Forex Reserves: ભારતનું વિદેશી મુદ્રા ભંડાર 4.23 અબજ ડોલર વધ્યું, ગોલ્ડ રિઝર્વમાં પણ થયો વધારો

Forex Reserves: 20 મેના રોજ પૂરા થયેલા સપ્તાહમાં ભારતનું વિદેશી મુદ્રા ભંડાર (India foreign exchange) $4.23 બિલિયન વધીને $597.509 બિલિયન થયું છે. શુક્રવારે રિઝર્વ બેંક ઓફ ઈન્ડિયા (RBI) દ્વારા જારી કરવામાં આવેલા આંકડામાં આ માહિતી આપવામાં આવી છે.

અગાઉ, 13 મેના રોજ પૂરા થયેલા સપ્તાહમાં વિદેશી મુદ્રા ભંડાર $2.676 બિલિયન ઘટીને $593.279 બિલિયન થઈ ગયું હતુ. 6 મેના રોજ પૂરા થયેલા સપ્તાહમાં તે $1.774 બિલિયન ઘટીને $595.954 બિલિયન થયું હતું.

FCA $3.825 બિલિયનનો વધારો

શુક્રવારે આરબીઆઈ દ્વારા જાહેર કરાયેલા સાપ્તાહિક ડેટા અનુસાર, 20 મેના રોજ પૂરા થયેલા સપ્તાહમાં વિદેશી મુદ્રા ભંડારમાં આ વધારો મુખ્યત્વે વિદેશી ચલણ એસેટ એટલે કે એફસીએ (Foreign Currency Assets) માં વધારો થવાને કારણે થયો હતો, જે કુલ ચલણ અનામતનો નોંધપાત્ર ભાગ છે. રિઝર્વ બેંકે કહ્યું કે રિપોર્ટિંગ સપ્તાહમાં ભારતનું FCA $3.825 બિલિયન વધીને $533.378 બિલિયન થયું છે. ડૉલરમાં નામાંકિત, એફસીએ વિદેશી હૂંડિયામણ અનામતમાં રાખવામાં આવેલી યુરો, પાઉન્ડ અને યેન જેવી અન્ય વિદેશી કરન્સીના મૂલ્યમાં વધારો અથવા ઘટાડોની અસરનો પણ સમાવેશ કરે છે.

આ પણ વાંચો - Rakesh Jhunjhunwalaના પોર્ટફોલિયોમાં સામેલ આ મેટલ સ્ટોક જેપી મોર્ગનને આવ્યો ખૂબ પસંદ, સ્ટોકના ભવિષ્ય અંગે કહ્યું આવું

ગોલ્ડ રિઝર્વમાં વધારો

ડેટા અનુસાર, રિપોર્ટિંગ સપ્તાહમાં ગોલ્ડ રિઝર્વનું મૂલ્ય પણ $253 મિલિયન વધીને $40.823 બિલિયન થયું છે. રિપોર્ટિંગ સપ્તાહમાં ઈન્ટરનેશનલ મોનેટરી ફંડ (IMF)માં દેશનો SDR (સ્પેશિયલ ડ્રોઈંગ રાઈટ્સ) $102 મિલિયન વધીને $18.306 બિલિયન થઈ ગયો છે. IMFમાં રાખવામાં આવેલ દેશનું મુદ્રા ભંડાર $51 મિલિયન વધીને $5.002 બિલિયન થયું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Business news in gujarati, Reserve bank of india