કોવિડની સારવાર માટે પૈસાની જરૂર છે! PF એકાઉન્ટમાંથી મેળવી શકાય છે પૈસા

નવી દિલ્હી : સમગ્ર દેશમાં કોરોનાના કેસમાં સતત વધારો થઈ રહ્યો છે. કોરોનાની બીજી લહેરમાં દેશભરમાં સૌથી અધિક લોકો સંક્રમિત થયા છે. એકતરફ લોકો કોરોના સંક્રમણથી લડી રહ્યા છે, બીજી તરફ લોકો અધિક ખર્ચના કારણે અધિક ચિંતિત છે. એવામાં સેલેરાઈડ ક્લાસના લોકોને રાહત મળી છે. કર્મચારી ભવિષ્ય નિધિ ખાતા ધરાવતા કર્મચારી પૈસા મેળવી શકે છે અથવા મેડિકલ ગ્રાઉન્ડ પર લોન લઈ શકે છે.

શેના માટે પૈસા કાઢી શકે છે

કર્મચારી ભવિષ્ય નિધિ સંગઠન (EPFO) દ્વારા નિર્ધારિત માપદંડ અનુસાર, કર્મચારી ચિકિત્સા ઇમરજન્સી, ઘરનિર્માણ અથવા નવા ઘરની ખરીદી માટે, ઘરના રિનોવેશન માટે, હોમ લોનની ચૂકવણી અને લગ્ન માટે પૈસા મેળવી શકે છે. ઘર માટે જમીન અથવા મકાન ખરીદવા માટે PF ખાતામાંથી 90 ટકા સુધીની રકમ મેળવી શકે છે.

EPF વિડ્રોઅલના નિયમ

જે લોકો કોવિડ-19ની સારવાર માટે પૈસા મેળવવા માંગે છે તેઓ તેમના પતિ કે પત્ની, ઘરના સભ્ય, માતા-પિતા અથવા બાળકો માટેની ચિકિત્સા આપાતકાળની સ્થિતિમાં પૈસા પરત મેળવી શકે છે. જો કોઈ કર્મચારી કે તેના માતા-પિતા, પતિ-પત્ની અથવા બાળકો કોરોનાને કારણે બીમાર પડ્યા છે તો તે સભ્યો EPFમાંથી રકમ મેળવી શકે છે. આ પ્રકારે EPF વિડ્રોઅલ પર કોઈ લોક-ઈન અવધિ કે ન્યૂનતમ સેવા અવધિ લાગુ પડતી નથી.

આ પણ વાંચો - બનાસકાંઠાના ધાનેરામાં કરા સાથે કમોસમી માવઠું, આકાશી આફતથી ખેડૂતો ચિંતાતુર

PF ખાતામાંથી પૈસા કેવી રીતે મેળવવા

· આ માટે તમારે EPFO કાર્યાલય જવાની જરૂર નથી. તમે ઘરે બેઠા આ પ્રક્રિયા પૂર્ણ કરી શકો છો.

· સૌથી પહેલા https://unifiedportal-mem.epfindia.gov.in/memberinterface/ વેબસાઈટ પર જવાનું રહેશે.

· તે બાદ તમારે UAN નંબર, પાસવર્ડ અને કૈપ્ચા કોડ નાખવાનો રહેશે.

· તે બાદ તમારે 'Manage' ઓપ્શન પર ક્લિક કરવાનું રહેશે, ત્યારબાદ તમારે તમારા PF એકાઉન્ટની KYC થઈ છે કે નહીં તે જાણવાનું રહેશે.

· હવે 'Online Services'માં જઈને CLAIM (FORM-31, 19 અને 10C)ના ઓપ્શન પર ક્લિક કરો.

· તમારે તમારુ ક્લેમ ફોર્મ સબમિટ કરવા માટે 'Proceed For Online Claim'ના ઓપ્શન પર ક્લિક કરો.

જરૂરી ડોક્યુમેન્ટ

· કર્મચારી પાસે યુનિવર્સલ એકાઉન્ટ નંબર (UAN) હોવો જોઈએ.

· કર્મચારીના બેંક ખાતાની માહિતી તેના EPF સાથે મેચ થવી જોઈએ.

· EPF નિકાસી નિધિને થર્ડ પાર્ટીના બેંક ખાતામાં સ્થાનાંતરિત કરવામાં નહીં આવે.

· પિતાનું નામ અને કર્મચારીની જન્મતિથિ તે પ્રમાણપત્ર સાથે યોગ્ય રીતે મેચ થવું જોઈએ, જો ઉધારકર્તા જમા કરવાનો નિર્ણય લે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Covid treatment, Epfo