EPFO: PF સંબંધિત કોઈ પણ સમસ્યાને ઓનલાઇન આ રીતે ઉકેલો

જો તમારું કર્મચારી પ્રોવિડન્ટ ફંડ ઓર્ગેનાઈઝેશન (EPFO)માં ખાતું છે, તો આ સમાચાર તમારા કામના છે. જો તમને પણ તમારા પીએફ (PF Account) ખાતાને લગતી કોઈ ફરિયાદ છે તો તમારે કોઈ ઓફિસ જવાની જરૂર નથી. તમે તમારી ફરિયાદને ઓનલાઈન રજીસ્ટર કરીને પણ ઉકેલી શકો છો. એટલું જ નહીં, તમે તમારી ફરિયાદનું સ્ટેટસ પણ ઓનલાઈન ચેક કરી શકો છો.

જો કોઈ EPF ખાતાધારકને EPF ઉપાડવા, EPF એકાઉન્ટ ટ્રાન્સફર, KYC વગેરે સંબંધિત કોઈ ફરિયાદ હોય, તો તે આ ફરિયાદ વ્યવસ્થાપન સિસ્ટમની સુવિધાનો (Grievance Management System) લાભ લઈ શકે છે. EPFOએ EPFO વપરાશકર્તાઓને તેમના સત્તાવાર ટ્વિટર એકાઉન્ટ પરથી ટ્વિટ કરીને અપીલ કરી છે કે તેઓ EPFO પોર્ટલ epfigms.gov.in પર તેમની સમસ્યાઓ વિશે ઓનલાઈન માહિતી આપે.

આ સિવાય સંસ્થાએ એક ટોલ ફ્રી નંબર પણ જાહેર કર્યો છે જેના પર કોલ કરીને તમે સરળતાથી તમારી ફરિયાદ નોંધાવી શકો છો. નોંધનીય છે કે EPFOની મોટાભાગની સેવાઓ હવે ઓનલાઈન ઉપલબ્ધ છે. EPFOની ઓનલાઈન સેવાઓ EPFOની વેબસાઈટ તેમજ UMANG એપ પર મેળવી શકાય છે.

આ પણ વાંચો -Inflation : ટીવી-રેફ્રિજરેટર ખરીદવા માટે તમારે વધુ પૈસા ચૂકવવા પડી શકે છે, આ છે કારણ

આ રીતે ઓનલાઈન ફરિયાદ નોંધાવો

• 
  

  સૌથી પહેલા epfigms.gov.in પોર્ટલ પર જાઓ.

  
  


• 
  

   ફરિયાદ નોંધવા માટે 'રજીસ્ટર ગ્રીવન્સ' પર ક્લિક કરો.

  
  


• 
  

  તમારી સામે એક નવું વેબપેજ ખુલશે. આમાં, તે સ્ટેટસ પસંદ કરો જેમાં ફરિયાદ નોંધાઈ રહી છે.

  
  


• 
  

  સ્ટેટસ એટલે પીએફ મેમ્બર, ઇપીએસ પેન્શનર, એમ્પ્લોયર અથવા અન્ય.

  
  


• 
  

  જો તમારી પાસે UAN/પેન્શન પેમેન્ટ ઓર્ડર (PPO) ન હોય તો જ 'અન્ય' વિકલ્પ પસંદ કરો.

  
  


• 
  

  PF એકાઉન્ટ સંબંધિત ફરિયાદ માટે, 'PF સભ્ય' સ્ટેટસ પસંદ કરો.

  
  


• 
  

  હવે UAN અને સુરક્ષા કોડ દાખલ કરો અને 'વિગતો મેળવો' પર ક્લિક કરો.

  
  


• 
  

  UAN સાથે લિંક કરેલી માસ્ક કરેલી (છુપાયેલી) વ્યક્તિગત વિગતો કમ્પ્યુટર સ્ક્રીન પર પ્રદર્શિત થશે.

  
  


• 
  

  હવે 'ગેટ OTP' પર ક્લિક કરો.

  
  


• 
  

  EPFO ડેટાબેઝમાં તમારા રજિસ્ટર્ડ મોબાઈલ નંબર અને ઈમેલ આઈડી પર OTP મોકલવામાં આવશે.

  
  


• 
  

  OTP દાખલ કર્યા પછી, વેરિફિકેશન થશે અને પછી તમને વ્યક્તિગત વિગતો માટે પૂછવામાં આવશે.

  
  


• 
  

  વ્યક્તિગત વિગતો દાખલ કર્યા પછી, પીએફ નંબર પર ક્લિક કરો જેના સંબંધમાં ફરિયાદ નોંધાવવાની છે.

  
  


• 
  

  હવે સ્ક્રીન પર એક પોપ-અપ દેખાશે. આમાં, રેડિયો બટન પસંદ કરો જેનાથી તમારી ફરિયાદ સંબંધિત છે.

  
  


• 
  

  ફરિયાદ શ્રેણી પસંદ કરો અને તમારી ફરિયાદની વિગતો આપો.

  
  


• 
  

  જો તમારી પાસે કોઈ પુરાવા હોય તો તે અપલોડ કરી શકાય છે.

  
  


• 
  

  એકવાર ફરિયાદ નોંધાયા પછી, 'એડ' પર ક્લિક કરો અને સબમિટ પર ક્લિક કરો.

  
  


• 
  

  તમારી ફરિયાદ નોંધવામાં આવશે.

  
  

ફરિયાદ નોંધણી નંબર તમારા રજિસ્ટર્ડ ઈમેલ અને મોબાઈલ નંબર પર મોકલવામાં આવશે.

આ રીતે ફરિયાદનું સ્ટેટસ તપાસો

તમારી ફરિયાદનું સ્ટેટસ તપાસવા માટે, epfigms.gov.in પર ક્લિક કરો. અહીં તમને View Status વિકલ્પ દેખાશે, તેના પર ક્લિક કરો. તમારો રજિસ્ટર્ડ મોબાઈલ નંબર અને ઈમેલ આઈડી અહીં દાખલ કરો. તે પછી સુરક્ષા કોડ દાખલ કરો. આ પછી તમે તમારી ફરિયાદનું સ્ટેટસ જોઈ શકશો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: EPFO account