Home /News /business /

Forbes India Rich List 2021: રિલાયન્સ ઇન્ડસ્ટ્રીઝના ચેરમેન મુકેશ અંબાણી સતત 14મા વર્ષે સૌથી અમીર ભારતીય

Forbes India Rich List 2021: રિલાયન્સ ઇન્ડસ્ટ્રીઝના ચેરમેન મુકેશ અંબાણી સતત 14મા વર્ષે સૌથી અમીર ભારતીય

રિલાયન્સ ઇન્ડસ્ટ્રીઝના ચેરમેન અને મેનેજિંગ ડિરેક્ટર મુકેશ અંબાણી (ફાઇલ તસવીર)

Forbes India Rich List 2021: મુકેશ અંબાણી 92.7 બિલિયન નેટ વર્થ સાથે શિખર પર, બીજા સ્થાને ગૌતમ અદાણી, જાણો સમગ્ર યાદી

    Forbes Richest Billionaires List: રિલાયન્સ ઇન્ડસ્ટ્રીઝના (Reliance Industries Limited) ચેરમેન મુકેશ અંબાણી (Mukesh Ambani) 92.7 બિલિયન ડૉલરની સંપત્તિ સાથે ભારતના 10 સૌથી અમીર અબજપતિઓની ફોર્બ્સની યાદીમાં સૌથી ઉપર છે. મુકેશ અંબાણી સતત 14મા વર્ષેથી ભારતના સૌથી અમીર હસ્તીઓની યાદીમાં શિખર પર રહ્યા છે. ત્યારબાદ અદાણી સમૂહના પ્રમુખ ગૌતમ અદાણી છે તેમની નેથ વર્થ 74.8 બિલિયન ડૉલર છે. સાવિત્રી જિંદાલએ (Savitri Jindal) ટોપ 10ની યાદીમાં 18 બિલિયન નેથ વર્થ સાથે ફરીથી સ્થાન મેળવ્યું છે. ચાર ફાર્મા બિલિયોનેરની સંપત્તિમાં ધોવાણ પણ થયું છે. ભારતના 100 અમીર હસ્તીઓની કુલ સંપત્તિ હવે 775 બિલિયન ડૉલર થઈ ગઈ છે.

    ફોર્બ્સના રિપોર્ટ મુજબ, ભારત કોવિડ-19ની બીજી લહેરના (Covid-19 Second Wave) કારમા કહેરમાંથી બહાર આવી ગયો છે જેના કારણે રોકાણકારો (Investor) દુનિયાની છઠ્ઠી સૌથી મોટી ઇકોનોમી (Sixth largest economy) પર ફરીથી ભરોસો મૂકી રહ્યા છે. શેર માર્કેટમાં (Stock Market) જોવા મળી રહેલી તેજીની વચ્ચે ભારતના સૌથી ધનાઢ્ય 100 હસ્તીઓની (Forbes list of India’s 100 Richest) સંયુક્ત સંપત્તિ 775 બિલિયન અમેરિકન ડૉલરે પહોંચી છે. નોંધનીય છે કે, છેલ્લા 12 મહિનામાં ધનાઢ્ય હસ્તીઓની સંપત્તિમાં 50 ટકા એટલે કે 257 બિલિયન ડૉલરનો વધારો નોંધાયો છે.

    મુકેશ અંબાણી 2008થી સતત શિખર પર

    રિલાયન્સ ઇન્ડસ્ટ્રીઝના (Reliance Industries Limited) ચેરમેન મુકેશ અંબાણી (Mukesh Ambani) દેશના સૌથી અમીર વ્યક્તિના સ્થાન (Richest Indian) પર બરકરાર છે. ફોર્બ્સની વર્ષ 2021 (Forbes India Rich List 2021) માટે ભારતના 10 સૌથી અમીર અબજપતિઓની યાદી જાહેર કરી છે. આ યાદીમાં મુકેશ અંબાણી પહેલા સ્થાન પર છે. મુકેશ અંબાણીની નેટ વર્થ 92.7 બિલિયન ડૉલર છે. મુકેશ અંબાણી ગેસ, ઓઇલની સાથે ટેલિકોમ અને રિટેલ સેક્ટરમાં પણ છે. નોંધનીય છે કે, મુકેશ અંબાણી વર્ષ 2008થી ભારતના સૌથી અમીર વ્યક્તિના સ્થાન પર બરકરાર છે.

    Forbes India Rich List 2021





































































    રેન્કનામકંપનીનેથ વર્થ
    (બિલિયન ડૉલરમાં)
    1મુકેશ અંબાણીરિલાયન્સ ઇન્ડસ્ટ્રીઝ92.7
    2ગૌતમ અદાણીઅદાણી ગ્રુપ74.8
    3શિવ નાદરએચસીએલ ટેક્નોલોજી31
    4રાધાકૃષ્ણ દમાણીએવન્યૂ સુપરમાર્કેટ29.4
    5સાયરસ પૂનાવાલાસિરમ ઇન્સ્ટ્રીટ્યૂટ ઓફ ઈન્ડિયા19
    6લક્ષ્મી મિત્તલઆર્સેલરમિત્તલ18.8
    7સાવિત્રી જિંદલઓ પી જિંદાલ ગ્રુપ18
    8ઉદય કોટકકોટક મહિન્દ્રા બેંક16.5
    9પલોનજી મિસ્ત્રીશપૂરજી પલોનજી ગ્રુપ16.4
    10કુમાર બિરલાઆદિત્ય બિરલા ગ્રુપ15.8

    ભારતીય ઉદ્યોગપતિઓની સંપત્તિમાં જોવા મળ્યો જોરદાર ઉછાળો

    ગૌતમ અદાણી (Gautam Adani India’s Second Richest) આ યાદીમાં બીજા સ્થાન પર છે. અદાણીની નેટ વર્થ 74.8 બિલિયન ડૉલર છે. ગૌતમ અદાણી (Gautam Adani) સતત ત્રીજા વર્ષે બીજા સ્થાન પર બરકરાર છે. તેમની સંપત્તિમાં પણ ત્રણ ગણો ઉછાળો જોવા મળી રહ્યો છે. ત્રીજા સ્થાન પર 31 બિલિયન ડૉલરની નેથ વર્થ સાથે શિવ નાદર (Shiv Nadar) છે જેઓ સોફ્ટવેર જાયન્ટ કંપની એચસીએલ ટેક્નોલોજીના (HCL Technology) ફાઉન્ડર છે. શિવ નાદરની નેટ વર્થમાં 10.6 બિલિયન ડૉલરનો ઉછાળો જોવા મળ્યો છે અને તેમની કુલ નેટ વર્થ 31 બિલિયન ડૉલર થઈ ગઈ છે.

    ડી-માર્ટ (D Mart) રિટેલ ચેઇનના માલિક રાધાકૃષ્ણ દમાણી (Radhakrishna Damani) ભારતના સૌથી ધનાઢ્ય હસ્તીઓની યાદીમાં ચોથા સ્થાન પર છે. દમાણીની સંપત્તિ 15.4 બિલિયન ડૉલરથી બમણી થઈને 29.4 બિલિયન ડૉલર પર પહોંચી ગઈ છે.

    (Disclaimer: ન્યૂઝ18 ગુજરાતી, રિલાયન્સ ઇન્ડસ્ટ્રીઝની કંપની નેટવર્ક18 મીડિયા એન્ડ ઇન્વેસ્ટમેન્ટ લિમિટેડનો હિસ્સો છે. નેટવર્ક18 મીડિયા એન્ડ ઇન્વેસ્ટેમેન્ટ લિમિટેડનું સ્વામિત્વ રિલાયન્સ ઇન્ડસ્ટ્રીઝની પાસે જ છે.)
    Published by:Mrunal Bhojak
    First published:

    Tags: Forbes India, Gautam Adani, Richest India, ભારત, મુકેશ અંબાણી

    આગામી સમાચાર