણ પ્રકારનો વ્યવહાર કરવાનો પ્રયાસ કરશો નહીં. આ સિવાય નકલી લોન એપ્સ પણ લોન અરજી માટે તમારી પાસેથી 100-400 રૂપિયાની માંગ કરે છે.
    Published by:Darshit Gangadia
    First published:

    Tags: Business news, Loan, Online fraud

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन