ટ્રેનમાં મિડલ બર્થ પર સૂવાનો શું છે નિયમ? જાણો કયા સમયે મિડલ બર્થ ખોલવુ

New Delhi Railway Rule for Passengers : ભારતમાં દરરોજ કરોડો લોકો રેલવે દ્વારા મુસાફરી કરે છે. જોકે  ટ્રેનમાં સફર કરતા યાત્રીઓ ટ્રેન સબંધીત ઘણા બધા નિયમોથી અજાણ હોય છે.  જેથી આજે અમે તમને એક નવી માહિતી આપવા જઈ રહ્યાં છીએ.

અમે તમને ટ્રેનમાં જે સ્લિપિંગ કોચ હોય ત્યા મિડલ બર્થ, લોઅર બર્થ વાળી સીટ પણ હોય છે તેના વિશેની કેટલીક માહિતી શેર કરવા માંગીએ છીએ જેમાં આ સ્લિપિંગ કોચમાં આવેલા મિડલ બર્થ સુવાના કેટલાક નિયમો પણ જણાવવા જઈ રહ્યાં છીએ.

ઘણી વખત ટ્રેનમાં પસંદગી મુજબ સ્લિપિંગ કોચ ઉપલબ્ધ હોતો નથી કારણ કે રેલ્વે પાસે મર્યાદિત જ સીટો રહેતી હોય છે. અને મોટા ભાગે આ સ્લિપિંગ કોચમાં મિડલ બર્થ અને લોઅર બર્થ પર સૂવાને લઈને પણ વિવાદ ઉભો થતો હોય છે. આવી સ્થિતિમાં પ્રવાસ દરમિયાન કયા નિયમોનું પાલન કરવું જરૂરી છે તે જાણવું જરૂરી છે.

આ પણ વાંચો: શાહરૂખ ખાન પર સંત સમાજ રોષે ભરાયો, સનાતન ધર્મના અપમાનનો આરોપ

લોકો ઘણીવાર ટ્રેનમાં મુસાફરી કરતી વખતે મિડલ બર્થ લેવાનું ટાળે છે કારણ કે ઘણી વખત લોઅર બર્થ પર મુસાફરો મોડી રાત સુધી બેસી રહે છે, જેના કારણે મિડલ બર્થના મુસાફરોને મુશ્કેલીનો સામનો કરવો પડે છે. આ સિવાય ઘણી વખત વચ્ચેની બર્થ પર બેઠેલા યાત્રીઓ ટ્રેન ચાલવા લાગે કે તરત જ તેમની બર્થ ખોલી દે છે અને તેના કારણે લોઅર બર્થ પર બેઠેલા લોકોને પણ મુશ્કેલીનો સામનો કરવો પડતો હોય છે.

આ નિયમો ટ્રેનમાં મિડલ અને લોઅર બર્થ સાથે સંબંધિત છે

પ્રવાસ દરમિયાન ટ્રેનમાં બર્થને લઈને આ અસુવિધાને ધ્યાનમાં રાખીને ભારતીય રેલવેએ કેટલાક નિયમો બનાવ્યા છે. રેલવેના આ નિયમો અનુસાર મિડલ બર્થનો પેસેન્જર રાત્રે 10 વાગ્યાથી સવારે 6 વાગ્યા સુધી બર્થ ખોલીને સૂઈ શકે છે.

પરંતુ જો પેસેન્જર રાત્રે 10 વાગ્યા પહેલા તેની વચ્ચેની બર્થ ખોલે છે, તો તમે તેને આમ કરવાથી રોકી શકો છો. તેવી જ રીતે, જો તમારી પાસે મિડલ બર્થ છે અને લોઅર બર્થનો પેસેન્જર તમને બર્થ ખોલતા અટકાવે છે, તો તમે તેને રેલવેના આ નિયમ વિશે જણાવીને તમારી બર્થ ખોલી શકો છો.

નોંધપાત્ર રીતે, સવારે 6 વાગ્યા પછી, મધ્યમ બર્થના પેસેન્જર માટે તેની બર્થ નીચી કરવી જરૂરી છે, જેનાથી  નીચેની બર્થ પર બેઠેલા મુસાફરો બેસી શકે. લોઅર બર્થના મુસાફરોએ પણ ઉઠવું અને બેસવું પડશે. જેમાં તમને કોઈ રોકતુ હોય તો તમે રેલવેનો આ નિયમ જે તે પેસેન્જરને કહી શકો છો.

આ પણ વાંચો : ફિફા વર્લ્ડ કપમાં ફરી એક પત્રકારનું મોત, 48 કલાકમાં બીજો કિસ્સો સામે આવ્યો

આ ઉપરાંત રેલ મુસાફરી સાથે જોડાયેલા કેટલાક અન્ય નિયમો છે, જે યાત્રીઓની સુવિધા માટે બનાવવામાં આવ્યા છે. નિયમ પ્રમાણે, TTE તમને ટ્રેનની મુસાફરી દરમિયાન 10 વાગ્યા પછી ટિકિટ ચેકિંગ માટે પરેશાન કરી શકશે નહીં. રેલવેના નિયમો અનુસાર TTE સવારે 6 વાગ્યાથી રાત્રે 10 વાગ્યા સુધી જ ટિકિટ ચેક કરી શકે છે. જો કે, આ નિયમ 10 વાગ્યા પછી યાત્રા શરૂ કરનારા મુસાફરોને લાગુ પડતા નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Explained, Indian railways, New rules, Travelling