Home /News /business /

Five expensive shares : આ 5 શેર ખરીદવા દરેક વ્યક્તિનું કામ નહીં, તેના એક શેરની કિંમત જોઈ આંખો ખુલ્લી રહી જશે

Five expensive shares : આ 5 શેર ખરીદવા દરેક વ્યક્તિનું કામ નહીં, તેના એક શેરની કિંમત જોઈ આંખો ખુલ્લી રહી જશે

પાંચ સૌથી મોંઘા શેર

Five expensive shares : આ છે 5 સૌથી મોંઘા સ્ટોક (Five expensive Stock), જેમાં એમઆરએફ લિમિટેડ (mrf ltd), પેજ ઇન્ડસ્ટ્રીઝ લિમિટેડ (page industries ltd), હનીવેલ ઓટોમેશન ઈન્ડિયા લિમિટેડ (honeywell automation india ltd), શ્રી સિમેન્ટ લિમિટેડ (shree cement ltd), 3M ઇન્ડિયા લિમિટેડ (3m india ltd) નો સમાવેશ થાય છે.

વધુ જુઓ ...
    નવી દિલ્હી. ઉચ્ચ જોખમ ધરાવતા પેની સ્ટોક્સ મલ્ટીબગર વળતર આપે છે. પરંતુ કેટલાક એવા શેરો છે જે લાંબા ગાળામાં ઉત્તમ વળતર આપે છે, પરંતુ આ શેરની કિંમત એટલી ઊંચી હોય છે કે સામાન્ય રોકાણકારો તે ખરીદી શકતા નથી. ભલે તમે તેને ખૂબ ઓછી સંખ્યામાં ખરીદો. આવા શેરોને લક્ઝરી શેર કહેવામાં આવે છે.

    મોટા રોકાણકારો (HNIs) અને ઉદ્યોગપતિઓ સામાન્ય રીતે લક્ઝરી શેરોમાં રોકાણ કરવાનું પસંદ કરે છે. આ કંપનીઓ મૂળભૂત રીતે ખૂબ જ મજબૂત છે. તેમનું વળતર પણ ઉત્તમ છે અને તેમના પર ડિવિડન્ડની ઉપજ પણ ઘણી ઊંચી છે. તેથી, તેમના શેરોમાં લાંબા ગાળાનું રોકાણ કરવામાં આવે છે.

    અહીં અમે શેરબજારમાં લિસ્ટેડ એવી 5 કંપનીઓની માહિતી આપી રહ્યા છીએ, જેમના શેરની કિંમત 5-10 હજાર રૂપિયા નહીં પણ 67,000 રૂપિયા પ્રતિ શેર પર પહોંચી ગઈ છે.

    એમઆરએફ લિમિટેડ

    ટાયર અને રબર ઉત્પાદનો બનાવતી કંપની મદ્રાસ રબર ફેક્ટરી લિમિટેડ, જે MRF લિમિટેડ તરીકે જાણીતી છે, તે મોંઘા શેરોની યાદીમાં પ્રથમ ક્રમે પહોંચી ગઈ છે. મંગળવાર, 12 એપ્રિલે, આ શેરનો બંધ ભાવ રૂ. 67,800 હતો. આ કંપની નેશનલ સ્ટોક એક્સચેન્જ (NSE) પર લિસ્ટેડ છે. તેની 52 સપ્તાહની ઊંચી સપાટી 87,550 રૂપિયા છે. 18 સપ્ટેમ્બર, 1996ના રોજ લિસ્ટ થયેલી કંપનીએ અત્યાર સુધીમાં 4,000 ટકા વળતર આપ્યું છે. ભારતની આ બહુરાષ્ટ્રીય કંપની દેશની સૌથી મોટી અને વિશ્વની છઠ્ઠી સૌથી મોટી ટાયર કંપની છે. તેનું મુખ્ય મથક ચેન્નાઈમાં છે.

    પેજ ઇન્ડસ્ટ્રીઝ લિમિટેડ

    બેંગ્લોર સ્થિત આ કંપની ઇનરવેર, લોન્જવેર અને મોજાંનો રિટેલ બિઝનેસ કરે છે. ભારત ઉપરાંત, કંપની શ્રીલંકા, નેપાળ, બાંગ્લાદેશ, સંયુક્ત આરબ અમીરાત, ઓમાન અને કતારમાં જોકી બ્રાન્ડના ઉત્પાદનોનું વેચાણ કરે છે. તેની પાસે જોકી ઈન્ટરનેશનલનું બિઝનેસ લાઇસન્સ છે. ટેક્સટાઇલ સેક્ટરમાં આ કંપનીના શેરની કિંમત મંગળવારે NSE પર રૂ. 44,650 હતી. આ શેરે અત્યાર સુધીમાં રોકાણકારોને 16,000 ટકાથી વધુ વળતર આપ્યું છે.

    હનીવેલ ઓટોમેશન ઈન્ડિયા લિમિટેડ

    હનીવેલ ઓટોમેશન ઈન્ડિયા લિમિટેડ (HAIL) ના શેર બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) બંને પર લિસ્ટેડ છે. પૂણે સ્થિત આ કંપની કેપિટલ ગુડ્સ સેક્ટરની કંપની છે. તે સંકલિત ઓટોમેશન અને સોફ્ટવેર સેવાઓ પૂરી પાડે છે. તેના પોર્ટફોલિયોમાં પ્રોસેસ સોલ્યુશન્સ અને બિલ્ડિંગ સોલ્યુશન્સનો પણ સમાવેશ થાય છે. મંગળવારે NSE પર તેના શેરની કિંમત રૂ. 39,750 હતી. તે 18 જુલાઈ, 2003ના રોજ NSE પર લિસ્ટેડ થઈ હતી. ત્યારથી, શેરે 42,000 ટકાથી વધુ વળતર આપ્યું છે.

    શ્રી સિમેન્ટ લિમિટેડ

    બેનુ ગોપાલ બાંગર અને હરિ મોહન બાંગરની શ્રી સિમેન્ટનું મુખ્ય મથક કોલકાતા છે. તે ઉત્તર ભારતની સૌથી મોટી સિમેન્ટ કંપની છે. મંગળવારે NSE પર શ્રી સિમેન્ટના શેરની કિંમત રૂ. 25,079 હતી. તે BSE અને NSE બંને પર લિસ્ટેડ છે. તેની 52 સપ્તાહની ઊંચી સપાટી 31,538.35 રૂપિયા છે. આ સ્ટોક 12 માર્ચ, 2021ના રોજ આ ભાવે પહોંચ્યો હતો. શ્રી સિમેન્ટે અત્યાર સુધીમાં 82,852 ટકા વળતર આપ્યું છે. કંપની શ્રી પાવર અને શ્રી મેગા પાવર નામો હેઠળ વીજળીનું ઉત્પાદન અને વેચાણ પણ કરે છે.

    આ પણ વાંચોRakesh Jhunjhunwala: રાકેશ ઝુનઝુનવાલા પર ભારે પડ્યો એપ્રિલ મહિનો, છ દિવસમાં 900 કરોડ રૂપિયાનું નુકસાન, જાણો વિગત

    3M ઇન્ડિયા લિમિટેડ

    3M ઇન્ડિયા લિમિટેડની મૂળ કંપની યુએસએની 3M છે. તે ઘણા વ્યવસાયોમાં સક્રિય છે. તે સુરક્ષા અને ઔદ્યોગિક, પરિવહન અને ઈલેક્ટ્રોનિક્સ, આરોગ્યસંભાળ અને ગ્રાહક બજારો માટે ઘણા ઉત્પાદનોનું ઉત્પાદન કરે છે. મંગળવારે, NSE પર તેના શેરની બંધ કિંમત 21,201 રૂપિયા હતી. તે BSE અને NSE બંને પર લિસ્ટેડ છે. તેની 52 સપ્તાહની ઊંચી સપાટી 27,825.80 રૂપિયા છે. 13 ઓગસ્ટ, 2004ના રોજ લિસ્ટ થયેલી કંપનીએ અત્યાર સુધીમાં રોકાણકારોને 8,751.33 ટકા વળતર આપ્યું છે.
    Published by:kiran mehta
    First published:

    Tags: Business news, Business news in gujarati, Share bazar, Share marcket, Share market, Share Markets, Stock market, Stock market Tips, Stock Markets

    આગામી સમાચાર