સરકાર આપશે 5 લાખ સાવ સસ્તાં ઇન્ટરનેટ કનેક્શન અને ફ્રી મોડેમ, જુઓ ક્યાં અને કોને કોને મળશે લાભ

Digital India: કેન્દ્ર સરકાર દેશમાં ઈન્ટરનેટ કનેક્ટિવિટીને સુધારવા અને પ્રોત્સાહન આપવા માટે તમામ પ્રયાસો કરી રહી છે. શહેરોમાં હવે સારી કનેક્ટિવિટી મળવા લાગી છે. પરંતુ, મોટાભાગના ગામો હજુ પણ ઝડપી ઇન્ટરનેટથી વંચિત છે. આ અછતને પહોંચી વળવા સરકાર ગ્રામીણ વિસ્તારોમાં બ્રોડબેન્ડને પ્રોત્સાહન આપવા માટે પોસાય તેવા દરે 5 લાખ ફાઈબર ટુ ધ હોમ (FTTH) કનેક્શન સ્થાપિત કરવાની તૈયારી કરી રહી છે.

CNBC TV18 હિન્દીના એક રિપોર્ટ અનુસાર, સરકાર આવતા સપ્તાહથી આ સ્કીમનો પાયલોટ પ્રોજેક્ટ શરૂ કરી શકે છે. આ જોડાણો ગ્રામીણ વિસ્તારોમાં ભારત નેટ પ્રોજેક્ટ દ્વારા સ્થાપિત કરવામાં આવશે. આ માટે સરકારે BSNL સાથે 250 કરોડ રૂપિયાનો કરાર કર્યો છે. આ કરાર BSNL આ રકમનો ઉપયોગ ગ્રાહકોને ફ્રી મોડેમ આપવા માટે કરશે.

આ પણ વાંચો:Service Sector PMI: સર્વિસ સેક્ટર 12 વર્ષની સર્વોચ્ચ ઉંચાઈએ, ફેબ્રુઆરીમાં PMI 59.4

2 લાખ ગામડાઓ ભારતનેટ સાથે જોડાયેલા

અત્યાર સુધી પ્રાપ્ત માહિતી અનુસાર, 31 ઓક્ટોબર 2023 સુધીમાં ગ્રામીણ વિસ્તારોમાં લગભગ 5 લાખ કનેક્શન સ્થાપિત કરવાનો લક્ષ્યાંક રાખવામાં આવ્યો છે. જણાવી દઈએ કે ભારત નેટ હેઠળ અત્યાર સુધીમાં બે લાખથી વધુ ગામડાઓ ફાઈબરથી જોડાયેલા છે.

આ પણ વાંચો:ઓછી મહેનતે વધારે કમાણી કરવી હોય તો આ બિઝનેસ જ કરાય, મહિનામાં 1 લાખ તો આરામથી મળી જશે

ભારતનેટ પ્રોજેક્ટ શું છે

ભારતનેટ પ્રોજેક્ટ એ વિશ્વનો સૌથી મોટો બ્રોડબેન્ડ પ્રોગ્રામ છે જે ગામડાઓમાં ઝડપી ઇન્ટરનેટ પ્રદાન કરશે. આ એક સંપૂર્ણ મેક ઈન ઈન્ડિયા પ્રોગ્રામ છે જેમાં વિદેશી કંપનીઓનો કોઈ હિસ્સો નથી. ભારતનેટ પ્રોજેક્ટ દ્વારા, સરકાર 'ડિજિટલ ઈન્ડિયા' પહેલને પ્રોત્સાહન આપી રહી છે કારણ કે તેમાં ઇન્ટરનેટ સુવિધા ગામડે ગામડે ઉપલબ્ધ કરાવવામાં આવશે. સરકારે આ પ્રોજેક્ટને ત્રણ તબક્કામાં પૂર્ણ કરવાનો લક્ષ્યાંક રાખ્યો છે. પ્રથમ તબક્કો 2017માં શરૂ થયો હતો. સરકારે તેને આ વર્ષે એટલે કે 2023માં પૂર્ણ કરવાનું લક્ષ્ય રાખ્યું છે.



ભારતનેટ લગભગ 20,100 કરોડના ભંડોળ સાથે યુનિવર્સલ સર્વિસ ઓબ્લિગેશન ફંડ (USOF) દ્વારા ભંડોળ પૂરું પાડવામાં આવે છે. યુનિવર્સલ સર્વિસ ઓબ્લિગેશન ફંડની સ્થાપના ગ્રામીણ અને દૂરના વિસ્તારોમાં લોકોને પોસાય તેવા અને વાજબી ભાવે 'મૂળભૂત' ટેલિગ્રાફ સેવાઓની ઍક્સેસ પ્રદાન કરવાના મૂળભૂત ઉદ્દેશ્ય સાથે કરવામાં આવી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Broadband, Business news, Digital, Internet