ડિજિટલ રુપિયાને ક્યાં રાખી શકશો? શું તેના પર વ્યાજ મળશે? જાણો આવા સવાલોના જવાબ

નવી દિલ્હીઃ ભારતમાં ડિજિટલ રુપિયાથી લેણદેણ 1 ડિસેમ્બરતી એક હકિકત બની જશે. રિઝર્વ બેંકના જણાવ્યા મુજબ સીબીડીસી એટલે કે કેન્દ્રિય બેંક ડિજિટલ રુપિયા એક કાયદેસરનું નાણું હશે. તમે તેને સરળ ભાષામાં એ રીતે સમજી શકો છો કે ભારતીય રુપિયા અને સીબીડીસી ડિજિટલ રુપિયામાં કોઈ ફરક નથી. બ્લોકચેન સપોર્ટેડ વોલેટ મારફત ડિજિટલ ફિએટ મુદ્રા અથવા સીબીડીસી ટ્રાન્ઝેક્શન કરી શકાશે. આવો તમને આ અંગે વિસ્તારથી જણાવીએ.

આ પણ વાંચોઃ PMS મેનેજર્સના ફેવરિટ આ મલ્ટિબેગર શેર તમારા પોર્ટફોલિયોમાં હશે તો જરુર લાખોપતિ બનાવશે

સવાલઃ હાલ કઈ કઈ જગ્યાએ ડિજિટલ રુપિયાનો ઉપયોગ કરી શકશો?

જવાબઃ આ પાયલોટ પ્રોજેક્ટ છે જે કેટલીક પસંદગીની જગ્યાએ જ શરું કરવામાં આવશે. ડિજિટલ રુપિયાના રિટેલ ઉપયોગમાં આ પરીક્ષણમાં એસબીઆઈ, આઈસીઆઈસીઆઈ બેંક, યસ બેંક અને આઈડિએફસી ફર્સ્ટ બેંક સામેલ છે. પહેલા તબક્કામાં આ પરીક્ષણ દિલ્હી, મુંબઈ બેંગલુરુ અને ભુવનેશ્વરમાં કરવામાં આવશે. ગ્રાહક ડિજિટલ રુપિયાનું લેણદેણ ડિજિટલ વોલેટ દ્વારા કરી શકશે.

સવાલઃ શું ડિજિટલ રુપિયા પર કોઈ વ્યાજ મળશે?

જવાબઃ પેપર નોટને બેંક પર રાખવા પર વ્યાજ મળે છે પરંતુ રિટેલ ડિજિટલ રુપિયા પર ગ્રાહકોને કોઈ વ્યાજ મળશે નહીં. જોકે બેંકમાં જમા કરાવવા પર તેના પર વ્યાજ મળશે. રિટેલ ડિજિટલ રુપિયા આરબીઆઈ બેંકોને એક ટોકન તરીકે આપશે.

આ પણ વાંચોઃ આ મલ્ટીબેગર કંપની ઓપન માર્કેટમાંથી શેર પરત ખરીદશે: હાલનો ભાવ રૂ. 148 અને બાયબેક પ્રાઈસ રૂ. 200

સવાલઃ શું હું કોઈ દુકાન પર જઈને કોઈ સામાન ખરીદી શકીશ?

જવાબઃ દુકાનદારના QR કોડનો ઉપયોગ કરીને તમે ડિજિટલ રુપિયાથી લેવડદેવડ કરી શકશો.

સવાલઃ શું ડિજિટલ રુપિયા રાખવા વધુ સુરક્ષિત હશે?

જવાબઃ ડિજિટલ રુપિયા આરબીઆઈ તરફથી બેંકને આપવામાં આવશે. તો આ લિગલ ટેન્ડર હશે. પેપર નોટની તુલનામાં રાખવાને લઈને તે વધુ સેફ રહેશે.

આ પણ વાંચો:બ્રોકરેજ હાઉસને આ મિડકેપ સ્ટોક પર છે ભારે વિશ્વાસ, દોઢ વર્ષમાં તિજોરી છલકાવી દેશે

સવાલઃ ડિજિટલ રુપિયાને ખિસ્સામાં તો નહીં રાખી શકું, તો ક્યાં રાખવા?

જવાબઃ આ પૂરી રીતે પેપર નોટ જેવા આકારમાં જ હશે, તેને રાખવા માટે બેંકો જ ગ્રાહકોને ડિજિટલ વોલેટ ઉપલબ્ધ કરાવશે. જેને મોબાઈલ ફોન કે અન્ય ડિવાઇસમાં સ્ટોર કરવું પણ સુરક્ષિત રહેશે.

સવાલઃ શું આ ડિજિટલ રુપિયો ક્રિપ્ટો કરન્સી સમાન છે?

જવાબઃ ના, આ ડિજિટલ રુપિયો બિલકુલ ક્રિપ્ટોકરન્સી જેવો નથી. કેમ કે ક્રિપ્ટો કરન્સીનું મુલ્ય હમેશા ઘટતું વધતું રહે છે. જ્યારે ડિજિટલ રુપિયામાં એવું કશું જ નથી. તેની વેલ્યુ રુપિયાની વેલ્યુ જેટલી જ હશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Digital Rupee, Share market