Home /News /business /

PF withdrawal: જાણો ડોક્યુમેન્ટ જમા કરાવ્યા વિના કેવી રીતે ઉપાડી શકાય રૂ. 1 લાખ

PF withdrawal: જાણો ડોક્યુમેન્ટ જમા કરાવ્યા વિના કેવી રીતે ઉપાડી શકાય રૂ. 1 લાખ

ફાઈલ તસવીર

કર્મચારી ભવિષ્ય નિધિ સંગઠન (EPFO)એ તેના ગ્રાહકો માટે મોટી સુવિધા શરૂ કરી છે. જે અંતર્ગત કોઇપણ સભ્ય જરૂર પડ્યે કોઇપણ દસ્તાવેજ જમા કર્યા વિના તેના પીએફ ખાતામાંથી 1 લાખ રૂપિયા ઉપાડી (PF withdrawal) શકે છે. EPFO આ સુવિધા પગારદાર લોકોને મેડિકલ એડવાન્સ ક્લેમ (Medical Advance Claim) હેઠળ આપી રહ્યું છે.

વધુ જુઓ ...
    નવી દિલ્લી:  કર્મચારી ભવિષ્ય નિધિ સંગઠન (EPFO)એ તેના ગ્રાહકો માટે મોટી સુવિધા શરૂ કરી છે. જે અંતર્ગત કોઇપણ સભ્ય જરૂર પડ્યે કોઇપણ દસ્તાવેજ જમા કર્યા વિના તેના પીએફ ખાતામાંથી 1 લાખ રૂપિયા ઉપાડી (PF withdrawal) શકે છે. EPFO આ સુવિધા પગારદાર લોકોને મેડિકલ એડવાન્સ ક્લેમ (Medical Advance Claim) હેઠળ આપી રહ્યું છે. EPFOએ ઓફિસ મેમોરેન્ડમ જાહેર કરીને આ માહિતી આપી છે. EPFOએ કહ્યું કે, જો જીવલેણ બીમારીના કિસ્સામાં દર્દીને હોસ્પિટલમાં દાખલ કરવા માટે 1 લાખ રૂપિયાની તાત્કાલિક જરૂરિયાત હોય તો PF ખાતાધારક આ સુવિધાનો લાભ લઈ શકે છે.

    અરજી કર્યાના બીજા જ દિવસે મળી જશે પૈસા!

    મેડિકલ એડવાન્સનો દાવો કરનારા કર્મચારીના દર્દીને સરકારી/જાહેર ક્ષેત્રના એકમ/CGHS પેનલ હોસ્પિટલમાં દાખલ કરવું જોઈએ. જો તમને કટોકટીમાં ખાનગી હોસ્પિટલમાં દાખલ કરવામાં આવ્યા હોય, તો આ અંગે તપાસ કરવામાં આવશે. ત્યારબાદ જ તમે મેડિકલ ક્લેમ માટે અરજી કરી શકો છો. આ સુવિધા અંતર્ગત તમે માત્ર 1 લાખ રૂપિયા સુધી જ એડવાન્સ ઉપાડી શકો છો. જો તમે વર્કિંગ ડે દરમિયાન અરજી કરો છો તો બીજા જ દિવસે તમારા પૈસા ખાતામાં ટ્રાન્સફર થઈ જશે. આ નાણાં સીધા કર્મચારીના ખાતામાં અથવા હોસ્પિટલમાં ટ્રાન્સફર કરી શકાય છે.

    આ પણ વાંચો: Aditya Birla Sun Lifeના IPOને મળી મંજૂરી, 25000 કરોડ રૂપિયા હોઇ શકે છે ઇશ્યૂ સાઇઝ

    ફાઇનલ બિલ થશે એડવાન્સ સાથે એડજસ્ટ

    હોસ્પિટલમાંથી ડિસ્ચાર્જ થયાના 45 દિવસમાં મેડિકલ સ્લિપ જમા કરાવવાની રહે છે. આ દરમિયાન તમારું ફાઇનલ બિલ એડવાન્સ રકમ સાથે એડજસ્ટ કરવામાં આવે છે.

    આ પણ વાંચો: RBIએ રેપો રેટ અને રિવર્સ રેપો રેટમાં કોઈ ફેરફાર ન કર્યો, જાણો શક્તિકાંત દાસે શું કહ્યું

    અહીં જાણીએ કે તમે કેવી રીતે પૈસા ઉપાડી શકો છો.

    >> આ માટે તમારે ઓફિશિયલ વેબસાઇટ www.epfindia.gov.in પર ઓનલાઇન એડવાન્સ ક્લેમ લઇ શકો છો.

    >> unifiedportalmem.epfindia.gov.in પરથી પણ તમે એડવાન્સ ક્લેમ પણ કરી શકો છો.

    >> અહીં ઓનલાઇન સેવાઓ પર ક્લિક કરો.

    >> હવે તમારે ક્લેમ (ફોર્મ -31,19,10 સી અને 10 ડી) ભરવું પડશે.

    >> જે બાદ તમારા બેંક ખાતાના છેલ્લા 4 અંકો દાખલ કરીને વેરીફાય કરવું પડશે.

    >> હવે Proceed for Online Claim પર ક્લિક કરવાનું રહેશે.

    >> ડ્રોપ ડાઉનમાંથી PF Advanceને (Form 31) પસંદ કરો.

    >> ત્યાર બાદ તમારે પૈસા ઉપાડવાનું કારણ પણ આપવું પડશે.

    >> હવે રકમ દાખલ કરો અને ચેકની સ્કેન કરેલી કોપી અપલોડ કરો.

    >> જે બાદ તમારા સરનામાની વિગતો ભરો.

    >> હવે Get Aadhaar OTP પર ક્લિક કરો અને આધાર સાથે જોડાયેલા મોબાઇલ પર મળેલા OTPને દાખલ કરો.

    >> હવે તમારો ક્લેમ ફાઈલ થઇ જશે.
    Published by:kuldipsinh barot
    First published:

    Tags: Epfo

    આગામી સમાચાર

    विज्ञापन
    विज्ञापन
    विज्ञापन