Digi Yatra: માર્ચ સુધીમાં આ 3 એરપોર્ટ પર પેપરલેસ એન્ટ્રી, જાણો શું છે ડિજી યાત્રા

Digi Yatra: માર્ચ 2023 સુધીમાં કોલકાતા, પુણે, વિજયવાડા અને હૈદરાબાદ એરપોર્ટ પર ડિજી યાત્રા લાગુ કરવામાં આવશે. ડિજી યાત્રા એ ચહેરાની ઓળખ ટેકનોલોજીનો ઉપયોગ કરીને બાયોમેટ્રિક બોર્ડિંગ સિસ્ટમ માટે નાગરિક ઉડ્ડયન મંત્રાલય દ્વારા શરૂ કરવામાં આવેલી અનોખી સિદ્ધિ છે. હાલમાં દિલ્હી, બેંગલુરુ અને વારાણસી સહિતના ત્રણ એરપોર્ટ પર ડિજી યાત્રાની સુવિધા છે અને મુસાફરોને ચહેરાના બાયોમેટ્રિક્સ પર આધારિત કોન્ટેક્ટલેસ, પેપરલેસ ચેક-ઇન અને બોર્ડિંગ પ્રક્રિયા પૂરી પાડવામાં આવે છે. તેની શરૂઆત 1 ડિસેમ્બર 2022 ના રોજ કરવામાં આવી હતી.

ID તપાસવાની જરૂરી નથી

મંત્રાલયે જણાવ્યું હતું કે DigiYatraનો ઉદ્દેશ્ય એરપોર્ટ પર મુસાફરોને એકીકૃત અને મુશ્કેલી-મુક્ત અનુભવ પ્રદાન કરવાનો છે. જેનો મુખ્ય ઉદ્દેશ મલ્ટીપલ ટચ પોઈન્ટ્સ પર ટિકિટ અને આઈડીની ચકાસણીની જરૂરિયાતને દૂર કરીને વધુ સારો અનુભવ પ્રદાન કરવાનો છે.

આ પણ વાંચો:Internet Speed: ઇન્ટરનેટ સ્પીડને લઈને સરકારે જણાવી આ વાત, માનવી પડશે ટેલિકોમ કંપનીએ

આ પ્રોજેક્ટ દેશના અનેક એરપોર્ટ પર તબક્કાવાર રીતે પ્રોસેસિંગના તબક્કામાં છે. ડિજીયાત્રાના અમલીકરણ પરનો ખર્ચ એરપોર્ટ ઓપરેટરો દ્વારા ઉઠાવવાનો છે કારણ કે નાગરિક ઉડ્ડયન મંત્રાલય તેના અમલીકરણ માટે કોઈ અંદાજપત્રીય સહાય પ્રદાન કરતું નથી. વિજયવાડા અને વારાણસી એરપોર્ટ પર બાયોમેટ્રિક બોર્ડિંગ સિસ્ટમના અમલીકરણ માટે સોંપવામાં આવ્યું છે.

ડીજી યાત્રા એપ એન્ડ્રોઈડ અને આઈઓએસ પર ઉપલબ્ધ

ડિજી યાત્રા એપ એન્ડ્રોઇડ અને આઇઓએસ બંને ફોન માટે ફ્રી એપ છે અને તેને એન્ડ્રોઇડ માટે ગૂગલ પ્લે સ્ટોર અને આઇફોન માટે એપ સ્ટોર સાથે કોઈપણ સ્માર્ટફોન પર ડાઉનલોડ કરી શકાય છે. એપ્લિકેશન સંપર્ક વિનાની ઓળખ માટે પરવાનગી આપે છે, જે સુરક્ષા તપાસ, બોર્ડિંગ ગેટ્સ અને એરપોર્ટ એન્ટ્રી પોઈન્ટ પર વિતાવેલા સમયને ઘટાડે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Airports, Business news, Technology news